2 Korint 3:12 - Nobonob Baibel

¹² Ig tituanak bauppa ehanittak aognignu dabmak aɗat oittem amunu, ig ii baɗat, nai miagib madittem.

2 Korint 3:12 ပူးပေါင်းရင်းမြစ်များ

Jon 10:24

Nug anam noa oiyeye, Juda ag dona hippaidna, Jesus oo mettan daanna appig. “Na haen ganebnab heppe, ig dabmak aɗit ele daattem amu iitta mekku? Na genab Kristus daattem dayeb amu, na pehettana tutukku miag atiak appe dootu!” aon appig.

Jon 16:25

Da keeke danab ag dootteb ii dootteb ele ouaqate ippuanattette, keeke imu ohnu ag amelagppa mattimi, amge geha haen uɗieb, da baula ag amelagppa anam bia ii madipa. Iitta! Da nai miag matule, Mamenu madikkul.

Jon 16:29

Nug anam a amu nuhikkud ippunittak awak danab ag Nug amegppa appig. “Gemu na nai miagib matulna madittem, na keeke danab ag dootteb ii dootteb ele ouaqatna ippunittak nai ii attem.

Aposel 14:3

Amunu Pol, Barnabas ele aa haen elab Aikoniam appa baɗak iitta ele Naɗinu nai mehuqeh, Naɗi Nug ɠagattag mate, aa Kayak dabmettaknu kobol danab haknu elele iitta kuɗum digdig ele hepiɗ. Anam heeheh, amuppa Naɗi Nug nuhig ehanittak okkai hamu mettaknu nai, amuam genab, danab ah ippuanattom.

Aposel 4:13

Haen Juda dilag danab okkai amu ag Pita, Jon ele aa ii baɗapiɗ anidna, amu aa sul okkai ii hepiɗ ele doona, ag ottaina dabmak kuɗum aona, ag Pita, Jon ele aa Jesus ele oippig amu dabmeppig.

Aposel 9:27

Ag nug baɗidppig, amge Barnabas nug Saul omala, totol danab 12 gumatta ukka, ibppa Saul nug Naɗi Jesus antte, amegppa nai aum amu Barnabas nug amunu amelagppa mattia, nug Saul Damaskus dayaya nug baɗak iitta ele, Jesus onigppa nai mehuqom.

Aposel 9:29

Anam amu, nug Juda laa, ag Grik nai dootteb amu, nug ag ele nai mattin, aeg ona aeg doum, amge ag nug qeppeg mauhkkunu ib mattinna daappig.

1 Korint 14:19

Da anam hettem, amge Kristen tamaniak qagmakppa amu da nai onig tanig eleppa nai madippi, danab ag oolag maitteb, meu aoglag am enanag. Amge da nai onig 10,000 nai laappa nai madippi, danab ag nai amunu meu ii aoglag am ena iitta.

2 Korint 10:1

Da am Pol. Am danab laala ag nai da beɗulppa yaan, inam aon maditteb. “Nug ig ele daattem haenppa amu, nug nukka onig qe ne, ig ele daattem, amge haen nug piɗe dayaya amu, nug nai ɠagattag ig megatte,” aon atteb. Amge da Pol, da am Kristusnu kobol, Nug nukka Nug binagnu ii dabmaama, Nug dagom kobol, oo bodoettak kobol ele danab dilagppa heum, amubia da ahilagppa hein, nai madippi, ag dahil nai dooglagnu unuqadttem.

2 Korint 3:11

Keeke haen tutuib daakkunu beum amu, nug am Kayaknu binag amahlak oppiaawak ele beum. Amunu keeke hanhan daakkunu beum ele, amuam binag amahlak oppiaawak naɗinab ele.

2 Korint 4:13

Kayak naippa, nai laa daatte am inam. “Da Yawenu oolppa genab doomi amunu, da ⌊nai⌋ ami.” Danab Sam nai amu yom ele nug Yawenu ooppa genab doyom, amubia ig Jesusnu oonigppa genab doottem amunu, ig madittem.

2 Korint 7:4

Da nai tutukku miag ag amelagppa attem, da ag tutukku oittemnu oolppa genabnab doottem. Da ahilagnu enanagnab doottem. Da oo ɠagattag qettak doottem. Uug kuɗum ihinigppa betteb, amge amu ohppa da maɗoɗppan gamag ahak huanak doottem.

Pilipai 1:14

Amu da lailad kuɗum, ag Naɗinu oolagppa genab dootteb ele, ag da hippalakppa daattemnu dabmeeg, ag oolag ɠagattag qette, ag oolagppa ɠagattag doon, baɗak iitta Kayak nai mehuqtteb.

Pilipai 1:20

Amu da keeke laa hekkulnu dabmak aɗe daattem, am keeke amu ele da genab hekkulnu maittak aomi daattem amu, amuam da uɗat, Kayak da hekkulnu meɗom amu, da uɗat amu eleleib hein maloya, da uɗat heminu uɗa nak laa ii doopa. Yo, da geha iikkunab, am haen oh ele, da aɗi hekkul amu, da ii baɗeɗe heinne, da amuppa Kristus Nug binag okkai medakkulnu ool naɗi daatte. Da bau daakkulte, iitta da mauhkkulte, amuam keeke okkai iitta, amge da beɗulppa keeke oh bekku ele amu, da keeke amu ohppa Kristus binag okkai medakkulnu ool daatte.

Kolosi 4:4

Da Kristusnu nai miagib mehuqkkulnu amu, ag amunu ele unuqitteg! Aɗinu? Kayak Nug uɗat amu da hekkulnu meɗom.

1 Tesalonaika 2:2

Ag dootteb, haen ig ag gumadta ii gomut, Pilipai appa amu ig guittak aomut, ag ig beɗunig heeg nauhom, amge ig ihinig Kayak, nuhig ehanittakppa, ig ɠagattag daata, wagai meta, nuhig Nai Ena ag Tesalonaika daatteb ele, ag amelagppa mattimut. Tesalonaika appa ele danab kuɗum ag ig ippunig oo neegkkulagnu heppig, amge ig amunu ii dabmemut. Iitta. Ig nai mehuqmut.

1 Timoti 3:13

Danab ag Kayaknu tamaniaknu toliak uɗat elele hetteb, ag tamaniak dilag neekkakppa anuqak daanna, ag ooppa genab doyak Kristus Jesusnu ɠagattag mehuqkkulagnu elele daatteb.

Pilemon 1:8

Amunu Onesimus imu, nug anukka nahip begbeg maɗi nid dayaya oolom amu, na nug oot mettan daakkutnu iikku unuqidttem. Da am Kristusnu maɗi nid amunu da, “Na anam hekkutnab!” akkulnu elele doottem,