2 Korint 5:15 - Nobonob Baibel

¹⁵ Nug danab oh abenlagppa mauhomnu diig am, Nug danab oh daatteb, ag akka ahilagnuib dabmena ii oimnanu heum. Iitta. Ag am laa, Nug danab ehanatta mauhe, Kayak he, Nug eɗua hibaittom amu, ag nuhignu dabmenana oiglag.

2 Korint 5:15 ပူးပေါင်းရင်းမြစ်များ

2 King 5:17

Elisa nug anam he, aria Naman nug Elisa amegppa inam aum. “Na da keeke nahip daakkunu hamu medakkulnu hemi ii aokkut dayeb am, nai iitta, amge na appe, laa ag Israel dilag wanppan wan, miul aɗit mawaknu elele, ag wan amu da meɗaglagnu oɗ medattem. Aɗinu? Da, nahip maɗi nid, da baula manaknu ofa, o mana mettak laala ele kayak laa ii medapa. Iitta! Yawe aakkuib medakkul ⌊amunu, da daattemppa nuhig qaɗab wan amuppa qekkulnu hettem⌋.

Esekiel 16:6

Laa oh ag nahipnu anam heppig, amge da, Yawe, da laih gokkulnu uɗien, neekki ukke, na aguppa na tiinppa daan, buɗibɗib oinna heehe anidmi. Da uɗien, na anam anitten, na tiin qaɗeppa niieye amu, da, “Na bau daye!” ami.

Esekiel 37:14

Da heppi, dahil Ouɗi Nug ahilagppa ukkeb, ag bau daaglag, amu da heppi, ag eɗun, ag wanelag diigppa gona daaglag. Da anam heppi, ag da Yawe, da amu hekkulnu ami doon, ag da aakku hemi ele aakku dooglag.’ ” Yawe Nug anam aum.

Esekiel 37:9

Beɗulkad ag anam aakku hena beeg amu, Yawe Nug da amelppa aum. “Na dimppa aɗi bekkunu nai ulah amegppa appe doyaɗ! Yo, danab bekka, na dimppa aɗi bekkunu nai ulah amegppa inam appe doyaɗ! Naɗi Yawe Nug atte. ‘Ulah, na aben ohppanu uɗittem, na anam uɗin, beɗulkad imu ag eɗun bau daaglagnu na ahilkadppa ouɗi iwalppe, noa heeb, beɗulag imu oh ag eɗun, bau ahan dayeg!’ ” Yawe Nug da anam akkulnu aum.

Habakuk 2:4

Laa nug Kayak noobppa genab tutukku hak danab daatte, nug Yawenu ooppa genab dootte amunu, nug bau daakku. Ao, am anam, amge antte! Laa daatte, nug dada danab daatte. Ge, nuhig oo hak am kaliak ele.

Sekaraia 10:9

Da hei, ag haɗag ulah diie, laih laih gotteb bia wan atu laih laih matatun gona daatteb, amge appa ag dahilnu dabmekkulag. Ao, ag, amu ahilkad nid ele ag bau daanna, ag eɗun, ippa, Israel wanppa uɗin daaglag.

Jon 5:24

Da genabnab genab ag amelagppa attem. Laa nug nai dahil doya, Laa Nug da meiɗe uɗimi, nuhignu ele ooppa genab dootte amu, nug bauklel hanhannu ele; nug padal maknu epeɗiak ii anidma. Iitta. Nug aakku mauhaknu ib uua, gemu nug bauklel hanhannu ibppa daatte.

Jon 6:57

Mame, Nug bauklel daatte ele, Nug da meiɗe uɗimi amu, da nuhigppa bau daattem amubia, aun nug da laiɗtte amu, nug dahilppa bau daatte.

Rom 12:1

Amunu O lailad, Kayak Nug ahilagnu keeke okkainab heum amunu, da ag akka ag danab nug doɗ mana Kayak medatte, amubia ag bau daanna, meulkad oh Nug mettaglagnu unuqadttem. Ag meulkad oh ag Kayaknu oppiaawak ele daanna, Kayak oo niitte bia ele daanna, ag Nug metteg! Ib amuppa ag genab Nug noobppa dup nona binag mettaglag.

Rom 4:25

Kayak Nug Jesus me uɗia, ihinig hipunin uhuqa megakkunu mauhom, amu ⌊ig Nug eɗua hibaittom anidta, nuhignu oonigppa genab doopput,⌋ Kayak Nug ⌊amuppa⌋ ihinignu, “Genab tutukku hak danab,” akkunu Nug he, Jesus eɗua hibaittom.

Rom 6:2

Iittanab iitta! Aɗinu? Ig am danab mauhom, hipunin laa ii hette, amubia ig hipunin haknu matu uumut amunu, ig attem heta, gemu ig kobol uumut ele eɗut baula hetat oignig?

Rom 6:6

Amu ig doottem, ig oonig alag, ihinig oiyak alag amuppa beum ele, nuhig ɠagattag ig duttunigmanu, ig ele hipuninnu begbeg maɗi nid ii daamtanu, Kristus ad emaitakppa mauhom, haen amuppa ihinig oiyak alag am ele appa Nug ele mauhom.

Rom 8:10

Ag hipunin heppig amunu, ag beɗulag mauhtte, amge Kristus ag oolagppa daatte dayeb, ag ouɗilag bauklel daatte. Aɗinu? Kayak Nug ahilagnu, “Genab tutukku hak danab,” aum.

