2 Korint 12:15 - Nobonob Baibel

¹⁵ Aria, da am dahil keeke oh ahilagnu agappi gokkunu uug laa ii doottem. Am dahil bau dayak ele, ag ehanadkkulnu maoppi gokkunu uug ii doottem. Da oo mauhak ahilagnu huanak doottem dayeb, ag amu anidna, ag dahilnu oo mauhak nakokib dooglagte?

2 Korint 12:15 ပူးပေါင်းရင်းမြစ်များ

2 Samuel 13:39

Anam daye ukke King Dawit nug Amnonnu oo meum amunu, nug Apsalom anidkkunu oo huana heum.

2 Samuel 18:33

King Dawit nug nai amu doya, nug eheɗ ottaiom. Nug ottaia, nug aha, nug aben amu uua, oo laa od attan dayom amu, nug amuppa ukka ta, gayom. Nug aguppa tekkunu taata, nug inam mahittom. “O da bekkal Apsalom! O da bekkal Apsalom! Da na abenam awen mauhlom am ena. O Apsalom, da bekkal, da bekkal,” awa mahittom.

Rom 9:3

Kayak Nug da lailad, ag am da ele tiinig laippu, Nug ag eɗua diikkunu ool okkai daatte amunu, ib laa elele daalo, ib amuam da eheɗ laa awaknu anak waappa daalom, Kristus da geɗileb, da laih wain padal melom, ib amuppa da Israel danab ah ag Kayak noobppa ena daaglagnu ehanadkkulnu elele daalom amu, da anam helom. Amge ib anam bia laa iitta.

2 Korint 1:6

Am ig uug maottem dayeb amu, uug mawak amunu diig am ag Korint ag ⌊Jesusnu nai doon⌋ ag oo mak aona, padal memananu ehanittak ele aoglagnu aakku daatte. Amge Kayak Nug ig oo mak megakkunu oonig aokku dayeb amu, amunu diig am ag Korint ag amu anidna, ag ele oo mak amu aona, amu ag ele uug ig maottem bia, ag tuɗidna uug doyaya eɗittaknuib dabmak awak kobol dim lamidna maon oiglagnu ɠagattag madatte.

2 Korint 11:11

Aɗinu da anam hettem? Da ahilagnu oo mauhak ii doottem amunute? Iitta! Kayak Nug da ahilagnu ool mauhtte, amuam Nug dootte.

2 Korint 12:14

Aria, gemu da haen ewam batak ag gumatte gokkulnu hein bappaidttem. Da geha ukke, keeke ahilag amu ii aɗadpa. Doyeg! Da keeke ahilag aokkulnu ool ii daatte. Iitta. Da ag diiadkkulnu ool daatte. Ag dootteb, nid ag mamelkad anilkad ehanadkkulagnu keeke bappaidkkulagnu ii daatte. Iitta. Mamelkad anilkad ag nid ehanadkkulahnu keeke qagmetteb.

2 Korint 12:9

amge Nug da amelppa inam aum. “Dahil ehanittak okkai hamu medattem ele, amuppaib na elele daattem. Aɗinu? Dahil ɠagattag am danab ag gai-iitta daatteb ele, ag ɠagattag aon daaglagnu daatteb amu, dahil ɠagattag ahilagppa aakku uɗat enanagnab hette.” Naɗi Nug anam aum amunu, da ɠagattag iittanu ool uug ii daatte. Iitta! Da amunu Kristusnu ɠagattag aakkuib dahilppa daakkunu maɗoɗppan gamag ahakib doyeye, aɗi keeke da hekkulnu da gai-iitta daattem amu, da amunu onil humakkul.

