2 Korint 2:7 - Nobonob Baibel

⁷ Amunu uug naunab danab amu tonamanu, ag bu mettak amu uuna, ag nuhig hipunin amu uhuqna mettan, ag oo mekkunu nug oo aweg!

2 Korint 2:7 ပူးပေါင်းရင်းမြစ်များ

Sam 21:9

Yawe, na nahip kekeɗ gukkualadna gona, na ag aab gakkaɗaknab laa ad he nauhtte bia hadappe nauhkkulag. Ao, Yawe, na ahilagnu oppoɗin beeb, na ad aab ewe nauhtte bia ag hadappe nauhkkulag.

Sam 57:3

Kayak Nug hab attan daatte, Nug appanu da ehaniɗeb padal ii mepa. Ao, Nug danab ag da heiɗeg nauhttem ele amu heeb nauhkkulag. Sila. Ge, Kayak Nug dahilnu oo mauhaknab doya, Nug ele dahilnu oo metta ii uuak kobol dim lamidkku.

Prowerb 1:12

Ag anam awona amu, ag inamtai tuɗidna akkulag. “Danab nug bau dayaya, laippun oɗe awa mauha, gaɗa moɗppa notte, amubia ig moɗ bia daat, danab aotu! Ao, mauhak danab moɗppa noa daatte, amubia ig laa aopput, ig eppenigppaib dayaɗ!” akkulagtai.

Prowerb 17:22

Ooppa gamag ahak doyak, amuam marasin ena bia; amge ooppa na qak doyak, amuam he, danab nug nau daatte, nug nauhkkunu hette.

Aisaia 28:7

⌊Amu anam aakku bekku, amge gemu⌋ Israel danab le lanak kobolppa daatteb amu, ag Israel danab ah gumadtteb. Propet danab, mana mettak danab ele oh le ɠagattag lana, spak menan, taataɗ qeegeg, hak ahilag am nauhom. Ag amubia oitteb amunu, dabmak ahilag eɗatte, maɗi ahilag amu, ag tutukku ii hetteb. Propet ag Kayak Nug tulppa keeke ippunatte, ag pehettak ii anidtteb. Mana mettak danab ele ag danab ah dilag keeke tutukku ii epeɗitteb.

1 Korint 15:54

Amunu haen ig beɗunig beɗatte imu amu geha baolia, laa awa, ena hanhan daakkunu beeb, amu haen ig beɗunig imu mauhtte amu geha baolia, bau hanhan daakkunu beeb amu, haen amuppa amu Kayak naippa, nai laa daatte amu meu genab bekku. Nai amuam inam. “Kayak Nug he, mauhak iitta meum; Kayak Nug mauhak eɗittom.

2 Korint 2:8

Uug okkai amu nuhigppa bemanu, da ahilag oo mauhak nuhignu ippunidkkulagnu ahilkad dabmak maɗedattem.

2 Korint 5:4

Ao, ig peh lakka daatta, ig uug dootta aiqagattem, amge ig wan imuppanu beɗunig imu uut, hamu daagnignu oonig ii daatte. Iitta! Ig hab aabppanu beɗunig, wan imuppanu beɗunig qaɗeppa mepput dayebeb, wan imuppanu beɗunig, ag mauhkkulagnu daatteb ele amu, ag hab aabppanu beɗunig, ag hanhannu daatteb amu, ag oolagppa daanna eɗuna, bauklel hanhannu keeke daaglagnu oonig daatte.

2 Korint 7:10

Ooppa guittak doyak, Kayak Nug he bette amu, oo guittak doyak amuam he, ig danab aakku oonig eɗutte. Kobol amuppa Kayak Nug ig eɗua awigtte. Danab amunu am eheɗ laa ii dooma, amge ooppa guittak doyak, wannu kobolppa bette ele amu, ooppa guittak doyak amuam he, mauhak bette.

Epesus 4:32

Ag lailkad dilagppa oo bodoettak kobol henana, ag oo bodoetta le mak kobol ahilagppa heig! Kayak Nug Kristusnu uɗatppa ahilag hipunin uhuqa mattom, amubia ag nug hipunin uhuqa mettak heig!

Pilipai 2:27

Amu genab, anukka nug oɗe ma mauhkkunu miagnab dayom, amge Kayak nuhignu oo gai-iitta doya oo metta ehanitta he, nug eɗua bau daatte. Am Kayak Nug nuhignuib oo ii doyom. Iitta. Nug dahilnu ele, uug okkainab da toniɗmanu oo doyom amunu Nug he, Epaproditus eɗua bau daatte.

Kolosi 3:13

Ag nug oo makppa daanna, amu ag oolagppa lailag laa nug layagnu eheɗ ha ⌊oo eɗueb, nug eɗua layag uhuqa medakkunu oɗ metteb amu⌋ layag amu nug eheɗ hak amu, Naɗi Nug ihinig eheɗ hak oh uhuqa mekkom, amubia nug uhuqa mettaɗ!

1 Tesalonaika 4:13

O ig lainkad, ag danab ah mauhppig, ag amu dilagnu amu ootot daaglagnu, ag danab laa ag Kayaknu oolagppa genab ii dootteb ele, ag eɗua hibaittaknu deɗ ameg ii metteb ele, ag mauhaknu gaatteb, amubia gaaglagnu ele amu, ig oonig ii daatte.

2 Tesalonaika 3:6

O lainkad, ig Naɗi Jesus Kristus onigppa haknunab nai imu ag amelagppa attem. Ag lailkad laa bahilag iitta, ag kobol ena, ig tatam ippunadmut, ag amu ii dim lamidtteb amu, ag danab amu ele aib ouqeppig.