2 Korint 11:23 - Nobonob Baibel

²³ Ag Kristusnu maɗi nidte? (Da gemu dahil dabmak eɗile, da nai madittem.) Kristusnu uɗatppa amu da ag eɗadttem. Dahil hak ɠagattagppa da ag eɗadmi, Jesusnu nai mehuqaknu maniguittakppa dayak am da ag eɗadmi. Danab ag da muɗi qaun eleppa mataɗileg, kuɗumnab batom, amuppa da genab ag eɗadmi. Aria, laa ele, haen kuɗum da mauhkkulnu miag daami, ag am anam bia iitta.

2 Korint 11:23 ပူးပေါင်းရင်းမြစ်များ

Jeremaia 36:5

Nug anam mattia male, Baruk nug nai amu oh ya male, Jeremaia nug amegppa aum. “Danab okkai ag da Yawenu mettid lakka gokkulnu aib aeg, da appa gokkulnu elele iitta

Aposel 14:19

Aria, aa Listra daaeheh, Juda laala Antioknu Aikoniamnu ele uɗiadppig. Ag appa uɗin, danab ah amu eeɗadna, Pol qeppeg mauhkkunu oolagppa noeg, ag menppa Pol makkuɗeg, mauhak bia niieye, ag eeɗna, aab okkai giginppa gona meppig. Ag, “Nug mauhom,” anana, anam heppig.

Aposel 20:23

Amge imuib amu da doottem, da aabaab ohppa oittem amu, Kayak Ouɗi Nug nau aomanu dabmettak nai, da amelppa inam maditte. ‘Geha ag na maniguittakppa meidppeg, na uug kuɗum aokkut,’ awa atte.

Aposel 21:11

Nug ig gumikka uɗia, nug Polnu matagiɗ awa, nug nukka nug baeg eppeg Pol baeg eppeg iitta, nug baeg eppeg ele amuppa qakkowa, nug aum. “Kayak Ouɗi Nug inam awa atte. ‘Juda danab okkai Jerusalemnu, ag geha matagiɗ imu mameg amu inam hippalna, aon gona, iitta aɗi mattaglag,’ ” awa aum.

Aposel 25:14

Aa uɗiya, deɗ nakok kuɗum Sisaria daaeheh amu Pestus nug king amu amegppa Polnu nai imu mattia aum. “Peliks nug danab laa nug anukka maniguittakppa meum ina daatte.

Aposel 27:1

Ag nai mattin, ig Itali wannu aab okkai Rom gokkunignu dabmak awona, ag Pol nug, amu maniguittak danab laala ele, ag ban daup 100 dilag ikki onig Julius, nug gumadkkunu nug eppegppa meppig. Nug am ban daup dilag huu laa onig Sisarnu huu, nug am amunu laa.

Aposel 28:16

Ɠagattag awe, ig Rom ooppa nout am gabman nug a, Pol nug nukka lag laappa dayeye, ban daup danab laippu gumeme daapiɗ.

Aposel 28:30

Maɗ aɗit Pol nug nukka lag daden meum amuppa dayaya, danab ah oh ag nug gumidna uɗippig uɗiegeg, nug ag ele laippu dayaknu ooppa eleleib doya, diieye daappig.

Aposel 9:16

Geha nug da onil ag ippuanattatta, amuppa nug uug nau digdig maokkunu daatte amu da nug ippunidkkul,” awa aum.

Rom 8:36

Uug amu oh, amuam Kayak naippa, nai laa daatte bia. Nai amuam inam. “O Kayak, danab ah ag ihinignu nau ninig ele doottebnu diig am, ig na dim lamidttem amunu, ag ig deɗ oh amun tuqan ele iqaglagnu hetteb. Ao, danab ag sipsip lanaknu baalag otaɗadtteb, amubia danab ah ag ig iqaglagnu dabmak aotteb.”

1 Korint 15:10

Amge Kayak Nug da ehanittak okkai hamu meɗe, da gemu attem daattem amu ehanittak nuhig amuppa da aakku daattem. Nug da ehanittak okkai hamu meɗe amu, da ii kakidmi. