2 Korint 13:5 - Nobonob Baibel

⁵ Ag akka akka ag ahilag ooppa genab doyak am genabte, ⌊amuam ag Kristusnu, nuhig Nai Enanu ele aakkuib oolagppa genab dootteb,⌋ o ahilag ooppa genab doyak am genab iittate italna epeɗieg! Ag akka, ag oolag ma anttak metteg! Ag Jesus Kristus, Nug ag oolagppa daatte iite dootteb? Yo, ag ma anttakppa elele hetteb dayeb amu, Nug ag oolagppa daatte. Iitta am iitta.

2 Korint 13:5 ပူးပေါင်းရင်းမြစ်များ

Sam 119:59

Da attem hein oittemnu dabmemi. Ao, da nahip ɗo dim lamidkkulnu ool eɗuom.

Sam 17:3

Na dahil dabmak attemu amu anidna malame. Ao, na da ool attemu daatte amu, tuqanppa na anidna malame. Na da pehettananab aniɗna doottem, da eheɗ laa ii hein oimi. Da nai mattiak dahilppa eheɗ laa ii hein oimi.

Sam 26:2

O Yawe, na da hettoɗilna, ma anttak ele meɗakkutnu oɗ medattem. Ao, na da ool unuqagppa, dahil dabmakppa ele aɗi aɗi daatte, amuam elelete o iittate anidkkutnu unuqidttem.

Jeremaia 6:30

Gadon, Yawe Nug Juda danab ah geɗadkku amunu, laa ag ahilagnu, “Silwa laa dubuttid ele, danab silwa amuppa uɗat laa hekkunu elele iitta amunu nug geɗidkku amu, Juda danab ah ag amubia daatteb,” akkulag.

Gayak Nai 3:40

Yawe Nug bu mekkeb, ig nai aib hemut. Iitta. Ig ihinig hak, ihinig oiyak dabmetata, epeɗidtata, ma anttak meta; ig eɗut, Yawe waappa daagnignu hetu!

Esekiel 18:28

Nug hipunin heum, nug amu oh dabmetta, uua dimedatte, diig amunu nug bau daakku. Nug ii mauhma.

Hagai 1:5

Hagai nug nai amu ag matte, dimppa nug nai imu ele mattom. Yawe Nukka Ɠagattag Oh Ele Nug atte. “Ag ahilag haknu pehettan dabmetteg!

Hagai 1:7

Amu Yawe Nukka Ɠagattag Oh Ele Nug inam atte. “Ag ahilag hak amunu pehettan dabmetteg!

Jon 14:23

Judas laa amu nug anam a, Jesus Nug aum. “Danab laa nug dahilnu oo mauhak dootte dayeb, nug dahil nai ele dim lamidkku. Aria, danab amunu amu da Mamel Nug nuhignu oo mauhkku. Amu da Nug ele, i nuhigppa nepuɗ, ig oh laippu, danab ewam lag laippuppa daatteb, amubia haen oh daagnig.

Jon 15:4

Ag dahilppa daappeg, da ahilagppa daakkul. Muɗi grep eppeg nug nukka awaittak dayaya meu okkunu elele iitta nug muɗi grep tuɗittak dayaya meu okkunu elele, amubia ag da ele ii daagnig amu ag ele meu ii omana.

Jon 17:23

Dahilad ag oolag laippunab daaglagnu, laippunab dayak amuppa ag wanppan danab ah na da meiɗe uɗimi, na dahilnu oot mauhom, gemu ele mauhtte, amubia na dahilad, ahilagnu ele oot mauhom, gemu ele mauhtte ippunadppeg dooglagnu, da ahilagppa daakkul, na dahilppa daakkut.

Jon 17:26

Da na diit ahilagppa miag atimi. Amu na dahilnu oot mauhtte, oo mauhak amu ag oolagppa daakkunu, da dakka, da ele ag oolagppa daakkulnu amu, da baula na diit ippunadkkul,” awa unuqittom.

Jon 6:56

Aun nug da teppul tiil ele latte amu, nug dahilppa daatte, da ele nuhigppa daattem.

Jon 6:6

Nug nai amuppa Pilip ma anttak medakkunu oɗ mettom; Nug nukka Nug attem hekkunu matu doyom.

Rom 1:28

Laa ele amu, ag Kayaknu dabmak aɗan oiglagnu uuppig amunu, Kayak Nug ag ahilag kobol nau, dabmak nauppanu bette, ag amu dim lamidkkulagnu uuattom. Amu ag kobol nau, danab ag hekkulagnu elele iitta amu, aakku hetteb.

