2 Korint 2:12 - Nobonob Baibel

¹² Anukka da Kristusnu Nai Ena mehuqkkulnu Troas tei, Naɗi Nug dahil ib amu od matulom,

2 Korint 2:12 ပူးပေါင်းရင်းမြစ်များ

Aposel 14:27

Aa uɗiya Antiok beya, aa Kristen tamaniak qagmadya, aa amelagppa Kayak ahilahppa aɗi heum amunu oh mattiya, aa inam ele apiɗ. “Kayak Nug he, iitta aɗi ag ele oolagppa genab dooppig,” aoya apiɗ.

Aposel 16:11

Ig anam atata, Troas appa uub laa aot teut, uub amu tutukku awikke, Samotres gota wagɗe deɗ amuppa ig appanu Neapolis gomut.

Aposel 16:8

Nug anam he amu ag Misia eɗidna nona, Troas goppig.

Aposel 20:8

Amu lam kuɗum lag oo attan, ig qagmeta daamut ele, amuppa eoppig.

Rom 1:1

Da Pol, da Kristus Jesusnu maɗi nid. Nug da totol danab daakkulnu otiɗa amu Kayaknu Nai Ena mehuqkkulnu ele tituaniɗom.

1 Korint 16:9

Aɗinu? Kayak Nug dahil ib amu matu ma babaittom daatte am da uɗat naɗi, danab ah kuɗum ehanadppi, Kristen daaglagnu hettem. Amge kekeɗ ele kuɗum daatteb.

1 Korint 9:12

Danab laala ag ahilagppa dim goppig. Ag gona, nai mehuqegeg, ag keeke madatteb amunu, ig ahilagppa keeke aognignu elelenab daattem. Amge keeke ig aolomnu elele amu ig ii aomut. Aɗinu? Ig keeke amu aolom amu, Kristusnu Nai Ena ag aon oolagppa genab dooglagnu ib am oo nekkunigtai amunu, uug laala oh amu ig aakku maottem.

1 Korint 9:14

Anam daatte bia Naɗi Nug ɗo imu ele meum. Danab ag Nai Ena mehuqtteb ele, danab amu ag danab ah Nai Ena dootteb ele, ag ahilagppanu enulag keeke, beɗulag ehanidkkunu, aoglag.

1 Korint 9:16

Da Nai Ena mehuqttem ele amu, amuppa da dakka binal mekkulnu elele iitta. Aɗinu? Kayak Nug a, da hettem. Da ii mehuqlom amu, dahilnu gadonnab gadon.

2 Korint 10:14

Yo, ag uɗat Kayak ig hekkunignu aum ooppa daatteb amunu, ig ahilagppa gota uɗat hemut ele amu, ig Kayak nai tippalta ii gomut. Iitta. Ig nuhig nai aakku dim lamidta, Jesusnu Nai Ena ahilagppa batak mehuqmut.

2 Korint 11:4

Aɗinu? Danab laala ag gumadna gona, Jesusnu nai kabolinna, ahilag dabmakppa nai ag amelagppa mehuqeg, ag aotteb. Jesusnu nai amu, da Jesusnu nai mehuqttem ele amu, aa laippu iitta, am laa. O iitta danab amu ag ouɗi laanu mehuqeg, ag aotteb. Nug am Kayak Ouɗi, ag anukka aoppig ele amu, Nug iitta, am laa. Amu ag nai diig laa mehuqeg, ag aotteb. Nai amuam Nai Ena, ag matu aoppig ele amu iitta, am laa. Danab ag kobol amu ag oolagppa hetteb ele, ag Korint danab ag agib dabmettan daanna, oolag hette.

2 Korint 11:7

Da Kayaknu Nai Ena ag amelagppa mehuqen, da nob daden laa ahilagppanu ii awen, kobol amuppa da dakka da aɗailen nein, ag onilag humakkulnu aakkuib hemi amunu attemutai? Da kobol amu hemi amu, da amuppa eheɗ laa hemite?

2 Korint 4:3

Amge Nai Ena ig mehuqttem ele imu, nai amu lokkumak daatte dayeb, am danab ag padal mekkulagnu oitteb ele, ag amelagppaib lokkumak daatte.

2 Korint 4:4

Danab amu ag Jesusnu oolagppa genab ii dootteb. Aɗinu? Satan, nug wan imunu kayak hambuppuak daatte, nug ag Kristusnu dabmak pehettak aomnanu ib oo neum. Nug anam heum amunu ag Kristus, Nug genab Kayak attem daatte bianab daatte, ag nuhignu Nai Enanu amahlak, Kristus Nug binag amahlak oppiaawak ele ippunigtte amu, ag amu ii anidtteb.

2 Korint 8:18

Aria ig lainig laa meut, nug ele oh gottep. Am Kristen tamaniak ohppa lainig amu nug Nai Ena mehuqkkunu am nug ɠagattag ele amunu, tamaniak oh ag nug binag metteb.

2 Korint 9:13

Ag layag ehanittaknu uɗat imu hekkulag amu, geha ahilag kobol amu heeb, ag am genab Kayaknu danab daatteb am miag atiak bekkulag. Am geha ig lainkad ag ag Korint danab, ag Kristusnu Nai Ena dim lamidttebnu atteb amu, ag genab anam hetteb anidna, ag Kayak binag mekkulag. Aria, geha ag ahilag ehanittak okkai ag madappig doonna amu, danab ag amuppa geha ag oh amu Kayak onig humaglag.

Kolosi 4:3

Ag ihinignu ele, ig Kayaknu dabmak Kristusnu, tatam lokkumak dayom, ig nai amu mehuqkkunignu amu, ag Kayak Nug ib babaitta megakkunu unuqitteg! Da nai amu mehuqaknu amu, da maniguittakppa daattem.

1 Tesalonaika 3:2

Timoti, nug ig lainig, nug am Kayaknu maɗi nid, Jesus Kristusnu Nai Ena mehuqaknu danab ele amu, ig nug ag ɠagattag aqakkunu, ahilag ooppa genab doyak ele ehanidkkunu, am laala ag uug naɗi mawak haen imuppa ag oolag meppeg ta, meppeg nemanu ele nug meuɗ ukkom. Ag tutukku dootteb, Kayak Nug ig Kristen ig oh uug amubia maognignu tituanikkom.