2 Korint 2:3

Da nai matu ahilagnu yaami amu, da diig imunu yaami. Ag da maɗoɗppan gamag ahak meɗaglagnu daatteb, amge ⌊ag uug laala ii bappaidppeg da ahilagppa golom amu, da oolppa uug doolom amunu,⌋ haen da ukken, ag uug laala ii bappaidppig anttena, da oolppa uug doopanu nai amu yaami. Ahilagnu amu, da ag aɗi kobol tutukku hekkulagnu maɗoɗppan gamag ahak meɗatte dootteb amu, da ag ele amunu maɗoɗppan gamag ahak dootteb genab doomi.

2 Korint 4:12

Anam amunu, ig mauhak ibppa daatta, Jesusnu nai mehuqutut, ag Korint, ag nai amu oolagppa genab doona, bauklel aotteb.

2 Korint 7:2

Ag oolag amu ig mekkeg! Ig danab laa, nuhigppa eheɗ laa ii hemut. Ig heut, danab laa nug hipunin danab ii dayom. Ig danab laa buppuidtata, nuhig keeke laa ii aɗamut.

2 Korint 7:3

Da nai imu attem amu, da ag beɗulagppa nai yaak ii hettem. Iitta. Amge da matu ami aakku. Ig oonig amu ag madattem amunu, ag mauhkkulag amu, aria ig ag ele oh mauhkkunignu uug ii doottem. Am ag bau daaglag amu, aria ig ag ele oh bau daagnignu uug ii doottem.

Galesia 4:10

Ag Kayak noobppa ena daaglagnu ag hanhan deɗ okkai amu kalam bau bak, mettid okkai amu maɗ bau ele anidna, amuppa gun mena daatteb. Amu elele iitta.

Pilipai 2:17

Ag Jesusnu oolagppa genab dootteb, diig amunu ag Kayak waappa daan, Nug oɗe dim lamidtteb. Anam amu, amuam ag doɗ manan Kayak medatteb bia. Aria, da am wain gokkaɗaknu ofa ahilag mana mettak amu qaɗeppa gokkaɗaknu bia daakkul dayeb amu, da maɗoɗppan gamag ahak doottem, amu da ag ele maɗoɗppan gamag ahak amu dooglagnu ool daatte.

Kolosi 1:24

Amu da gemu beɗulppa guittak maottem imu amu, da amunu maɗoɗppan gamag ahak doottem. Aɗinu? Da Kristusnu Kristen tamaniak, amuam Nug beɗu aakku amu, da tamaniak amu ehanidkkulnu ool daatte. Guittak Kristus Nug Kristen tamaniak ehanidkkunu mawom amuam daatte, amge guittak da dakka beɗulppa maottem imuam da amuppa hei, Kristus Nug guittak mawom amu aakku ambette.

1 Tesalonaika 2:8

Ig ahilagnu oonig huana mauhom amunu, ig Kayak toppanu Nai Ena apput dooglagnu oonig dayeye heta, ig ag ena daaglagnu mauhlom amunu ele elele doomut. Aɗinu? Ig ahilagnu am ig lainkadnab doomut.

2 Timoti 2:10

Amunu amu, da ool ɠagattag qetten, da Kayak Nug danab ah nuhikkud tituanattom, ag ele Kristus Jesusnu eɗua awikkak aon, haen oh hab aabppa daaglagnu, da ag ehanadkkulnu heinne, uug imu oh maottem.

Hibru 13:17

Ag tamaniak ooppa daatteb ele amu, ag ahilkad ikki danab waalagppa daanna, ahilag nai ele dim lamitteg! Ikki danab ag ehanadkkulagnu hena, hanhan ag atognoadnana uɗat hetteb amu, ikki danab amu ag amunu geha Kayak amegppa mehuqkkulag, amunu ikki danab ag uug doomnanu, ag maɗoɗppan gamag ahak dooglagnu amu, ag laa ag ag waalagppa daanna, ahilag nai dim lamitteg! Tamaniak danab ah ag uug doon ikki danab dilag nai dim lamidppeg, ikki danab ag uɗat ahilag hekkulagnu uug doon hekkulag dayeb amu, tamaniak danab ah ag kobol amuppa ehanittak ena ii aomna.