2 Korint 5:19 - Nobonob Baibel

¹⁹ Amu nai ihinig amu iikku. Kayak Nug Kristusnu uɗatppa danab ah oh ele oolag laippu daaglagnu ib babaitta, Nug ag ahilag hipuninnu nob madakkunu ii dabmeum. Aria Nug he, danab ah ag Nug ele oolag laippu bekkulagnu ib babaittak daatte, Nug nai amu mehuqaknu uɗat amu ig mekke hettem.

2 Korint 5:19 ပူးပေါင်းရင်းမြစ်များ

Aisaia 43:25

⌊Ag hipunin henana, padal mekkulagnu elele,⌋ amge da, da Yawe, da diilnu dabmak anuqak awewe, da ahilag hipunin uhuqen madattem. Da ahilag hipunin uhuqen matten, da daul atie, baula dab-ii-mettem.

Aisaia 44:22

Ag hipunin heppig, amge da hei, ulah lombig ye ukka ii daatte, amubia da ahilag hipunin oppii ii daatteb. Ao, ag hipunin heppig, amge aam he, buttuanu buttuɗai iitta mette, amubia da uhuqen mattai, hipunin ahilag ii daatteb. Da ag hipuninnu qagaiettakppanu eɗua uhuqak hein mattami amunu, ag dahilppa eɗun uɗieg!” Yawe Nug anam atte.

Namba 9:16

Anam haaha, tuɗid ele haaha dayom. Lombig nug amunppa mettid haknu peh lag haute, tuqan amu aab ewak bia dayom.

Matyu 1:23

“Doyeg! Ah makkun laa nug oo ele daya, geha nug nid danab menukku. Menueb, ag nid onig Imanuel ataɗkkulag.” Onig amu diig am, “Kayak ig ele daattem.”

Jon 14:20

Haen amuppa amu, da Mame nuhigppa daattem, ag am dahilppa daatteb, da ahilagppa ele daattem amu, ag amu dooglag.

Jon 17:23

Dahilad ag oolag laippunab daaglagnu, laippunab dayak amuppa ag wanppan danab ah na da meiɗe uɗimi, na dahilnu oot mauhom, gemu ele mauhtte, amubia na dahilad, ahilagnu ele oot mauhom, gemu ele mauhtte ippunadppeg dooglagnu, da ahilagppa daakkul, na dahilppa daakkut.

Rom 11:15

Am genab, Israel dilag na qakppa wan atu ohppan danab ag Kayak ele oolag laippu daaglagnu elele daatteb amunu, dimppa Israel ag oolag eɗueb, Kayak Nug ag eɗua diieb, keeke enanagnab bekku. Amuam mauhakppanu eɗua hibaittak.

1 Korint 13:5

Danab nug oo mauhak dootte ele, nug laa noolagppa dagom oitte, nug nukka nuhignuib ii dabmette. Nug paha oo nauhak ii dootte, nug laa ag nuhigppa eheɗ laa heppig, nug amunu tuɗid ii dabmette.

Kolosi 2:9

Ag Kristen, ag amu dabmettaglagnu diig amu, Kayak Nug attemnab daatte, nuhigppa aɗi kobol keeke ambak daatte ele amu, amu oh Jesus Kristus nuhigppa aakku dayeye, Nug ele am danab daatte.

1 Timoti 3:16

Genab, ig Kristen tamaniakppa daattem, ig doyak laa aɗattem, amu doyak amuam lokkumak dayeye, gehaib miag atiom. Doyak amuam unuqagnab ele daatte. Doyak amuam inam. Jesus Nug danab beɗu awa, miag atia beum. Kayak Ouɗi Nug ig Nug tutukkunab ippunikke, engel ag Nug ele anidppig. Nuhig nainu mehuqak am wanppan ɗo maɗoɗppa ukke, wanppanu danab ah ag oolagppa genab dooppig. Kayak he, Nug hab aabppa teum.

1 Jon 4:10

Ig Kayaknu oonig mauhom, diig amunu Kayak Nug Bekka me wan imuppa uɗiom am genabte! Iittanab! Nug ihinignu oo mauhom amunu, Nug Bekka laippunab me, Nug ihinig eheɗ haknu nob nau Nug tiigppa iitta mekkunu heeb elele medakkunu wan imuppa uɗiom. Amuam oo mauhak kobol tutukku aakku.