Rom 8:2

Aɗinu? Kristus Jesusnu uɗat okkaippa Kayak Ouɗinu ɗo, ig bauklel megatte ele, ɗo amu da, ⌊laa oh Jesusnu oolagppa genab dootteb ele⌋ am hipuninnu ɗo, mauhak he bette ele amu, ɗo amu eleppanu eɗua awikke, gemu da, ⌊laa oh ag Jesusnu oolagppa genab dootteb ele⌋ baula keeke aɗit amu waappa ii daattem.

Rom 8:6

Danab nug oo alagnu keekenu dabmak anuqak awawa oitte, danab amu nug mauhkku. Danab nug Kayak Ouɗinu keekenu dabmak anuqak awawa oitte, danab amu nug bauklel awa, maɗoɗ daakku.

1 Korint 10:33

Da hettem amubia ag heig! Da keeke oh hettem amu, danab oh ag da aɗi hettem amu oolag mettaglagnu hettem. Da uɗat hettem amu dakka ehaniɗkkulnu ii hettem. Iitta! Da uɗat hettem amu, danab ah kuɗum ehanadppi, Kayak eɗua diikkunu aakkuib hettem.

2 Korint 12:10

Anam amunu haen da Kristusnu uɗat hekkulnu amu da ɠagattag iitta, haen da Kristusnu uɗat hettem, danab ag amunu da eheɗ heiɗtteb, haen da Kristusnu uɗat hettem, da amunu uug digdig da beɗulppa doottem, amu haen da Kristusnu uɗat hettem, danab ag amunu heeg, da eheɗ daattem ele amu, da haen amuppa oolppa enanagnab doottem. Ao, haen da ɠagattag iitta daattem amu, haen amuppaib aakku da ɠagattagnab daattem.

2 Korint 3:6

Kayak Nug he, ig elele daata, ig nug tituana nai qakkak baunu maɗi nid daattem. Tituanak bau imu amu, nuhig ɗo nai yaak laa iitta. Iitta. Nug am Kayak Ouɗinu keeke. Ɗo nai yaak, amuam danab qe mauhtte, amge Kayak Ouɗi Nug danab bauklel medatte.

2 Korint 5:16

Anam amunu gemu amu, ig oo alagppan kobolppa baula danab laa ib amuppa ii epeɗittem. Genab, anukka ig oo alagppan kobolppa Kristus epeɗimut, amge gemu ig anam ii hettem.

Galesia 5:25

Kayak Ouɗi, laa iitta, Nug ig bau megatte, diig amunu ig Nug waappa ele daatu!

Epesus 4:17

Amunu da imu ag amelagppa attem. Da Naɗi onigppa iikku ɠagattag madittem. Ag nai imu aotteb ele amu, ag iitta aɗi ag dabmak apiɗidna oitteb ele amu, ag kobol amubiappa baula aib oippig.

Epesus 5:14

Aɗinu? Amahlak am he, keeke oh miag atiak bena daatteb. Diig amunu nai imu Kayak naippa niitte. “Na niittem ele amu, na ahe! Na mauhakppanu eɗun hippaidppe, Kristus na amahlak medakku.”

Kolosi 2:12

Ag layattak aoppig, haen amuppa ag Kristus ele laippu ouqena daappig; ag Nug ele oh laippu moɗppa boumak daappig. Ele amu, ag layattak aoppig, haen amuppa ag ele Kayak Nug nuhig ɠagattagppa uɗat he, Jesus eɗua hibaittom oolagppa genab doyegeg, ag Kristus ele oh laippu eɗun hippaidppig daatteb.

Kolosi 3:1

Kayak Nug he, ag Kristus ele oh eɗun hippaidppig amunu, ag keeke attannu, aben amuppa Kristus Nug Kayak eppeg naɗiap-ppa heɗep na daatte amu, ag keeke amuib aoglagnu dabmenana oiyeg!

Kolosi 3:17

Ag nai madittebtai, o iitta ag uɗat hettebtai, o iitta ag aɗi keeke hetteb amu, ag Jesus onigppa Mame Kayak amegppa, “Ena heme,” anana, ag keeke amu oh Naɗi Jesus onigppaib heig!

Kolosi 3:23

Keeke oh ag hetteb amu, ag hekkulagnu ag oolag mettan heig! Amu ag, “Ig danabnu uɗat hettem,” doonna aib heppig. Iitta. Ag, “Ig Naɗinu uɗat hettem,” doonna heig!

1 Tesalonaika 5:10

Nug ig ehanigkkunu mauhom amunu, ig bau daagnig o iitta ig mauhkkunig amu, ig Nug uɗikku amu, ig Nug ele bauklel haen oh daagnig.

Taitus 2:14

Kristus Nug ig ihinig nau hak ohnu qagaiettakppanu eɗua uhuqak hekkunu, ig nuhikkudnab danab ah oppiaawak ele daatta, kobol ena tutukku aakkuib hekkunignu dabmak aognignu amu, Nug ihinignu mauhom.

1 Pita 4:6

Danab laa mauhppig amu, tatam ag danab oh bia beɗulkadnu epeɗiak aon mauhkkulag, amge geha ag ouɗilkad Kayak ⌊oo niitte bia⌋ nuhig Ouɗippa ag bauklel daaglagnu, laa ag Nai Ena ag amelagppa mattieg dooppig.

1 Jon 4:9

Kayak Nug Bekka laippunab, ig nuhigppa bauklel aognignu wanppa me uɗiom amunu, amuppa amu Kayak Nug ihinignu oo mauhak dootte ig ippunikkom.

Revelesen 1:18

Da am laa bauklel hanhannu ele daattem. Da mauhmi, amge antte! Da bau daattem; gemu, hanhan ele. Amu danab mauhppig ele, da ahilag okkai daakkulnu onil ele.