2 Korint 13:14 - Nobonob Baibel

¹⁴ Naɗi Jesus Kristusnu ehanittak okkai, Nug ig hamu megatte, Kayaknu oo mauhak, nuhig Ouɗi ele oo laippu dayak ele, keeke amu oh, ag oh ahilagppa daaglagnu ool daatte.

2 Korint 13:14 ပူးပေါင်းရင်းမြစ်များ

Matyu 6:13

Na ippun ena, ig nau hekkunignu eeɗak iittappa omaigna, Satan eppegppanu awigkkutnu oɗ medattem.’ ” Jesus Nug anam aum.

Jon 4:10

Ah anam a amu, Jesus oɗeppa awa aum. “Na Kayak Nug ɗo medakkunu hette doolom, amu na danab aun Nug nahipnu, ‘Na le aon doppe lai!’ aum ele, na Nug ele doolom amu, na Nug amegppa appe, Nug na le bauklel ele mettalo,” awa aum.

Jon 4:14

amge laa nug le da medattem ele imu, nug amu lakku amu, nug baula le baag ii diima. Iitta. Le da medakkul ele imu am, le moɗ bia nug ooppa baaba daakku. Anam haen oh qeppuɗia baaba, nug bauklel hanhannu medakku,” awa aum.

Jon 7:38

Laa nug dahilnu ooppa genab dootte amu, Kayak naippa yaak laa daatte amubia, ‘Nug ooppanu le bauklel ele kuɗum am bena gonana daaglag. Iitta ii mema,’ ” awa aum.

Aposel 15:11

Doyeg! Ig Kayak, Nug ehanittak okkai, Naɗi Jesus Nug hamu megatte ele, amuppa Nug ig eɗua awikkom amubiaib Nug iitta aɗi ag ele amuppa eɗua diitte, oonigppa genab doottem,” awa aum.

Rom 1:7

Amu da Pol, da ag Rom danab, Kayak ahilagnu oo mauhe, ag nuhikkud danab ah oppiaawak ele daaglagnu onilagppa eum ele amu, da ahilagnu yaattem. Kayak, ig Mamenig, amu ihinig Naɗi Jesus Kristus ele, ahilah ehanittak okkai hamu mettak, amu ahilah maɗoɗ ele ahilagppa daaglahnu ool daatte.

Rom 16:20

Haen elab iitta Kayak, Nug am maɗoɗ diig amu, Nug geha Satan tappeb na, ag baelag waappa daakku. Naɗi Jesusnu ehanittak okkai hamu mettak ahilagppa dayaɗ!

Rom 16:23

Amu Gaius, da nug laugppa daaiyi, nug da atognoiɗtte, Kristen tamaniak nug laugppa ele qagmetteb amu, nug ele ag humadtte. Amu Erastus, nug am aab imunu men doɗo gumak danab, amu ig lainig Kwartus ele, aa ele ag humadttep.

Rom 16:27

Kayak, Nug nukka doyak dabmak ena ele, Nug Jesus Kristus nuhig uɗatppa hanhan binag amahlak oppiaawak ele awaɗ! Genab.

Rom 5:5

Amu keeke ena bekkunu dabmak aɗa dayak amu heeb, meu okku; ig meu amu genab anidkkunig. Aɗinu? Kayak Nug nuhig Ouɗi ig mekka, nuhigppa amu Kayak Nug nuhig oo mauhak ig oonigppa me ambette.

Rom 8:39

o iitta aɗi keeke wan imu attannu, o iitta aɗi keeke wan imu honapnu, amu oh oolagppanu laippu laa nug ig Kayaknu oo mauhakppa daattem imuppanu iinab matakkigkkunu elele iinab daama. Genab, aɗi ohnab Kayak heum daatteb ele, amu oh oolagppa aɗi laippu laa nug Kayaknu oo mauhak, Nug Kristus Jesus, ihinig Naɗi, Nug nuhig mauhakppa amu ippunikkom ele amu, keeke laa oo mauhak nuhig amu ooppanu matakkigkkunu elele iinab daama!

Rom 8:9

Amge ag Rom danab, ahilagnu amu, Kayak Ouɗi Nug ahilagppa daatte dayeb, ag oo alag waappa ii daatteb. Iitta. Ag Kayak Ouɗi waappa daatteb. Amu danab laa nug ooppa Kristusnu Ouɗi iitta, nug am Kristusnu danab iitta.

