2 Korint 4:10 - Nobonob Baibel

¹⁰ Ig danab laa oh ag Jesusnu bauklel ihinigppa anidkkulagnu ig Jesus Nug haen oh mauhak ib oɗeppa dayom bia ig mauhak ib oɗeppa daattem.

2 Korint 4:10 ပူးပေါင်းရင်းမြစ်များ

Jon 14:19

Nakok laa ele wan imuppan danab ah wannu kobol dim lamadtteb ele, ag da ii aniɗmana, amge ag dahilad daatteb amu, ag am da aniɗkkulag. Da haen amuppa bau daakkul amunu, ag ele bau daaglag.

Rom 6:5

Ig genab Nug ele laippu tamanit, Nug ele oh mauhta daamut dayeb amu, genabnab ig Nug ele laippu tamanit, Nug eɗua hibaittom bia, ig ele eɗut hippaidkkunig.

Rom 6:8

Amu ig Kristus ele mauhmut dayeb, ig geha Nug ele bauklel daagnignu oonigppa genab doottem.

Rom 8:36

Uug amu oh, amuam Kayak naippa, nai laa daatte bia. Nai amuam inam. “O Kayak, danab ah ag ihinignu nau ninig ele doottebnu diig am, ig na dim lamidttem amunu, ag ig deɗ oh amun tuqan ele iqaglagnu hetteb. Ao, danab ag sipsip lanaknu baalag otaɗadtteb, amubia danab ah ag ig iqaglagnu dabmak aotteb.”

2 Korint 1:5

Aɗinu? Kristus guittak mawom, amubia ig guittak maottem. Anam amu, amubia oo mak Kristus ⌊Kayak eppegppanu awom,⌋ oo mak amu ig tonikka aut auta aotte.

2 Korint 1:9

Genabnab, ig uug doota, “Ig mauhkkunig” amut, amge anam beumnu diig am ig ikka ihinig ɠagattagnu am ii dabmemata, ig Kayaknu ɠagattag dabmekkunignu beum. Nug danab mauhppig amu heeb, ag eɗun hippaidkkulagnu Kayak.

2 Korint 13:4

Genab, anukka Nug danab beɗu, danab beɗu gai-iitta daatte, amubia Nug beɗu am ɠagattag iitta, Nug danab beɗu awa daye amu, ag Nug ad emaitakppa atulppig, amge Kayaknu ɠagattagppa gemu Nug bau daatte. Amu ig ele danab beɗunig ele daattem amunu, ig ele ɠagattag iitta, amge Kayaknu ɠagattagppa ig Nug ele bau daattem amunu, geha ig nuhig ɠagattagppa ag oolagppa uɗat hepput, ag ehanittak aoglag.

2 Korint 4:11

Yo, ig bau daattem ele, haen oh ig bau daat, Jesusnu dabmak anuqak aot daautut, Jesusnu bau dayak ig mauhaknu beɗunig imuppa miag atiak bekkunu, danab ag ig iqappeg mauhkkunignu hetteb.

Galesia 6:17

Aria, batakkulnu amu da danab laa nug gaɗa otaɗaknu nai amunu uug laa meɗakkunu, amu da ool ii daatte. Aɗinu? Danab ag Jesus onignu oiɗeg, duɗuppal da beɗulppa daatte, amuppa nai da attem amuam genab daatte ippunigtte.

Kolosi 1:24

Amu da gemu beɗulppa guittak maottem imu amu, da amunu maɗoɗppan gamag ahak doottem. Aɗinu? Da Kristusnu Kristen tamaniak, amuam Nug beɗu aakku amu, da tamaniak amu ehanidkkulnu ool daatte. Guittak Kristus Nug Kristen tamaniak ehanidkkunu mawom amuam daatte, amge guittak da dakka beɗulppa maottem imuam da amuppa hei, Kristus Nug guittak mawom amu aakku ambette.

2 Timoti 2:11

Imu nai genab. “Ig Nug ele mauhmut dayeb; ig Nug ele oh bau daagnig.

1 Pita 4:13

Iitta. Dimppa Kristus binag amahlak oppiaawak ele miag atiak bekku, haen amuppa ag maɗoɗppan gamag ahak naɗi dooglagnu, ag uug mawak haenppa ag uug anamppa ag Kristus uug mawom bia ag uug maotteb doonna, maɗoɗppan gamag ahak doyeg!

1 Pita 4:14

Amu ag Kristus onig ɠagattag aɗatteb amunu, danab laa ag ahilagnu nai eheɗ akkulag amu, ag itittak ena aoppig daatteb. Aɗinu? Kayak Ouɗi, Nug binag amahlak oppiaawak ele, Nug ag ele daatteb.

Revelesen 1:17

Da Nug anam anttena, mauhak bia Nug baegppa nein qemi. Amge Nug eppeg naɗiap da qaɗelppa ma dayeye, Nug da amelppa aum. “Na aib baɗame. Da hanhan daattem; anuqakppa, batakppa ele da daattem.