2 Korint 2:1 - Nobonob Baibel

¹ Amunu da eɗue, ag gumatte ukke, nai dahilppa baula guittak madappi, ag oolag uug daamanu dabmein ii gomi.

2 Korint 2:1 ပူးပေါင်းရင်းမြစ်များ

Aposel 11:29

Amu be, Kristen ag nai laippu anana, ag men doɗo ag lailkad Juda ehanadkkulagnu meppeg gokkunu dabmeppig. Kristen oh ag beɗulagppa men doɗo gane daatte amu doona, ag laih uɗat amunu otippig.

Aposel 15:2

Ag anam aon aeg, Pol, Barnabas ele nai amu dooya, amunu ena ii dooya ahaeh, Juda ele huanak aeg ona aeg doum amunu, Kristen ag Pol, Barnabas amu danab laala oolagppa genab dooppig ele ag ahan, Jerusalem goppeg, totol danab amu ikki danab ele ag nai amu bappaidkkulagnu otiadppig.

Aposel 15:37

Pol nug anam awa a amu Barnabas nug ena doya, Jon Mak ele oh gokkulagnu oo heum.

1 Korint 2:2

Iitta! Da dabmak awen, ɠagattag qein, haen da ag oolagppa dayeye, dakka dakka da oolppa ami. “Keeke laa ohnu ele da ii dabmepa. Da Jesus Kristusnuib, amu Nug ad emaitakppa mauhom, amunu ele aakkuib dabmein madikkul,” awe ami.

1 Korint 4:21

Aria ag attemtai? Ag kobol ahilag ii bappaidppeg, da bu aɗe ahilagppa gokkulnu oolag daattete? O iitta ag eɗun ena heppeg, da oo mauhak kobol, kobol bodoettak eleppa gumatten gokkulnu oolag daattetai?

1 Korint 5:3

Genab da gemu ag ele oh ouqak ii daattem, amge da ag dabmadette, da ag ele oh ouqak daattem bia doottem. Da anam doyeye, da danab nug kobol heum amu, da nug aakku epeɗidmi. Da appa dayeye epeɗidlom bia epeɗien, ag inam hekkulagnu attem.

2 Korint 1:23

Da hambuppualadttem dayeb amu, aria Kayak Nug dahil hambuppuak amu heeb miag atikkunu ool daatte. Amge iitta. Da nai genabib inam attem. Da ag uug madakkulnu ool ii dayom amunu, da haen gamagppa ahilagppa golom bia, da Korint appa ii gomi.

2 Korint 13:10

Gemu da ippa dayeye, da ahilag nai imu yaami amu, amunu diig am, da nai imu yaappi, ag anidna ebqena, ag da yaami bia keeke bappaidppeg, geha da goppi ag ele daatta amu, uɗatnu ɠagattag, Naɗi Nug da meɗom imuppa, da amuppa ag epeɗiadkkulnu uɗat laa ii daama. Nug ɠagattag da meɗom imu am, ahilag ooppa genab doyak amu ɠagattag qedakkunu meɗom. Da heppi, ag nena qekkulagnu ii meɗom.

2 Korint 2:4

Da anukka ahilag uɗugppa nai uug ele yaami, haen amuppa amu da ahilagnu oolppa uug nau, amu guittak ele doyeye, da huanak ele gaami. Am da ad uɗug yaami amuppa da ag oolag uug medakkulnu ii yaami. Iitta. Da ad uɗug yaami amu, ag da ahilagnu ool okkai mauhtte, amu dooglagnu yaami.

Taitus 3:12

Dimppa da Artemastai o iitta Tikikustai meppi, na gumitta ukkeb amu, na paha da gumiɗna, Nikopolis uɗie! Da oug haenppa appa daakkulnu maittak aottem.