2 Korint 13:7 - Nobonob Baibel

⁷ Ig Kayak Nug ag ehanatteb, ag kobol eheɗ laa ii hemananu unuqidttem. Ig danab laa ag ig ma anttakppa elele hettem anidkkulagnu amu, ig ahilagnu anam ii unuqidttem. Iitta. Danab ag ihinignu ena dooglagtai o iitta ena iitta dooglagtai, amuam keeke okkai iitta, amge ig ag Korint danab ag kobol tutukku hekkulagnu oonig daatte, aakkuib.

2 Korint 13:7 ပူးပေါင်းရင်းမြစ်များ

1 Stori 4:10

Jabes nug Israel dilag Kayak unuqitta, inam aum. “O Kayak, na da itittak ena meɗan heppe, dahil wan am okkai daakkunu, da guittak ii doopanu, da na eppenppa daappi, na ehaniɗppe, uug laa dahilppa ii bemanu unuqidttem,” awa unuqittom. Jabes nug anam unuqitte, Kayak Nug Jabes unuqittom bia nuhigppa heum.

Matyu 6:13

Na ippun ena, ig nau hekkunignu eeɗak iittappa omaigna, Satan eppegppanu awigkkutnu oɗ medattem.’ ” Jesus Nug anam aum.

Jon 17:15

Da na ag wan imuppanu diiadkkutnu oɗ ii medattem. Iitta. Na heppe, Satan nug ag diiadkkunu elele iitta daakku, da amunu na oɗ medattem.

Rom 1:28

Laa ele amu, ag Kayaknu dabmak aɗan oiglagnu uuppig amunu, Kayak Nug ag ahilag kobol nau, dabmak nauppanu bette, ag amu dim lamidkkulagnu uuattom. Amu ag kobol nau, danab ag hekkulagnu elele iitta amu, aakku hetteb.

Rom 12:17

Amu laa ag ahilagppa eheɗ laa heppeg, ag aib nob nau mattana, amu dilagppa eheɗ heppig. Ag danab oh amelagppa kobol enappa oiglagnu dabmak aweg!

Rom 13:13

Amu ig danab nug amunppa tutukku kobolppa oitte bia oitu! Ig aib goɗak qiɗ nau heta, le ɠagattag nau ele aib laut, kaaka iqom. Ig aib gappai kobol heta, hipaɗu ahak kobol ele aib hemut. Ig aib nug aidtata, laa dilagnu, ihinigppa anam daalon dabmak aib aɗat daamut.

Rom 16:10

Amu ag humittak dahil Apeles metteg! Nug Kristusnu daatte. Dayaya amu, nug ma anttak awa, elele ha, amuppa nug am onig ele. Amu ag humittak dahil danab Aristobulus laugppanu ele matteg!

1 Korint 11:19

Aɗinu? Ag enanag ii hetteb amunu, obatak amubia genab bekku, amge amuppa Kayak Nug heeb, ag oolagppa danab aun aɗi ag tutukku daatteb ele amu, ag miag atiglag.

2 Korint 10:10

Da attem amunu diig am, danab laala ag dahilnu inam atteb. “Ao, yaak nuhig amuam ɠagattagnab, uug ele amge nug uɗie, ig nug beɗu anidttem am ɠagattag iitta, nuhig nai amu ele bodoettak,” atteb.

2 Korint 10:18

Danab nug nukka nuhignu, “Da uɗat amu hekkulnu ena, elele daattem,” atte, amuam keeke hamu, amge danab Naɗi Nug nuhignu, “Nug uɗat amu hekkunu ena, elele daatte,” atte, amuam meu ele.

2 Korint 13:6

Amu ag ig ma anttakppa elele daattem, ag amu anidkkulagnu ool daatte.

2 Korint 13:8

Aɗinu? Ig keeke laa hepput, doyak diig genabib tappeb nokkunu elele iitta. Iitta. Ig doyak diig genabib, amuppaib daagnig aakkuib am elele.

