2 Korint 5:13 - Nobonob Baibel

¹³ Ig Jesusnu oonigppa genab dootta, kobol laala, wanppan danab ag amunu, “Kaaka kobol,” aon atteb ele amu, ig amu hettem dayeb amu, ig Kayaknu dabmetata hettem. O iitta ig nai unuqag, doyak ena eleppa nai madittem dayeb amu, ig ag ehandadkkunignu hettem.

2 Korint 5:13 ပူးပေါင်းရင်းမြစ်များ

Jeremaia 29:26

“Yawe Nug na mana mettak danab Jehoiada abenab aona, na Yawe laug gumakkutnu tituanittom amunu, danab auntai nug kaaka danab dayaya, nug ippu haaha, propet danab bia bette amu, na danab amu aon, maniguittak naunab nau, baeg, eppeg ele adppa qakkak, duug am aenppa qakkak amu, na amuppa mekkutoitte.

Mak 3:21

Anam dayeye, Nug anig amakkud ele ag amu doona, ag ahan, Nug omalna gokkulagnu uɗippig. Aɗinu? “Nug kaaka qeum,” aon appig.

Rom 12:3

Kayak Nug da ehanittak okkai hamu meɗom amu, da amuppa ag anen anen amelagppa attem. Ag akka anen anen ag, “Dahil hak, dahil oiyak ele am enanag,” amge nahip hak, nahip oiyak ele am melemel amuppa ii bette amu, ag anambia aib dabmeppig. Iitta. Kayak Nug ooppa genab doyak ahilag ag anen anen matte, ag uɗat hetteb ele amu, ag amu dabmenan, ag akka anen anen ag dabmak tutukku aon oiyeg!

2 Korint 11:1

Ag da dabmeɗappeppeg, da nai hamu madikkulnu hettem imu amu, ag amu doobppeg, ag oolag ii nauhmanu ool daatte. Ag dooglagnuib dabmekkulag.

2 Korint 12:11

Da nai madittem imuam danab nug Kayak dab-ii-maama ii dim lamidttenu nai bia, amge ag akka da nai imu inam madikkulnu duttuniɗeg, da madittem. Aɗinu? Ag dahilnu, “Nug ena hette,” pasppa yaaglagnu am aib iitta, amu kobol elele, ag helob am ena, amge ag anam ii heppig. Genab, da amu keeke hamu, amge da gaɗalagib totol danab ahilkad amu ag waalagppa ii daattem.

2 Korint 12:6

Genab, da dakka onil humakkulnu elele; da helom amu geha da danab nug Kayak dab-ii-maama ii dim lamidtte ele hette bia ii helom. Iitta. Da nai genabib mattilom. Amge da amu ii hettem. Aɗinu? Laa nug dahil kobol da hettem antta, nai da mehuqttem ele doyaya, amuppa aakkuib nug da tutukku dooiɗkkunu ool daatte.

2 Korint 7:12

Amunu am genab, anukka da kobol laa amunu uɗugppa ahilagnu yaami, amge da danab nug eheɗ heum amu danab laa, laa nug nuhigppa eheɗ heum ele, amu dilah dabmein ii yaami. Iitta. Da ag Kayak noobppa ag genab ag oolag ig megatteb amu dooglagnu da ad uɗug amu yaami.

Kolosi 1:24

Amu da gemu beɗulppa guittak maottem imu amu, da amunu maɗoɗppan gamag ahak doottem. Aɗinu? Da Kristusnu Kristen tamaniak, amuam Nug beɗu aakku amu, da tamaniak amu ehanidkkulnu ool daatte. Guittak Kristus Nug Kristen tamaniak ehanidkkunu mawom amuam daatte, amge guittak da dakka beɗulppa maottem imuam da amuppa hei, Kristus Nug guittak mawom amu aakku ambette.

1 Tesalonaika 1:5

Aɗinu? Nai Ena ig ahilagppa aot gomut ele, ig nai aakkuib aot ii gomut. Iitta. Ig Kayaknu ɠagattagppa uɗat heut, Kayak Ouɗi ele Nug he, ag oolagppa genab doona, Kayak ag eɗua diiom ele genab dooppig. Ig ele ag ehanadkkunignu ag oolagppa attem bia oiutut, ag anigna dooppig.

2 Timoti 2:10

Amunu amu, da ool ɠagattag qetten, da Kayak Nug danab ah nuhikkud tituanattom, ag ele Kristus Jesusnu eɗua awikkak aon, haen oh hab aabppa daaglagnu, da ag ehanadkkulnu heinne, uug imu oh maottem.