2 Korint 5:5 - Nobonob Baibel

⁵ Kayak Nugib ig anam daagnignu ib babaittom daatte. Kayak Nug genabnab genab geha keeke amu oh megakkunu ippunigkkunu Nug nuhig Ouɗi, keeke lonnu onig awak bia, ig mekkom.

2 Korint 5:5 ပူးပေါင်းရင်းမြစ်များ

Aisaia 29:23

Aɗinu? Da heppi, Jakop buɗub ag huana apatppeg, nid ahilkad kuɗumnab daappeg, ag amu anidna, haen amuppa amu, ag da onil oppiaawak ele dabmenana, ag dahil nai dim lamidkkulag. Ag da, da am Jakop buɗub dilag Kayak Oppiaawak Ele amu, ag da oppiaawak daattem doon autna aon, anan oiglag. Ao, ag da noolppa, da am Israel dilag Kayak amu, ag da noolppa ebehilag oh bodoetta le meebeb oiglag.

Aisaia 60:21

Ag Juda danab ah oh ag genab tutukku hak kobolib dim lamidnana, ag ahilag wan aon, amuppa hanhan daaglag. Laa ag ahilag wan baula ii gumamna. Danab nug ee eppe, qaɗu ba okkai me, nuhig daatte, amubia ag Juda ag dahil daaglag. Danab keeke eppegppa he, nuhig daatte, amubia ag dahil daaglag. Da danab ah laa oh ag dahil binag amahlak oppiaawak ele anidkkulagnu da hak anam hekkul.

Rom 8:23

amge Kayak keeke oh hattom, keeke amu aakkuib ag anam ii hetteb. Iitta. Ig Kayak Ouɗi aomut, Nug am hanhan ena dayak awaknu hapin pania mekkom daatte amu, ig ele Kayak Nug heeb, ig beɗunig bau aot, ig Nug bekkodnab daagnignu aeqakkata, ameg meta daattem.

2 Korint 1:22

Nug ig nuhignab daattemnu epponak keeke nuhig ihinigppa mewowa, ig keeke Nug megakkun babaittom amu genab aognignu amu doognignu, Nug nuhig Ouɗi, keeke lonnu onig awak bia, ig oonigppa meum.

2 Korint 4:17

Amu inam. Ihinigppa uug bette amuam nakokib; am haen tutu aakkuib daatte. Geha dimppa hab aabppa amu ig bau hanhan, ena dayak amu aognig. Hab aabppa bau ena dayak amuam ig beɗunignu uug nakok imu huanak eɗadtte.

Epesus 2:10

Amu Kayak Nug nuhig doyakppa he, ig bemut. Ge, Kayak Nug he, ig Kristus Jesusnu daatta, ig kobol ena hekkunignu daattem amunu, ig ig oninig humagnignu elele iitta. Kayak Nug ig amuppa oignignu anukka babaitta mekkom.

Epesus 4:30

Ag Kayak Ouɗi oo uug aib medappig. Aɗinu? Ag Nug aoppig oitteb amunu, dimppa qagaiettakppanu eɗua uhuqak awaknu deɗppa Kayak Nug uhuqak amu madakkunu, nuhig Ouɗi, epponak keeke bia, ahilagppa daatte.

1 Jon 3:24

Anam amunu, laa ag Kayaknu ɗo dim lamidtteb amu, ag Kayak nuhigppa daatteb, amu Kayak Nug ele danab amu, ahilagppa daatte. Kayak Nug nuhig Ouɗi ig mekkom amunu, amuppa ig doottem, Nug ihinigppa daatte.