Rom 8:10

Ag hipunin heppig amunu, ag beɗulag mauhtte, amge Kristus ag oolagppa daatte dayeb, ag ouɗilag bauklel daatte. Aɗinu? Kayak Nug ahilagnu, “Genab tutukku hak danab,” aum.

1 Korint 11:28

Danab nug nukka epeɗitta anttowa, aria haen amuppa nug ee, wain amu ele lakku.

1 Korint 11:31

Ig ikka ig epeɗidta, elele anidta lakkunig dayeb amu, ig beɗunigppa aab iitta daagnig; ig Kayaknu epeɗiak waappa ii daamta.

1 Korint 3:16

Ag am Kayaknu mettid lag, Kayak Ouɗi Nug ag oolagppa daatte amu, ag amu iite dootteb?

1 Korint 6:15

Ag beɗulag anen anen, am Kristus beɗu laih naunau kuɗum daatteb, ag amu iite dootteb? Aria, ig beɗunig anen anen am Kristus beɗu laih naunau kuɗum daatteb amunu, da Kristus beɗu laih nakok laa awen, ib baag ah ele laippu ouaqatkkul am enatai? Anam iittanab! Da anam ii hepa!

1 Korint 6:19

Ag anen anen ag beɗulkad am Kayak Ouɗinu mettid lag ag iite dootteb? Kayak Nug nuhig Ouɗi ag mattom, ag oolkadppa daatte. Ag amu, ag akka ahilagnu iitta. Ag am Kayaknu daatteb.

1 Korint 6:2

Kayaknu danab ah oppiaawak ele ag wanppan danab ah epeɗiadkkulag amu, ag iite dootteb? Genab, ag Korint ag geha wanppan danab epeɗiadkkulag amunu, keeke okkai iitta ele, ag amu babaittaknu elele iittate? Ag am attemtai?

1 Korint 9:24

Danab ag qaiqaɗ gona, nug eɗid eɗid hetteb ele, ag oh qaiqaɗ gotteb, amge danab laippuib nug nob ena aotte, ag iite dootteb? Aria, ag ele qaiqaɗ gonana, laih laih aib neegppig. Iitta! Ag nob ena aoglagnu aakkuib dabmenana qaietteg!

1 Korint 9:27

Genab, da Nai Ena danab laaib dooglagnu mehuqen, dimppa da hipunin hein nein qepanu, da dakka da beɗul qei ne, dabmak da ool unuqagppa daatte aakkuib da beɗul dim lamidtte.

2 Korint 6:16

Ig Kayaknu mettid lag amu kayak hambuppuak dottolkad ele ouaqadkkunigte? Amu oh am iitta! Ag dootteb Kayak bauklel ele nuhig mettid lag amu igib iikku. Anukka Kayak Nug nuhikkud danab ah dilagnu inam aum. “Geha da ag ele oh daatta, ag oolagppa oikkul. Da ahilag Kayak daakkul, ag am dahilad danab ah daaglag.”

Galesia 2:20

Da Kristus ele oh ad emaitakppa aihlop bia mauhmi amunu da gemu bau ii daattem. Iitta. Kristus Nug da oolppa bau daatte. Anam daatte amunu, dahil oiyak wan imuppa oh amu da Kayak Bekkanu oolppa genab doyeye oittem. Nug dahilnu oo mauhe amu dahilnu ele mauhom.

Galesia 4:19

O nid dahilad, da ag Kristen bekkulagnu guittak naɗi, ah nid menukkunu guittak dootte, amubia doomi, amu gemu da ag Kristus daatte bia bekkulagnu guittak amubia baula doottem.

Galesia 6:4

Danab oh ag anen anen ahilag uɗat melemel mettan epeɗieg! Ag anam hena amu, ag ena hettebte o eheɗte hetteb dooglag. Danab nug anam hette amu, nug nukka nuhig kobolnu gamag ahakku. Nug danab laanu kobol amu nuhig kobol ele melemel ma aib epeɗiom.

Epesus 3:17

ag ahilag ooppa genab doyakppa Kristus Nug ag oolagppa daakkunu, amu Kayaknu oo mauhak ag ɠagattag aqeb, ad diɗi nug wan aɗe ad ɠagattag daatte, amubia ag ɠagattag daaglagnu unuqidttem.

Kolosi 1:23

Anam amge, keeke laa ag Nai Ena am ena baknu dabmak aɗa dayak ippunigtte, am dabmak amuppanu eeɗatteb, ag Jesusnu Nai Ena doona, oolagppa genab dooppig ele, ag ooppa genab doyak amu uuna, ag nena qemananu, ag tuɗidna, ooppa genab doyak amu ɠagattag aɗan ɠagattagnab daaglagoitte. Jesusnu Nai Ena ag dooppig ele amu, danab wan ohppa daatteb, ag amunu mehuqak dooppig. Amu da Pol, da am nai amunu maɗi nid daattem.

