2 Korint 12:14 - Nobonob Baibel

¹⁴ Aria, gemu da haen ewam batak ag gumatte gokkulnu hein bappaidttem. Da geha ukke, keeke ahilag amu ii aɗadpa. Doyeg! Da keeke ahilag aokkulnu ool ii daatte. Iitta. Da ag diiadkkulnu ool daatte. Ag dootteb, nid ag mamelkad anilkad ehanadkkulagnu keeke bappaidkkulagnu ii daatte. Iitta. Mamelkad anilkad ag nid ehanadkkulahnu keeke qagmetteb.

2 Korint 12:14 ပူးပေါင်းရင်းမြစ်များ

Prowerb 11:30

Danab ag genab tutukku hak kobol dim lamidtteb amu, amuppa ag heeg, danab laa ag bau daatteb; amu danab doyak dabmak ena ele, nug kobol attem attem, laa ag aon bau oiglagnu ippunadtte.

Prowerb 13:22

Danab ena, nuhig aug amu, nug mauhakppa ukkeb, aug amu paha ii iitta mema. Dayeb ukkeb, alakkud aoglag; amge hipunin danab aulag ag qagmetteb ele, genab tutukku hak danab ag aoglag.

Prowerb 19:14

Lag, en laa ele amu, amuam anig mameg ele aulah keeke; amge danab wau, ah amu nug eheɗ bemanu dabmak awa dabmak amu dim lamittak ah daatte dayeb, Yawe Nug ah amu epeɗia, danab amu mettom.

Esekiel 34:2

“Danab bekka, na dimppa aɗi bekkunu nai dahil Israel dilag gumak danab, ag sipsip gumak danab bia daatteb, Israel danab ah ag am sipsip dahilad bia daatteb amu, na ag amelagppa uug ahilagppa beeb anidkkulagnu propet nai anan, ‘Naɗi Yawe Nug inam atte,’ awona, na imu ele appe doyeg! ‘Ag Israel dilag gumak danab, ag sipsip gumak danab bia daatteb amu, ahilagnu gadonnab gadon. Ag akka ag ena daaglagnu dabmak okkai aotteb, amge ag ahilkad sipsip dilagnu ii dabmetteb. Sipsip gumak danab nug nuhikkud sipsip atognoadkkunu iite daatte?

Aposel 20:33

Amu da danab laanu silwa, gol, lamen keeke, da amunu amel qe aolomnab dabmak eheɗ ii aomi.

1 Korint 10:24

Danab laa nug nukka nuhignuib aib dabmeum. Iitta. Nug danab oh ag ena daaglagnu nug ag ehanattaɗ!

1 Korint 10:33

Da hettem amubia ag heig! Da keeke oh hettem amu, danab oh ag da aɗi hettem amu oolag mettaglagnu hettem. Da uɗat hettem amu dakka ehaniɗkkulnu ii hettem. Iitta! Da uɗat hettem amu, danab ah kuɗum ehanadppi, Kayak eɗua diikkunu aakkuib hettem.

1 Korint 11:34

Ag mauhnoak ee latteb amubia tuɗidna labeppeg, Kayak epeɗiak baubau mattamanu amu, laa nug enug qeeb nug nukka nug laugppa ee lanaɗ! Keeke laalanu da ag dim lamittaknu nai ag amelagppa akkulnu daatteb amu, dimppa da eɗue ahilagppa ukke, appa da madippi dooglag.

1 Korint 16:5

Da tatam Makedonia oppaten gokkulnu dabmettem amunu, da anam oppaten ukkoya, geha da ahilagppa ana tekkul.

1 Korint 4:19

Laa ag anam hetteb, amge Naɗi Nug oo dayeb amu, da ag gumatte gokkul. Ukkena amu da beɗuppa tak danab amu dilag nai doyena, ɠagattag ahilag ele am genab daatte o iitta, amu ele da anidkkul.

1 Korint 9:12

Danab laala ag ahilagppa dim goppig. Ag gona, nai mehuqegeg, ag keeke madatteb amunu, ig ahilagppa keeke aognignu elelenab daattem. Amge keeke ig aolomnu elele amu ig ii aomut. Aɗinu? Ig keeke amu aolom amu, Kristusnu Nai Ena ag aon oolagppa genab dooglagnu ib am oo nekkunigtai amunu, uug laala oh amu ig aakku maottem.

1 Korint 9:18

da nob aɗi aokkul? Dahil nob ena amu inam. Da Nai Ena mehuqttem, uɗat amuppa da keeke da aokkulnu elele daattem amu, da ii awewe, da Nai Ena hamu nob laa iittappa mehuqe, danab madattem.

1 Korint 9:19

Da danab laa nug he, maɗi nid nuhig ii daattem. Iitta! Amge da danab kuɗum eeɗadppi, ag Jesus dim lamidkkulagnu hettem amunu, da dakka danab oh dilag begbeg maɗi nid daakkulnu ool he daattem.

2 Korint 1:15

Da ag ahilag dabmak dahilnu am enaib oolppa genab doye, ag ehanittak aɗit aoglagnu amu da ahilagppa haen aɗit gokkulnu maittak aomi.

2 Korint 11:9

Anukka, haen da ag ele oh daata, da keeke laanu tutu dayeye, da ag oolagppanu danab laa amunu uug ii mettami. Iitta. Da lailad aɗi ag Makedonianu ahan gona, Korint tena, da aɗi keeke laalanu tutu memi amu ag meɗappig amunu, da ag Korint danab ag uug nakok laa ii mattami; geha ele da anamib hekkulnu dabmettem.

2 Korint 12:13

Da Kristen tamaniak laappa kobol laa hettem, anamib aakku ahilagppa ele hettem. Laippuib amu da ahilagppa ii hemi. Amuam da uug madette, ahilagppa ehanittak laa ii aomi. Gadon ag dahil hak nau amu uhuqna meɗeg!

Galesia 4:19

O nid dahilad, da ag Kristen bekkulagnu guittak naɗi, ah nid menukkunu guittak dootte, amubia doomi, amu gemu da ag Kristus daatte bia bekkulagnu guittak amubia baula doottem.

Pilipai 4:1

Amunu O lailad, da ahilagnu ool mauhe, anadkkulnu ool daye, da ahilagnu dabmeinne, maɗoɗppan gamag ahak dooi, ittag ele iutte amu, ag da ami bia ag Naɗi toppa ɠagattag hippaidna dayeg!

Pilipai 4:17

Amu da keeke ahilagppanu aokkulnu ii attem. Iitta. Da ahilagppa kobol ena naɗi dayebeb, ag Kayak noobppa onig ena aoglagnu ool daatte.

1 Tesalonaika 2:11

Ag dootteb, ig ag anen anen, danab laa nug bekkod bahi aqatte bia, ag bahi aqatta,

1 Tesalonaika 2:8

Ig ahilagnu oonig huana mauhom amunu, ig Kayak toppanu Nai Ena apput dooglagnu oonig dayeye heta, ig ag ena daaglagnu mauhlom amunu ele elele doomut. Aɗinu? Ig ahilagnu am ig lainkadnab doomut.