2 Korint 4:2 - Nobonob Baibel

² Iitta. Ig kobol uɗa nak ele, laa lokkumakppa hetteb amu, ig kobol amu dimettota, hambuppuak kobolppa ele ig ii oittem. Am ig Kayak nainu ele amu ig baolita ii hettem. Iitta. Ig Nai Ena tutukku miag mehuqttem, amu amuppa ig danab oh ig am aun ippuanadttem. Ig amu heut, ag ig Kayaknu neekkakppa attem daattem oolagppa dooglagnu elele.

2 Korint 4:2 ပူးပေါင်းရင်းမြစ်များ

1 King 18:34

Aria, nug danab ah amelagppa aum. “Ag le itaknu hanak okkai waɗele aon, le itappeg ambeeb, aab, doɗ teppu, manaknu ofa daakkunu, amu ele qaɗep gokkaɗeg!” awa aum. Ag anam heeg, nug aum. “Ag eɗun baula heig!” awa aum. Nug ag amelagppa a, ag baula heeg, nug ag baula le itan hekkulagnu a, ag baula le itan gokkaɗppig.

Rom 1:16

Da Jesusnu Nai Enanu amu, da uɗa nak ii doottem. Aɗinu? Nai amuam Kayaknu ɠagattag, amu Kayak Nug amuppa danab aun aɗi ag oolagppa genab dootteb ele, Nug ag eɗua diitte; Juda ag tatam ⌊nai amu⌋ doyegeg, iitta aɗi ag aakku geha dootteb.

Rom 6:21

Amu ag kobol nau heppig, ag gemu kobol amunu uɗalag nette ele amu, kobol amuppanu ag aɗi keeke ena aoppig? Kobol amuam mauhakib he bette.

1 Korint 4:5

Epeɗiak uɗat amu ig gemu ii gumattem amunu, haen gamag imuppa ig anam ii hemata. Ag Naɗi uɗikkunu haen ameg meig! Nug uɗia, keeke oh gatatuppa lokkumak daatteb amu heeb, amahlakppa miag atippeg, aria Nug ele heeb, danab ag diig aɗinu keeke laala heppig amu, danab oh dilag dabmak amu miag bekku. Haen amuppa geha Kayak Nug ig danab oh laib laib ihinig haknu nob tutukku megakku.

2 Korint 1:12

Aria, ig keeke laanu maɗoɗppan gamag ahak doottem. Ihinig ooppan oiyak ippunittaknu ulum am keeke amuam genab ippunigtte. Keeke amuam inam. Ig wanppa oimut, gemu ele oittem amu, ig Kayaknu oppiaawak kobol amu nuhig hambuppuak iitta kobol ele aot oimut. Ig danab dabmakppa ii hemut. Iitta. Ig Kayaknu ehanittak okkai hamu megatte, ig amuppa hetata amu, ig ag Korint daatteb oolagppa huana hemut.

2 Korint 11:3

Amge da baɗattem. Mat nug lokkumakppa kobol kobol hekkunu doya auta awak kobol nuhigppa anukka Ewa bubuitte na qeum amu, amubia kobol anam laa ahilagppa ba eeɗatteb, ag oppiak kobolppa dayaknu ib apiɗidna, ag Kristusnuib daaglagnu daatteb ii dabmemananu ool baɗatte.

2 Korint 11:6

Genabtai da nai mehuqak kobol am tutukkunab ii doottem, amge da am doyak aomi. Da haen oh, kobol dahil ohppa, da ag amu ippunadmi.

2 Korint 2:17

Danab kuɗum laa ag oinna, Kayak naippa men doɗonu uɗat hetteb ele amu, ig amubia ii hettem. Iitta. Ig Kristusnu daatta, maɗi nid Kayak maatte gotteb bia, ig oonig oppiaawak eleppa Kayak noobppa nai amu mehuqttem.

2 Korint 5:11

Amu ig Naɗinu ebehi oh bodoetta le mak doottem amunu, ig danab ag nuhignu oolagppa genab dooglagnu uɗat okkai hettem. Kayak Nug ig dooikka malom; Nug noobppa am ig miag bemut daattem. Amu ag ele ig anam dooikkulagnu ool naɗi daatte.

2 Korint 6:8

danab laala ag ig oninig humaegeg amu danab laala ag am ig oninig aɗaeg notte eleppa, amu danab laala ag am nai nau ig dimunigppa mattiegeg, danab laala ag ig kobol ena hettem amunu maditteb eleppa, ig amu ohppa ig am Kayaknu maɗi nid daattem ippunadttem. Am laala ag ihinignu hambuppuak danab anam doigtteb, amge ig am anam iitta, ig nai genabnabib madittem.

2 Korint 7:14

Da anukka Taitus amegppa ag hettebnu ag onilag humami, amu ag anamib ena heppig amunu, da uɗal ii nette. Iitta. Nai oh ig ag amelagppa mehuqmut am nai genab dayom, anamib aakku ig Taitus noobppa ag onilag humamut, am nai amu oh ele am genabib.

Epesus 4:14

Amu nai ittag, hambuppuak danab dilag, amu ele heeb, ig uub nug ulah kaɗag haenppa duban he, ukka qa, uɗia qa hette amubia ii hemata. Nid nakok ag amubia hetteb amu ig baula, ag bia ii daamta.

Epesus 5:12

Kobol laala danab gatatuppa oinna kobol amu hetteb amu, kobol amunu mattiaknu am uɗa nak ele.