2 Korint 12:1 - Nobonob Baibel

¹ ⌊Korint danab, ag beɗulagppa⌋ da dakka da danab nug nukka onig humak hette bia hekkulnunab daatte. Genab, onig humak kobol am ig ii ehanigtte, amge da tuleglegppa keeke lokkumak laala, Naɗi Nug da amelppa miag atiom amu, da amunu ele madikkulnu iikku hettem.

2 Korint 12:1 ပူးပေါင်းရင်းမြစ်များ

Esekiel 11:24

Anam daye, Yawenu Ouɗi Nug humiɗa, Nug tulegleg da meɗom amu Nug tulegleg amuppa omaiɗa ukke, Israel danab ah ag Babilon wanppa diia ukka laih me dayak danab ah daappig, Kayak Ouɗi Nug da ag daappigppa, appa meiɗom. Nug anam he, tulegleg Nug da meɗom amu, tulegleg amu aakku batom.

Namba 12:6

Nug aum. “Aa nai dahil doyeɗ! Haen dahil propet danab laa ag oolagppa daatte amu, da Yawe, da tuleglegppa da diil, dahil nai ele nug ippunidttem, tul niiakppa da nug amegppa nai madittem.

Jon 16:7

Da genabnab genab ag amelagppa attem. Da hab aabppa gokkul am ena. Da ii goppi am ena iitta. Aɗinu? Da ii goppi amu Kayak Ouɗi, ahilag Ehanittak, Nug ii nema, amge da tein dayeye, da meppi, Nug ag gumatta nekku.

Jon 18:14

Kaiapas amu nugib tatam Juda okkai laa amelagppa inam aum. “Danab laippu laa nug danab ah oh abenlag awa mauhkku dayeb, amuam ena,” awa aum.

Aposel 18:9

Amu deɗ laa tuqan Pol nug tulegleg laa antte, tulegleg amuppa Naɗi nug amegppa aum. “Da na ele daattep amunu, na aib baɗame! Na dahil nai appe doyeg! Oɗen aib qamutme! Danab laa nug ii nitteb guittak aokkut. Aɗinu? Dahilad danab ah kuɗum ag aab okkai imuppa daatteb,” awa aum.

Aposel 23:11

Ag anam heeg, deɗ amu tuqan amuppa Naɗi Nug Pol guguitta hibaitta dayaya nug aum. “Na hippaidna ɠagattag daye! Na aib baɗame! Na dahil nai Jerusalem mehuqme, amubia na dahil nai Rom appa mehuqkkut.” Naɗi Nug anam awa aum.

1 Korint 10:23

Da keeke oh hekkulnu ib daatte, amge keeke oh da ii ehaniɗtteb. Ge, da keeke oh hekkulnu ib daatte, amge keeke oh amu heppeg, da ɠagattag ii daapa.

1 Korint 14:6

O lailad, nai imu ag tutukku dabmettan aɗeg! Da ag gumatte ukke, nai laalappa nai madakkul amu, da ag attem ehanadkkul? Iitta, amge da ukken, nai ag dootteb ele, da nai amuppa Kayak Nug da nai aɗi ag amelagppa akkulnu ippuniɗom appi dooglag dayeb, o iitta doyak ena laa appi dooglag dayeb, o iitta propet nai laa appi dooglag dayeb, o iitta da ippunittak nai laa appi dooglag dayeb amu, amuppa da ag ehanadppi, ag Kayak tutukku dooglag.

1 Korint 6:12

Da keeke oh hekkulnu ib daatte, amge keeke oh da ii ehaniɗtte. Ge, keeke oh da hekkulnu ib daatte, amge da keeke laan begbeg maɗi nid ii daapa.

2 Korint 12:11

Da nai madittem imuam danab nug Kayak dab-ii-maama ii dim lamidttenu nai bia, amge ag akka da nai imu inam madikkulnu duttuniɗeg, da madittem. Aɗinu? Ag dahilnu, “Nug ena hette,” pasppa yaaglagnu am aib iitta, amu kobol elele, ag helob am ena, amge ag anam ii heppig. Genab, da amu keeke hamu, amge da gaɗalagib totol danab ahilkad amu ag waalagppa ii daattem.

