2 Korint 5:1 - Nobonob Baibel

¹ Wanppan keeke haen tutuib daatte, hab aabppanu keeke am hanhannu ele amunu, ig imuam dabmettat doottem. Ig gemunu beɗunig am wan imuppaib oiyaknu daatte. Keeke hanhannu iitta, danab nug peh haen tutuib daakkunu hette, amubia. Anam daatte amu, aria peh nug nauhtte, amubia ig beɗunig gemunu nauhppeg amu, Kayak Nug beɗunig laa, lagnab bia, hab aab appa megakkunu daatte. Lag amuam Kayak Nug heum; danab laa ii heum. Nug hanhan daakku.

2 Korint 5:1 ပူးပေါင်းရင်းမြစ်များ

Genesis 3:19

Na wanppa uɗat naɗi, heɗi ele henana, na ee aokkut. Anam henana, na mauhna, wan mekkut. Aɗinu? Da na gappudppa heidmi amunu, na beɗun eɗua, gappud mekku,” awa aum.

Job 30:22

Ulah ad uɗug keeke, ye gotte, na he, da amubia daattem. Ao, ulah ɠagattag he, ad uɗug keeke, hamu laih laih gotte, amubia na he, da eheɗ daattem.

Job 4:19

genabnab genab nug danab dilagnu anam doya hekku. Danab dilagnu amu, Nug ag gappudppa hattom. Danab dilagnu amu, ag diilag gappudppa daatte. Danab dilagnu amu, ag am qagapuɗ, laa nug uɗat okkai ii haaha, qagapuɗ he nauhtte, ag qagapuɗ amubia daatteb.

Sam 56:9

Anam ⌊amunu⌋ da na ehaniɗkkutnu oninppa ekkul. Da eppi, na heppe, deɗ amuppa kekeɗ dahilad ag bittumttum gokkulag. Ge, da imu doottem. Na, Kayak, na dahil ehanittak daattem.

Aisaia 38:12

Danab nug peh lag aɗe na ii daatte, amubia dahil bau dayak am iitta mekkun hette. Danab nug lamen otala hamu agakkunu masinppanu otaɗa aɗe, appa ii daatte amu, dahil bau dayak am anambia iitta mekkun hette.’ Da anam ainne, da, ‘Yawe Nug he, da mauhkkulnu hettem,’ ami.

Mak 14:58

“Danab imu Nug inam a doomuɗ. ‘Da Kayaknu mettid lag imu, danab eppelagppa heppig ele amu, da heppi nauheb, da deɗ ewam ooppa, da bau hekkul, amge da eppelppa ii hepa.’ Nug anam aum,” aoya apiɗ.

Aposel 7:48

Amge Kayak Attannab Laa Oh Eɗattak, Nug lag danab hetteb amuppa ii daatte. Amu propet laa nug nai amunu mattiom am inam.

1 Korint 3:9

I am kadoi meɗa, Kayaknu maɗi nid daattep; ag am Kayaknu dad bia daatteb. Laa ele amu, ag am Kayak laug daatteb.

2 Korint 4:7

Ig Kayak binag amahlak oppiaawak elenu doyak aomut, amge ig am danabib, waa wanppa hak amubia, ig keeke ena amu aot, laa oh ag ɠagattag okkainu diig am Kayak, ig iitta, amu dooglagnu daattem.

2 Korint 5:4

Ao, ig peh lakka daatta, ig uug dootta aiqagattem, amge ig wan imuppanu beɗunig imu uut, hamu daagnignu oonig ii daatte. Iitta! Ig hab aabppanu beɗunig, wan imuppanu beɗunig qaɗeppa mepput dayebeb, wan imuppanu beɗunig, ag mauhkkulagnu daatteb ele amu, ag hab aabppanu beɗunig, ag hanhannu daatteb amu, ag oolagppa daanna eɗuna, bauklel hanhannu keeke daaglagnu oonig daatte.

Kolosi 2:11

Ag Nug ele ouqeppig, amuppa amu ag gaɗa otaɗak kobolnab ag aakku aoppig. Keeke amuam gaɗanignu keeke iitta. Iitta. Ag Kristusnu ehanittakppa ag oolag alag, amuam beɗunu kobol, ag amu geɗidppig. Kristusnu kobol amuam gaɗa otaɗak kobol meunab daatte.

2 Timoti 1:12

Diig amunu amu da uug imu maottem, amge da amunu uɗal ii nette. Aɗinu? Da nuhignu oolppa genab doottem amunu, da keeke Nug da meɗom amu, Nug tutukku atognobob, haen oh dayeb ukkeb, Nug eɗua uɗikku haenppa batakkunu doottem.

Hibru 11:10

Abraham nug aab okkai laa, Kayak dabma heum, aab amuam hanhan daakku ele amu, aab amuppa daakkunu ameg ma dayom amunu, nug wan amuppa peh lagppa daakkunu uug ii doyom.

Hibru 9:11

Anam dayom, amge Kristus Nug itittak ena digdig, Kayak megakkunu dabmette ele amu, Nug amunu mana mettak ikki danab daakkunu uɗia dayom. Amu Nug Kayaknu mettid haknu peh lag elelenab, Kayaknu mettid haknu peh lag tatamnu eɗittak amu, uɗat nuhig hekkunu ooppa noum. Kayaknu mettid haknu peh lag amu danab ag eppelagppa ii heppig; am wan imuppan keeke iitta.

Hibru 9:24

Amuam Kristusnu mauhakppa beum. Kristus Nug Kayaknu mettid lag ooppa, danab ag eppelagppa heppig ele, Nug amu ooppa ii noum. Iitta! Nug hab aabppanab ukkom amunu, gemu Nug Kayak noobppa miag atia teum dayaya, danab ig ehanikkakka daatte.

1 Pita 1:4

Amu ele ig Kayak Nug bekkod keeke madakkunu dabmette ele, keeke amuam hanhan daakku, ii nauhma, iitta ii mema amu, Nug hab aabppa ahilagnu babaittom daatte amu, ig amu ele dimppa anidkkunignu ameg mettem.

2 Pita 3:11

Keeke oh kobol anamppa padal mekkulag amunu, ag am attem daaglagnu daatteb? Ag danab oppiaawak ele, Kayaknu genab tutukku hak danab ele daaglagnu daatteb.

1 Jon 3:14

Ig lainkad dilag oonig mauhtte amunu, ig amuppa doottem, ig mauhak kobol uuta, ig bauklelppa daattem. Am laa nug layagnu oo ii mauhtte amu, nug mauhakppa daatte.

1 Jon 3:19

Ig anam hekkunig amu, ig amuppa doyak diig genabibnu meuppa daattem doognig. Ele amu, Kayak Nug ihinig dabmak eɗitte, Nug keeke oh dootte amunu, ⌊ig ihinig hakppa, oiyakppa, oonigppa ele ig lainkad dilagnu oonig mauhtte dayeb, Nug amu dootte,⌋ amu haen ig anen anen ig oonigppa, “Da elelenab ii hettem bia” doottem, haen amuppa ele ig Kayak noobppa baɗak iitta daagnignu elele.

1 Jon 3:2

O gamalad, gemu ig aakku Kayak bekkod daattem, amge ig geha attem daagnig am miag ii atiom. Amge ig doottem, haen Kristus Nug miag atia beeb, ig Nug bia daagnig. Aɗinu? Ig Nug attemnab daatte anidkkunig.