2 Korint 12:2 - Nobonob Baibel

² Da danab laa nug Kristusnu daatte amu, da nug doottem. Anukka maɗ 14 ii ugekke, Kayak Nug nug awe, attan ukka, hab ewamppa teum. Nug beɗuppa dayaya teumte o iitta nug ouɗi aakkuib teum amu, da ii doottem. Kayak Nugib dootte.

2 Korint 12:2 ပူးပေါင်းရင်းမြစ်များ

1 King 18:12

Amge da na uuitte goppi, Yawenu Ouɗi Nug na awitta, aben laih da ii doottemppatai meitteb daappe, da ukken, Ahap amegppa appi, nug na maditta, ii anitta amu, geha da iweb mauhkkul. Amge da nid nakokppanu uɗie, gemu batak, haen amu oh da Yawenu ebehil oh bodoetta le meum.

1 King 8:27

Solomon nug anam unuqitta mala, nug tuɗitta inam ele unuqittom. “Amge, O Kayak, na am genab nena, wan imuppa daakkut-te? Hab, hab waappa, hab attan ukke ukke, adekku batatte, aben amu ohppa aben laa, na amuppaib daakkutnu elele laa iinab daatte amunu, nahip mettid lag da hemi imu am, nahipnu elelete? Am iittanab iitta.

2 King 2:16

Aria, ag anam hewona, ag nug amegppa inam appig. “Ig am nahipad maɗi nid. Ihinig huuppa am kalu mettak danab 50 daatteb. Danab 50 amu geha ag gona, nahip danab okkai mattiglagnu oonig daatte. Yawenu Ouɗi Nug awa ukka, qaukoppatai, o aben oolnu noak laappatai keeke, Nug appa me daattetai,” aon appig. Ag anam appig, amge Elisa nug amelagppa aum. “Aib. Ag heppeg gona aib madippig,” awa aum.

Sam 148:4

Hab attan ukke ukke, adekku batatte, hab amu ⌊na danab ah Nug binag metteb bia, na⌋ Nug binag mee! Le attan daatte ele amu, ⌊danab ah Nug binag metteb bia, na⌋ ele Nug binag me!

Aisaia 57:15

Aɗinu? Yawe, Nug attannab dayaya, keeke laa ohnab eɗadtte, Nug hanhan daatte, nug onig am oppiaawak ele amu, Nug atte. “Da aben attan, aben oppiaawak ele, da amuppa daattem, amge da danab aun laa, nug nukka nuhignu, ‘Da am danab ena, onil okkai ele,’ ii dabmette, nug nukka nug onig qe nette amu, da danab amu ele daattep. Da danab nug nukka nug onig qe nette amu, da nug ooppa ɠagattag qedakkulnu, da anam hettem. Ao, da danab nug nukka nuhignu, ‘Da am danab ena, onil okkai ele,’ ii dabmette amu, da nug nuhig ouɗippa ɠagattag qedakkulnu, da anam hettem.

Esekiel 11:24

Anam daye, Yawenu Ouɗi Nug humiɗa, Nug tulegleg da meɗom amu Nug tulegleg amuppa omaiɗa ukke, Israel danab ah ag Babilon wanppa diia ukka laih me dayak danab ah daappig, Kayak Ouɗi Nug da ag daappigppa, appa meiɗom. Nug anam he, tulegleg Nug da meɗom amu, tulegleg amu aakku batom.

Esekiel 43:5

Anam ukke, Kayak Ouɗi Nug da humiɗa omaiɗa ukka, aben Kayaknu mettid lag noobppa daatte, amuppa ukkom, amu Yawenu binag amahlak oppiaawak ele nuhig mettid lag oh amba dayom.

Luk 24:51

Nug itattette, Kayak awe, Nug uuatta, hab aabppa ukkom.

Jon 6:56

Aun nug da teppul tiil ele latte amu, nug dahilppa daatte, da ele nuhigppa daattem.

Aposel 14:6

amge aa amu dooya, aa ahai oolya Likonia aab okkai aɗit, Listra Derbe ele, amu aab aɗit amu dilah wan taliliatak ele, aa appa goya oiya,

Aposel 22:17

Aria, dimppa da eɗuen Jerusalem uɗien, da Kayaknu mettid lag ooppa unuqittitti, da tulegleg laa anidmi.

Rom 16:10

Amu ag humittak dahil Apeles metteg! Nug Kristusnu daatte. Dayaya amu, nug ma anttak awa, elele ha, amuppa nug am onig ele. Amu ag humittak dahil danab Aristobulus laugppanu ele matteg!

Rom 16:3

Amu ag humittak dahil Prisila, Akwila ele mateg! Aa da ele, ig oh Kristus Jesusnu daatta, nuhig uɗatnu kadoi laippu daattem.

Rom 16:7

Amu ag humittak dahil Andronikus, Junias ele mateg! Aa am da ele ig oh Juda danab amu, ig haen laippu oh maniguittakppa daamut. Totol danab ag danab aɗit amu, ag ahilahnu ena elele doyak okkai dootteb. Da Jesusnu ooppa genab doyak danab ii bein daaiyi, aa tatam Kristusnu daapiɗ.