2 Korint 12:5

Danab amubia aakkuib amu da nug onig humakkulnu ool daatte, amge da dakka da onil humak bia ii hepa. Iitta. Da dakka ɠagattag iitta amu, da amunu onil humak bia akkul. Da ɠagattag iitta daaiyi, Kristus Nug dahilppa uɗat hette amu, da amunuib onil humak bia hekkul.

2 Korint 12:7

Tatam danab laanu mattimi amu daib. Paradisppa amu Kayak Nug da keeke ippuniɗom ele, amuam keeke okkainab. Amunu diig amunu Kayak Nug da dakka onil huan humapanu Nug da beɗulppa keeke laa, qaun bia, da yaaiɗkkunu meɗom. Amuam Satannu maɗi nid, nug da dakka onil huan humapanu tappiɗeb nekkulnu daatte.

2 Korint 12:9

amge Nug da amelppa inam aum. “Dahil ehanittak okkai hamu medattem ele, amuppaib na elele daattem. Aɗinu? Dahil ɠagattag am danab ag gai-iitta daatteb ele, ag ɠagattag aon daaglagnu daatteb amu, dahil ɠagattag ahilagppa aakku uɗat enanagnab hette.” Naɗi Nug anam aum amunu, da ɠagattag iittanu ool uug ii daatte. Iitta! Da amunu Kristusnu ɠagattag aakkuib dahilppa daakkunu maɗoɗppan gamag ahakib doyeye, aɗi keeke da hekkulnu da gai-iitta daattem amu, da amunu onil humakkul.

2 Korint 8:10

Imu dahil dabmak amu iikku ag amelagppa attem. Maɗ tumai ukkomppa ag Korint danab, ag ehanittak uɗat amu hekkulagnu, laa oh ii dabmeppig haenppa, ag digmen dabmeppig. Ag anam heppig, amu ag ele anuqna, men doɗo digmena bappaidppig.

Galesia 1:12

Da danab laa nuhigppanu ii aomi. Laa ele amu, danab laa nug da amu ii ippuniɗom. Iitta. Jesus Kristus Nug nukka da ippuniɗom.

Galesia 2:2

Kayak Nug da ippuniɗe, da aakku gomi. Da inam dabmemi. “Da ⌊Jerusalem tamaniak⌋ anuqak danab amelagppa, da iitta aɗi oolagppa Nai Ena mehuqttem amu da amunu ii akkul amu, uɗat da gemu hettem imu, uɗat tatam hemi ele amu, uɗat amu oh hamu ukka qettoɗkkutai.” Da anam dabmemi amunu, da ukkai, anuqak danab amu appa daappig ele, da ag akka aakkuib ele daatta, da amu ippunadmi.

Epesus 3:3

Kayak Nug anam hekkunu maittak awom, amge dabmak amuam anukka lokkumak dayom. Lokkumak dayom, me Kayak Nug dahilppa mehuqe doomi. Nai amunu amu, da matu ahilagnu nai tutu laa yen malami.

1 Tesalonaika 4:15

Ig nai imu Naɗi oɗe amu ag amelagppa iikku attem. Ig laa oh, ig geha Naɗi Nug eɗua uɗikku haenppa ig danab ah bau daattem ele amu, ig danab mauhppig ele amu daappeg ig ii anuqmata.

1 Jon 5:20

Ao ig ele doottem, Kayak Bekka Nug uɗia, ig Mame genab, Nug doognignu diignu doyak tutukku mekkom. Amu laa, Kayak Nug am genab diig, amu ig nuhigppa daattem, amu ig Nug Bekka Jesus Kristus, nuhigppa ele daattem. Kayak Nug am Kayak genab, Nug bauklel hanhannu diig ele.