1 Korint 12:13

Kayak Ouɗi Nug he, ig oh beɗu laippu bia daattem. Laala am Juda danab, laala am iitta aɗi danab. Laala am begbeg maɗi nid, laala am begbeg maɗi nid iitta. Yo, ig oh Kayak Ouɗi Nugib aomut.

1 Korint 14:16

Na anam ii hena, ouɗinppaib nai laappa Kayak unuqidna, “Ena heme,” abeppe amu, danab laa nug attemun unuqittak nahipnu, “Genab, anam dayaɗ!” akku?

1 Korint 16:23

Naɗi Jesusnu ehanittak okkai hamu megatte ele amu ahilagppa dayaɗ!

1 Korint 3:16

Ag am Kayaknu mettid lag, Kayak Ouɗi Nug ag oolagppa daatte amu, ag amu iite dootteb?

1 Korint 6:19

Ag anen anen ag beɗulkad am Kayak Ouɗinu mettid lag ag iite dootteb? Kayak Nug nuhig Ouɗi ag mattom, ag oolkadppa daatte. Ag amu, ag akka ahilagnu iitta. Ag am Kayaknu daatteb.

2 Korint 8:9

Ag ihinig Naɗi Jesus Kristusnu ehanittak okkai hamu mettak kobol dootteb. Nug am keeke oh Mameg, amge Nug ag ehanadkkunu ha, Nug keeke iitta ele dayom. Nug ha, keeke iitta ele dayomnu diig am, amuppa ag Kayak noobppa enub danab daaglanu elele.

Galesia 5:22

Beɗunu kobol am aakku, amge Kayak Ouɗi Nug he, oiyak ihinigppa meu laala imu bette. Oo mauhak kobol, maɗoɗppan gamag ahak kobol, maɗoɗ dayak kobol, dagom kobol, oo bodoettak kobol, ena hak kobol, oo metta ii uuak kobol,

Epesus 2:18

Amunu ig ameg aɗit amu, ig oh Kristusnu uɗat okkaippa, Kayak Ouɗi laippunu ehanittakppa, ig oh Mame toppa gokkunignu elele.

Epesus 2:22

Kristusnu uɗat okkaippaib ameg aɗit amu ag ouaqe, laippu bena, ag Kayak Ouɗippa, Kayak Nug daakkunu laug aakku betteb.

Epesus 6:23

Mame Kayak, Naɗi Jesus Kristus ele aa maɗoɗ, oo mauhak, amu ooppa genab doyak ele Kristen tamaniak danab ah oh madapeɗ daaglagnu ool daatte.

Pilipai 2:1

Aria, ag Kristusnu daatteb, amu Nug he, ag oolag ɠagattag qak dootteb. Kayaknu oo mauhak am ag oo mak madatte. Kayak Ouɗi Nug he, ag tamaniak laippu daan, ag nug oo bodoettak, amu ag nug oo bodoetta le mak ele doon daatteb.

1 Jon 1:3

Ag uɗug imu ebqetteb ele amu, ag ig ele oh oonig laippu ele nug dootta daagnignu, ig aɗi anidta doomut ele amu, ig ag amelagppa iikku attem. Aria, oo laippu ele nug doya dayak ihinig amu, amuam Mame Kayak, amu Nug bekka Jesus Kristus ele, aa ig ele oh amuppa daattem.

1 Jon 3:16

Kristus Nug ihinignu mauhom, amuppa ig oo mauhak kobol doottem. Amubia ig ele ig lainkad dilagnu mauhkkunignu daatte.

1 Jon 3:24

Anam amunu, laa ag Kayaknu ɗo dim lamidtteb amu, ag Kayak nuhigppa daatteb, amu Kayak Nug ele danab amu, ahilagppa daatte. Kayak Nug nuhig Ouɗi ig mekkom amunu, amuppa ig doottem, Nug ihinigppa daatte.

Jut 1:21

Ag hanhan Kayaknu oo mauhak ooppa daanna, ihinig Naɗi Jesus Kristus Nug ahilagnu oo gai-iitta doya oo metta ehanattatta, Nug bauklel hanhan madakkunu ameg meig!