Kolosi 1:27

Lokkumak nai amuam enanagnab, danab oh dilagnu. Amu Kayak Nug danab ah nuhikkud ag amu dooglagnu heum. Nai lokkumak amuam iikku. Am Kristus, ag oolagppa daatte. Nugib ag omalatteb gona, Nug ele hab attan ena daaglag.

Kolosi 2:19

Danab amu nug Kristus ele ouqak ii daattep. Jesus Nug ig Kristen, ig ikkinig daatte. Ikki nug beɗu oh ɠagattag medatta he, beɗu nug diɗippa tuɗittak ouqak laippu dayaya, ena daatte. Beɗu nug am Kayaknu ɠagattagppa ba okkai mette.

Kolosi 2:7

Ag nuhigppa ad wanppa ɠagattag hibaitta daatte bia ɠagattag dayeg! Ag nuhigppaib ɠagattag aweg! Ag Kayak amegppa, “Ena hen mekkame,” okkainab anana, laa ag ooppa genab doyaknu nai ippuanatteg, ag oolagppa genab dooppig, ag heppeg, ooppa genab doyak amu ɠagattag dayaɗ!

1 Timoti 2:15

Amge nug ⌊ah laa oh ele⌋ ag oolagppa genab doon, oo mauhak kobol dim lamidna, oppiaawak daanna, ag akka ag oiyak pehettak atognoak kobol ele hetteb dayeb, ag nid laa menuakppa padal memanu ehanittak aoglag.

2 Timoti 3:8

Anukka Janes, Jambres ele aa Moses kekeɗ medapiɗ bia, danab amu hetteb ele, ag am doyak diig genabibnu kekeɗ daatteb. Dabmak ahilag aakku nauhom, ahilag ooppa genab doyak amu hambuppuakib.

Taitus 1:13

Nai amuam genab amunu, ag ooppa genab doyak tutukku mettaglagnu, na ag daulag ɠagattag bate!

Taitus 1:16

Ag oɗelagppa, “Ig Kayak doottem,” atteb, amge ahilag hakppa ag Kayak dimedatteb. Ag danab naunab, oɗe dim lamittak danab iitta. Kobol ena laa ahilagppa ii daatte amunu, ag ena hekkulagnu elele iitta.

Taitus 2:2

Na danab kaino ag doyak dabmak ena ele aon oina, ag danab laa ahilagnu ena elele dooglagnu daan, ag akka ag ahilag oiyak pehettak atognona, ag ooppa genab doyakppa, ag oo mauhak kobolppa, amu ag uug ohppa ɠagattag dayaknu kobolppa ele, ag ɠagattag daaglagnu appe doyeg!

Hibru 12:15

Danab laa nug Kayaknu ehanittak okkai hamu megatte ele amu dimetta na qemanu dabmeig! Ag oolagppa danab laa nug ad laa tiig mua ele, danab lanana mauhtteb ele, amubia dayaya, nug heeb, uug aqeb, ag kuɗum ag Kayak amegppa dubuttid ele daamnanu ele dabmeig!

Hibru 4:1

Aria, Kayaknu hik awaknu nai, nug amunu nai qakka aum amu, nai amu gemu ele daatte amunu, danab laa ag oolagppanu nug hik awak amu etta ii aomanu amu, ig dabmeta autta aotu!

Hibru 6:8

Amge wan uud keeke qaun ele, keeke amu amuppa betteb, wan amu uɗat ena ii hette amu, wan amuam eheɗ laa awaknu anak waappa daakkunu miagnab daatte. Danab ag maiglagnu daatte.

Jems 4:4

Ag danab ah naunab. Ag Kayak uuna, kobol laala dim lamadtteb ele. Ag danab nug wan kobolnu oo hette ele, nug aakku Kayaknu kekeɗ daatte iite dootteb? Ge, laa nug wan kobolnu layam daakkunu dabmak awa, dabmak amu dim lamidtte, nug Kayaknu kekeɗ daatte.

1 Pita 5:9

Amu ag ooppa genab doyak ahilag ɠagattag aɗan daanna, ag Satan aɗi eheɗ hekkulagnu eeɗadtte hemananu ag ɠagattag hippaidna dayeg! Ag dootteb, wan atu ohppa lailkad daatteb amu, ag ele guittak awak ag dootteb bia doonna daatteb.

Revelesen 2:5

Na tatam daame, amuppanu na qakppa daattem amu, na dautppa doaɗ! Dautppa dob, oot eɗueb, hak nahip tatam heme ele amu baula he! Na oot ii eɗukkut dayeb, da nahip-ppa ukken, lam maknu balal nahip amu abenppanu eɗue aokkul.