2 Korint 6:11 - Nobonob Baibel

¹¹ Korint danab, ig ag amelagppa nai elab miag atiak mattita, ahilagnu amu, ig oo mauhak okkainab doottem.

2 Korint 6:11 ပူးပေါင်းရင်းမြစ်များ

Job 32:20

Nai amu da oolppaib dayebeb, guittak tuɗittak meɗamanu da nai madikkuloitte. Ge, da oɗelppa nai mattien, guittak amu baula ii doopanu madikkuloitte.

Sam 119:32

Na ⌊nahip ɗoppa⌋ diignu doyak tutukku dahil tuɗitte, okkai mette amunu, da nahip ɗo, gamag ahak ele dim lamidkkul.

Sam 51:15

O Naɗi, na da oɗel ehanidppe elele dayeb, da oɗelppa na humidkkulnu oɗ medattem.

Aisaia 60:5

Ag amu anidna amu, ag oolag gamag eheɗ ahakku. Ao, ag gamag ahak naɗinab dooglag. Aɗinu? Wan laappan danab ag Yawe binag mekkulagnu yu qaɗeppa uɗina, en kuɗum aon uɗiglag. Ao, wan laappan danab ag Yawe binag mekkulagnu en okkai mawadna uɗiglag.

Esekiel 33:22

Amu danab nug deɗ amuppa uɗia, da amelppa aum, amge danab amu nug da gumiɗa ii uɗiak haenppa, butti uɗikku amu, deɗ amuppa tueb Yawe Nug da nuhig uɗat hekkulnu aɗaila he, da oɗel oppate, nai mattimi. Anam amu, anam ukke, wagɗe buttua deɗ amuppa danab amu uɗiom. Amu Yawe Nug anam heum amunu, da oɗel qamuttak ii dayeye, da nai madikkulnu elele daye, da nai mattimi.

Habakuk 2:5

Anam amu, wain am danab amu he, na qette. Ao, beɗuppa tak danab amu nug toetta ii daatte. Mauhak aben am, ‘Elele! Danab mauhppig baula imuppa aib uɗippig,’ attete? Iitta! Ge, mauhak am, ‘Da hei, danab ah elele mauhppig,’ attete? Iitta! Anam amunu, amubia danab amu ⌊am Babilon dilag okkai amu⌋, nug wanppan wan ohnu danab ah nug waappa daaglagnu diiakib diiadtte. Ao, nug atu ohppan danab ah diiatte, nug eppegppa daatteb.

Aposel 18:1

Amu dimppa amu Pol nug Atens uua aha, Korint ukkom.

Aposel 18:8

Pol nug appa daye, Juda dilag nai doyak lagnu ikki danab onig Krispus, amu nug baekkudppa ele ag oh Jesusnu oolagppa genab dooppig. Korint kuɗum laa ele ag Pol nai mehuqe, ag oolagppa genab doona, layattak aoppig.

2 Korint 12:15

Aria, da am dahil keeke oh ahilagnu agappi gokkunu uug laa ii doottem. Am dahil bau dayak ele, ag ehanadkkulnu maoppi gokkunu uug ii doottem. Da oo mauhak ahilagnu huanak doottem dayeb, ag amu anidna, ag dahilnu oo mauhak nakokib dooglagte?

2 Korint 2:4

Da anukka ahilag uɗugppa nai uug ele yaami, haen amuppa amu da ahilagnu oolppa uug nau, amu guittak ele doyeye, da huanak ele gaami. Am da ad uɗug yaami amuppa da ag oolag uug medakkulnu ii yaami. Iitta. Da ad uɗug yaami amu, ag da ahilagnu ool okkai mauhtte, amu dooglagnu yaami.

Galesia 3:1

Galesia ag am dabmak tutukku iitta danab. Da Jesus Kristusnu ag amelagppa mattiiyi, ag geha aakku Nug ad emaitakppa atuleg dayeye anidppig bia dooppig. Amu aun nug he, gemu ag ahilag dabmak am kaboliak daatte?

Galesia 4:12

O lailad, da ag oitteb bia oimi amunu, gemu ag da oittem bia oiglagnu unuqadttem. Ag dootteb, da tatam digmein, Nai Ena ag amelagppa mehuqmi ele, haen amuppa da oɗe ele amunu, da ahilagppa nai mehuqmi, amge haen amuppa ag diig amunu ag dahilppa eheɗ laa ii heppig.

Epesus 6:19

Ag da ehaniɗkkulagnu ele amu, ag Kayak Nug nai mattiak haenppa da oɗelppa nai meeb, da madikkulnu, amu Nug heeb, da baɗak iitta dayen, Kayaknu Nai Ena, tatam lokkumak dayom amu, da madikkulnu unuqitteg!

Epesus 6:8

Aɗinu? Ag dootteb, aun nug uɗat ena hette amu, nug Naɗi toppa nob ena aokku. Naɗi Nug begbeg maɗi nid dilagppa amu begbeg maɗi nid iitta, amu dilagppa ele anamib hekku.

Pilipai 1:8

Kayak Nug Jesus Kristus ihinignu oo mauhak dootte, amubia da ahilagnu oo mauhak doye, da ag anadkkulnu ool okkai daatte amu, Nug dootte; Nug ab dooglagnu elele.

Pilipai 4:15

Amu ag Pilipai danab ag imu dootteb; ag Nai Ena tatam dooppig, haen gamag amuppa amu, da uɗat amu ahilagppa, ⌊laa dilagppa ele⌋ hei ukke, da Makedonianu ahami amu, haen amuppa Kristen tamaniak attentai laa da ehaniɗa, keeke nob tuɗittak ele laa ii meɗom. Iitta. Ag Pilipai akka aakkuib ehaniɗppig.

Revelesen 22:12

Nug anam a amu Jesus Nug aum, “Doyeg! Haen elab iitta da ana uɗikkul. Da nob ena, nob nau ele awe uɗikkul, amu da danab anen anen aɗi heppig, da amunu nob madakkul,” awa aum.

1 Samuel 2:1

Hana nug Yawe binag ma mattiaya, nug inam aum. “Da Yawenu amu, da ool gamag ahatte. Nuhig ehanittakppa amu, da ɠagattag daattem. Yawe Nug he, da kekeɗ dahilad imadttem. Aɗinu? Nug da ehaniɗe, da amunu enanagnab doottem.