2 Korint 11:26 - Nobonob Baibel

²⁶ Da haen kuɗum ib uma amu gomi. Da leppa padal mekkulnu hemi. Danab nau ibppa daanna, danab ukkaegeg, makkuɗadna keeke ahilag aɗuadtteb ele amu, ag eppelagppa heeg nauhkkulnu hemi. Da lailad ag eheɗ heiɗkkulagnu heegeg, iitta aɗi danab ele, ag da eheɗ heiɗkkulagnu heppig. Aab okkaippa ag da eheɗ heiɗkkulagnu heppig, atu taɗakppa danab iittappa, ag eheɗ heiɗkkulagnu heppig. Yuppa da padal mak abenppa daami amu, Kristen tamaniak ooppanu hambuppuak danab, ag ele da eheɗ heiɗkkulagnu heppig.

2 Korint 11:26 ပူးပေါင်းရင်းမြစ်များ

Aposel 13:45

Amge haen Juda laala ag danab ah kuɗumnab qagmeeg anadna, ag, ihinigppa anam daalon dabmak aɗan daan, ag ahan, Pol nai mattiom amu, laa ag amu doomnanu, nai amu tabappeg nokkunu henana, ag Polnu nainu nai iɗu iɗu mattin, dappidna, aon aon qedappig.

Aposel 13:50

Appanu ag Naɗinu nai dooppig, amge Juda ag ahan, aab okkai amuppan ikki danab amu ah laala onilag ele, ag Kayaknu ebehilkad oh bodoetta le meum amu, ag oolag yaaeg, ag ahan, Pol, Barnabas ele eheɗ haatna, aa wan atu amuppanu lamatppig.

Aposel 14:19

Aria, aa Listra daaeheh, Juda laala Antioknu Aikoniamnu ele uɗiadppig. Ag appa uɗin, danab ah amu eeɗadna, Pol qeppeg mauhkkunu oolagppa noeg, ag menppa Pol makkuɗeg, mauhak bia niieye, ag eeɗna, aab okkai giginppa gona meppig. Ag, “Nug mauhom,” anana, anam heppig.

Aposel 14:5

Anam daaegeg, dimppa iitta aɗi laala, Juda laala ele, amu ahilkad ikki danab ele ahan, Pol, Barnabas ele eheɗ haatna, menppa makkuɗatppeg mauhkkulahnu dabmeppig,

Aposel 15:40

Anam amge Pol nug Silas tituane, gokkulahnu daaeheh, Kristen ag, “Naɗinu ehanittak okkai hamu megatte ahilahppa dayaɗ!” aon appig.

Aposel 17:13

Ag Jesusnu oolagppa genab dooppig, dimppa Juda laala Tesalonaikanu, ag Pol nug Beria appa Kayaknu nai mehuqtte doona, ag ahan Beria gona, ahilag hak nau amu aon, danab ah appanu oolagppa noeg, ag ahilag nai amu doon ottaina, ahan heegeg,

Aposel 17:5

Ag anam heppig, amge Juda laala ag Pol, Silas ele dilahnu, ihinigppa anam daalon dabmak aɗan daappig amunu, ag ahan, danab bahilkad iitta, ag keeke he nauhak danab, ag ee oɗiak abenppa hamu daappig ele amu, ag danab amunu laala diin qagmaadna heeg, ag ahan heeg, aab okkai amuppan danab ag ele ag muttub qeppig. Ag muttub qeegeg, Juda laala kobol imu digmeppig ele ag Jeson laugppa qaiettan gona, Pol, Silas ele diiatna, dimittim uɗin, danab kuɗum muttub qeppig ele eppelagppa mekkulagnu dabmeppig.

Aposel 18:12

Am Pol nug Korint dayaya, anam heum, amge dimppa Galio nug prowins Akaia dilag gawana dayeye, haen amuppa Juda ag oh qagmena, Pol kekeɗ mettan, aɗan aon hettoɗiak abenppa goppig.