2 Korint 13:9

Ig am ɠagattag iitta daautut, ag ɠagattag daaegeg amu, ig amunu gamanig ahatte. Haen oh ig ag tutukku elelenab ahan daaglagnu Kayak unuqidttem.

2 Korint 6:4

Iitta. Ig am Kayaknu maɗi nid daattem ippunadkkunignu amu, ig uug digdig bak haenppa ig ɠagattag daat, uug amu doot maot oittem, amuppa amu ippunadttem. Ig ihinig kobolppa qagaiettak haenppa, oo doyak haenppa, aolak haenppa, oikkak haenppa, maniguittak inikkak haenppa, lamikkak haenppa, uɗat naɗi ɠagattag hak haenppa, niiak elele iitta haenppa, amu enug iqak haenppa ele amu, ig haen amu oh ig ɠagattag daat, uug maottem amuppa amu ig am Kayaknu maɗi nid ippunadttem.

2 Korint 8:21

Am ig ehanittak kobol imu ib tutukkuppaib Naɗi amegppa hekkunignu dabmettem. Amge ig Nug amegppaib tutukku hekkunignu aakkuib ii hettem. Iitta. Ig danab ag ele ig kobol tutukkuppa hettem anidkkulagnu hettem.

Pilipai 4:8

O lailad, da nai laa ele ag amelagppa attem. Ag kobol doyak diig genabibppanu bette, kobol anuqak, kobol tutukku, kobol oppiak ele, kobol neekkak enanag ele, kobol elelenab, kobol enanagnab, kobol binag ele amu, ag kobol amu oh aon dabmenana oinna, oolagppa meig!

1 Tesalonaika 5:23

Kayak, Nug aakkuib am oo maɗoɗ diig, Nug nukkaib heeb, ag beɗulag dimittim, oolagppa ele oppiaawak daaglagnu ool daatte. Nugib ag ouɗilag, dottolag, amu beɗulag ele atognobob, ihinig Naɗi Jesus Kristus eɗua uɗikku haenppa ag oolagppa kaliak laa iitta ele daaglagnu, ig Kayak unuqidttem.

1 Timoti 2:2

Ig maɗoɗ aot toettat daatta, ig genab tutukku hak danab, oppiaawak ele oignignu amu ag king amu gabman dilagnu ele Kayak unuqitteg!

2 Timoti 2:15

Kayak Nug nahipnu ena dookkunu na uɗat nahip pehettakib hekkutnu wagai me! Na maɗi nid nug nuhig uɗat enaib hette, diig amunu nug uɗat nuhignu uɗa ii nette, amubia na danab ah Kayak nai tutukkunab ippunatte!

2 Timoti 4:18

Ao, Naɗi Nug laa dilag eheɗ hak ohppanu eɗua awiɗa, da nuhig hab aabppan ɗo maɗoɗppa daakkulnu Nug ena omaiɗa, appa gokku. Binag amahlak oppiaawak ele hanhan alet ele nuhigppa dayaɗ! Genab.

Jems 1:12

Danab nug ma anttak awawa, uug doyaya eɗidkkunuib dabmak awak kobol dim lamidtte amu, nug itittak ena awom daatte. Aɗinu? Nug ma anttak amu eɗitteb amu, Kayak Nug nob ena, bauklel hanhannu medakku. Kayak Nug danab oh ag nuhignu oolag mauhtte ele amu, Nug ag bauklel amu madakkunu nai qakka aum amunu, geha madakku.

1 Pita 2:12

Amu ag danab laa Kayak baekkudppa ii daatteb ele amu, ag ag oolagppa daanna, kobol ena tutukkuib heig! Ag anam hebeppeg, danab amu ag ahilagnu nai nau akkulagtai, ge ag ahilag kobol ena amu anidna, haen Naɗi Nug ig danab ig ehanigkkunu uɗikku amu, ag ele Nug binag mekkulag.