2 Korint 5:11 - Nobonob Baibel

¹¹ Amu ig Naɗinu ebehi oh bodoetta le mak doottem amunu, ig danab ag nuhignu oolagppa genab dooglagnu uɗat okkai hettem. Kayak Nug ig dooikka malom; Nug noobppa am ig miag bemut daattem. Amu ag ele ig anam dooikkulagnu ool naɗi daatte.

2 Korint 5:11 ပူးပေါင်းရင်းမြစ်များ

Genesis 35:5

Jakop anam he, ag ahan Betel ukkaegeg, Kayak Nug he, appan danab ag baɗak eheɗ nau doon, ag Jakop aɗi ele ban ii heppig.

Job 18:11

Baɗak eheɗ nau nuhigppa baaba daatte; nug adeppa adeppa gotte, baɗaknu keeke beegeg, nug baɗaɗa oitte.

Job 31:23

Amge da eheɗ amu ii hemi. Aɗinu? Da Kayak heiɗeb nauhpanu baɗami. Ao, Kayak Nug dagom onig ɠagattag ele amunu, da keeke amu hekkulnu elele iittanab doomi.

Job 6:4

Laa Nukka Ɠagattag Oh Ele amu, nuhig lat doɗo da iwom. Amu lat doɗo aegppan leppu nau da ouɗilppa ukkom daatte. Ge, Kayak he, da baɗak eheɗ nau doottem.

Sam 73:19

Ag oiyegeg, na hee, haen amuppa laippun, pahanab ag nena qena nauhtteb. Ao, na hee, uug nau be, ag baɗak eheɗ nau doon, iitta metteb.

Sam 76:7

Danab ah ag na huana baɗidttebnu diig am miagib daatte! Haen na oppoɗin bette amu, aun nug na noomppa hibaitta daakkunu elele?

Sam 90:11

O Naɗi, aun nug nahip oo nauhaknu ɠagattag doyeb oo maidkku? Danab ag nahip oppoɗi bak pehettak anidna dootteb ele amu, ag pehettak nahipnu ebehilag oh bodoetta le mette.

Aisaia 19:16

Amu haen amuppa Yawe Nukka Ɠagattag Oh Ele, Nug Isip danab ag bu aqebeb, ag ah ɠagattag iitta daatteb bia daan, ag eheɗ baɗan, hahaɗkkulag.

Aisaia 33:14

Hipunin hak danab ah Sion daatteb ele, ag eheɗ nau baɗatteb. Ao, Kayaknu nuhig haknu ele uuak danab ag hahaɗtteb. Ag hahaɗnan atteb. “Ig oonigppanu amu, aun nug Kayak, Kayak Nug aab aɗu keeke oh ewe iitta mette bia daatte amu, aun nug Nug ele daaglahnu elele?” Ao, ag hahaɗnan, “Ig oonigppanu aun nug Kayak, Kayak Nug aab aɗu keeke oh ewe iitta mette bia daatte amu, aun nug Nug ele hanhan daaglahnu elele?” atteb.

Nahum 1:6

Yawe Nug oppoɗi beeb, aun nug ii nauhma? Ao, Yawe Nug oo nauhak huanaknab doyeb, auntai laa nug ena daakku? Nuhig oppoɗi bak am aab aɗu bia. Nug he, men Nug noobppa daatteb amu, ag aoɗtteb.

Matyu 10:28

Laa ag beɗulag aakkuib qekkulagnu elele, ag dottolag qekkulagnu elele iitta amu, ag amu dilag aib baɗappig. Iitta. Laa nug beɗulag, dottolag ele oh heeb, padal mak abenppa padal mekkulahnu elele amu, ag nuhignu baɗeg!

Matyu 25:46

Aria, danab amu ag gona, haen ohnu nau awak abenppa daaglag, amge genab tutukku hak danab ag bauklel hanhannu aon daaglag,” awa aum.

Luk 12:5

Amge ag aun baɗidkkulagnu amu, da ag ippunadkkul. Laa nug danab qeeb mauheb, buɗieb padal mak abenppa gokkunu ɠagattag ele amu, ag nuhignu baɗeg! Ao, da ag amelagppa attem, ag nuhignu baɗeg!

Luk 16:31

Nug anam aum, amge Abraham nug amegppa aum. ‘Ag Mosesnu nai amu Kayaknu propet dilag nai ele doona ii dim lamidppeg amu, aria laippu laa nug mauhom, matmatppanu aha ukka amelagppa ab amu, ag amu ele geha ag oolagppa amunu genab ii doomna,’ awa aum.” Jesus Nug nai amu mattiom.