Rom 16:9

Ag humittak dahil Urbanus metteg! Nug ig ele, ig oh Kristusnu daatta, nuhig uɗatnu kadoi laippu daattem. Amu humittak dahil Stakis ele metteg! Nug am da layalnab.

Rom 8:1

Amunu danab ah ag Kristus Jesusnu daatteb, ag hipuninnu nob nau aoglagnu ii daatteb.

1 Korint 1:30

Kayak Nug aakku he, ag Kristus Jesusnu daatteb. Kristus Nug am doyak dabmak ena, ig Kayaknu aottemnu diig. Gemu ig genab tutukku hak danab daattem, ig oppiaawak ele daattem, amu ig gemu qagaiettakppanu eɗua uhuqak aomut daattem, amu oh Kristus, nuhigppaib beppig daatteb.

2 Korint 11:11

Aɗinu da anam hettem? Da ahilagnu oo mauhak ii doottem amunute? Iitta! Kayak Nug da ahilagnu ool mauhtte, amuam Nug dootte.

2 Korint 13:5

Ag akka akka ag ahilag ooppa genab doyak am genabte, ⌊amuam ag Kristusnu, nuhig Nai Enanu ele aakkuib oolagppa genab dootteb,⌋ o ahilag ooppa genab doyak am genab iittate italna epeɗieg! Ag akka, ag oolag ma anttak metteg! Ag Jesus Kristus, Nug ag oolagppa daatte iite dootteb? Yo, ag ma anttakppa elele hetteb dayeb amu, Nug ag oolagppa daatte. Iitta am iitta.

2 Korint 5:17

Amunu aun nug Kristusnu daatte, nug am danab bau. Anukka dayom amubia am iitta. Nuhigppa keeke oh am bau daatte.

2 Korint 5:21

Kristus Nug eheɗ laa ii heum amge Kayak he, Nug ihinig mana mettak dayeye, Kayak Nug hipunin ihinig oh awa, laippu qagma Nug qaɗeppa me, Nug mawom. Anam amunu, gemu Kayak Nug Kristusnu uɗat okkaippa ig anikka, ihinignu, “Genab tutukku hak danab,” awa akkunu elele.

Galesia 1:22

amge Juda Kristen tamaniak, ag Kristusnu daatteb amu, ag da ii dooiɗppig.

Galesia 5:6

Danab nug Kristus Jesus ele ouqak daattep amu, nuhigppa gaɗa otaɗak kobol, o iitta gaɗa ii otaɗak kobol, aɗit amu oh am keeke hamu. Nuhigppa keeke laippuib am okkai daatte. Amuam danab nug ooppa genab doya, laa dilagnu oo mauhtte.

Epesus 4:10

Nug tatam wan ooppa nowowa, Nug, laa iitta, Nugib eɗua attan ele teum. Nug keeke oh nuhigppa ambak daakkunu, Nug hab attan eɗatta attannab teum.

Duteronomi 10:14

Antteg! Hab, hab waappa, hab attan ukke ukke, adekku batatte, aria wan, am wanppan keeke oh ele amu, amu oh am Yawe, ahilag Kayak, nuhigib daatteb.

1 Tesalonaika 4:17

Kayak Nug heeb, ag eɗun hippaidppeg, ig laa oh bau daagnig amu, ig ag ele oh lombigppa teta, appa Naɗi Jesus ele nug uɗa teta tamanit, Nug ele hanhan daagnig.

Hibru 4:14

Anam daatte amunu, ig ooppa genab doyak ihinig, ig heut miag atitte ele amu, ig amu aɗat auta aotu! Aɗinu? Ig ihinig mana mettak ikki danab, Nug hab aabppa teum daatte. Nug am Jesus, Kayak Bekka.

Hibru 9:24

Amuam Kristusnu mauhakppa beum. Kristus Nug Kayaknu mettid lag ooppa, danab ag eppelagppa heppig ele, Nug amu ooppa ii noum. Iitta! Nug hab aabppanab ukkom amunu, gemu Nug Kayak noobppa miag atia teum dayaya, danab ig ehanikkakka daatte.

Revelesen 1:10

Mettidppa amu Kayak Ouɗinu ɠagattag dahilppa ambe, da baag okkai laa trampet oqotti bia da dimulppa mattieye doomi.

Revelesen 12:5

Dayeye, ah amu nug nid danab menuom. Nid danab amu Nug kingnu qakun aenppa hak ele, Nug qakun amuppa danab ah atognoadkku. Ah nug nid amu menue amu laa laippun awa, Kayak toppa nuhig sia kingppa meum.

Revelesen 4:2

Anam a, pahanab Kayak Ouɗi dahilppa ambe, da sia king ⌊anuqak⌋ hab aabppa dayom, laa Nug amuppa dayeye ele anidmi.