Aposel 19:1

Apolos nug Korint appa dayeye, haen amuppa Pol nug ukka, prowins yu ihippa ii daappig eleppa oiya oiya, nug Epesus ta, appa nug Kristen laala daaegeg anatta,

Aposel 19:23

Pol nug appa dayeye, haen amuppa danab laala ag Naɗinu ib amu kekeɗ mettan, ahan muttub naɗi qenana heppig.

Aposel 20:19

Ag dootteb, haen kuɗum Juda ag da tappiɗppeg nokkulnu heppig, amuppa amu da uug kuɗum aomi, amge da onil qei, honap noono, da Naɗinu uɗat hemi. Da haen kuɗum amel leb neum.

Aposel 20:3

Grik wanppa ta, appa nug kalam ewam dayowa, amu dimppa nug aha, uub awa Siria gokkunu haaha, Juda ag nug qeppeg mauhkkunu nai qagappig doyom amunu, nug eɗua Makedonia gokkunu dabmeum.

Aposel 23:10

Naippan nug qak amuam okkainab be, huana heeg, ban daup dilag ikki anuqak nug antta, “Ag Pol aɗan eeɗna, gamagppa paguppeg mauhkkutai,” anana, oo baɗe, nug daup amelagppa, “Ag nona, wagai mena, Pol gamagppanu aon, omalna gona, ag laulag ooppa noig!” awa aum.

Aposel 25:3

Ag yona, ag inam ele appig. “Na ig ehanigna, danab amu aon meppe, ippa Jerusalem uɗikkunu oɗ medattem,” ii daye daye oɗ medappig. Ag anam appig, amge diigppanab ag ib aɗan lokkumna daanna, Pol qeppeg mauhkku dabmeppig.

Aposel 27:42

Uub aoɗe, daup ag ahan maniguittak danab ilog mena oolna gomananu aqaglagnu heppig.

Rom 15:19

Ele amu, iitta aɗi ag Kayak dabmettaknu kobol danab haknu elele iitta okkai okkai, amu kobol danab haknu elele iitta digdig ele Kayak Ouɗinu ɠagattagppa da hei anidna, ag Kayak nai dim lamidppignu madikkul. Nug anam ehaniɗom amunu, da Jerusalem appa digmein, Kristusnu Nai Ena ohnab mehuqeqe, aben ohppa ele oii ukke ukke, Ilirikum aabppa batami.

Rom 8:35

Ig Kristusnu oo mauhak ooppa daattem, amu aun nug amuppanu matakkikka aokku? Uug laate; o iitta oiyak ihinigppa keeke ig mawaknu uug doottem, amute; o iitta eheɗ heikkak, amute; o iitta enug haen, amute; o iitta keekenu tutu mak, amute; o iitta qagaiettak haen, amute; o iitta mauhak, amute, o amu oolagppan laa am Kristusnu oo mauhak ooppanu matakkikka aokkute? Iittanab!

1 Korint 15:30

Aria, danab mauhppig ag eɗun ii hippaidlob amu, ig ele hanhan danab laala ag ig eheɗ heigkkulagnu hetteb amu, aɗinu ig uug amu maottem?

1 Korint 15:32

Danab mauhppig ele, ag eɗun ii hippaidlob amu, haen da Epesus daaiyi laala da Jesusnu nai mehuqttem diig amunu iuppeg mauhkkulnu heppig amu, uug amu mawak am diig iittanab. Danab mauhppig ele, ag eɗun ii hippaidmana, nai amu genab daalo amu ig, “Haen elab iitta ig mauhkkunig amunu, ig ee le ele aot latu!” dabmeta doolom.

2 Korint 11:32

Am Damaskus appa King Aretasnu ehanittak laa, nug gawana, nug Damaskus aab okkainu aɗub odppa od gumak danab maatteb, ag da aɗailppeg, maniguittakppa meiɗkkunu heum,

Galesia 2:4

Nai imu beumnu diig am, ihinkad laa, ag gaɗalagib Kristen, ag qagmakppa ii uɗilob amge ag oqeqaɗak uɗin, ag lokkumakppa nai italak danab daanna, ag Kristus Jesus uhuqak mekke, ig qakkak iitta daattem anidkkulagnu hena, ag awigna, ɗo waappa begbeg maɗi nid daagnignu meigkkulagnu heppig.