Aposel 13:43

Ag anam ana qatina, Juda kuɗum amu iitta aɗi danab ele, ag Juda dilag mettid dim lamidna Kayak noobppa dup nona binag meppig ele, ag ahan, Pol, Barnabas ele dim lamatppig. Amu aa danab amu ag Kayaknu ehanittak okkai hamu megatte ele, ag amunu oolagppa genab doon oiglagnu apiɗ.

Aposel 18:13

Ag Pol aon hettoɗiak abenppa gona, ag nuhigppa nai yaan, inam appig. “Danab imu nug danab ah oh ag ɗo nai daatte amu tabappeg neebeb, ag kobol laappa Kayak noobppa dup nona binag mekkulagnu ippunadtte,” aon appig.

Aposel 18:4

Ag uɗat amu henana, Pol nug Sabat deɗ ohppa amu Juda dilag nai doyak lakka noono, nug ag ele nai mattina, nug heeb Juda amu Grik ele ahilag dabmak amu eɗun, ag Jesusnu oolagppa genab dooglagnu oolag yom.

Aposel 19:26

Amu danab laa onig Pol nug uɗia, danab ah ameg naɗi eeɗatta hambuppue, ahilag dabmak am kaboliak daatte. Ag amu ele anidna dootteb. Antteg, nug Epesus ippaib anam ii heum. Iitta! Nug Asia prowins imu ohppa bia oiyaya, nug anam heum. Nug inam atte. ‘Nigul, danab ag eppelagppa hetteb amu, amuam genab kayak iitta!’ Nug hanhan anam atte.

Aposel 26:26

Da king nug keeke imu oh dootte oolppa genab doottem amunu, da nug amegppa ii baɗeɗe, da nai imu madittem. Keeke imuam lokkumakppa ii beum amunu da doottem, nug keeke imu oh doyom,” awa aum.

Aposel 28:23

Ag Pol ele nai anam mattiona amu, ag deɗ meeg, deɗ amuppa danab ah kuɗum ag Pol gumidna, nug dayom, lag amuppa uɗieg, buttuanu ukke tueb batak nug Kayaknu ɗo maɗoɗnu nai mehuqa, nai Mosesnu ɗoppa niitte, amu propet dilag yaaknu ele, nug nai amuppa ag Jesusnu oolagppa genab dooglagnu, ahilag dabmak maɗetta ippuanatta mattiom.

2 Korint 2:17

Danab kuɗum laa ag oinna, Kayak naippa men doɗonu uɗat hetteb ele amu, ig amubia ii hettem. Iitta. Ig Kristusnu daatta, maɗi nid Kayak maatte gotteb bia, ig oonig oppiaawak eleppa Kayak noobppa nai amu mehuqttem.

2 Korint 5:20

Ig Kristus oɗe aota, nuhig nai madittem. Kayak, Nug ig oɗenigppa ag nai madatte bia amu, ig Kristus onigppa danab oh amelagppa, ag kekeɗ kobol uuna, ag Kayak ib babaittom ele amu, ag ib amu dim lamidna, Kayak ele oolag laippu daaglagnu unuqadttem.

2 Korint 6:1

Ig Kayak ele oh uɗat hettem amunu, ag Kayaknu ehanittak okkai Nug hamu mattom amu, ag amu ii kakidmananu dabmekkulagnu ahilkad dabmak maɗedattem.

Galesia 1:10

Nai da gemu attem imu amu danab ag dahilnu oolagppa ena dooglagnute attem? Iitta! Da Kayak Nug dahilnu oo ena dookkunu hettem. Da am danab ag oolag ittag qekkunuib hettemte? Am da danab ittag qekkunu hettem dayeblob amu, aria da Kristusnu maɗi nid iitta daalom.

Epesus 5:21

Ag Kristusnu ebehilkad oh bodoetta le meeb, ag akka akka ag nug waappa dayeg!

Hibru 10:31

Amu danab laa nug hipunin nuhignu, Kayak bauklel ele eppegppa epeɗiak aokkunu gokkunu am keeke hamu iitta. Keeke amuam keeke baɗak, uug naunab ele.

Hibru 12:29

Aɗinu? Ihinig Kayak Nug am aab dittiak naɗi, keeke oh ewatte iitta metteb, Nug amubia daatte.

Jut 1:23

Laa ag aab aɗuppa daatteb bia daatteb amunu, ag ehanadna, qen oqaina diieg! Am laa ag eheɗ hetteb anadna, ag ahilagnu oolag gai-iitta doona oolag mattan ehanatteg! Amge amu henana, ag dabmena autna aonna, kobol alag ag hetteb ele, ag amunu lamen dubuttid ele bianab doonna, ag akka kobol nau amunu nau ninig ele doon, awaidna dayeg!

Revelesen 20:15

Aun laa nug onig buk laappa, amuam buk onig Bauklel Awa Onig Yaaknu buk, nug onig buk amuppa ii yaak amu, laa nug nug aab amegppa buɗie noum.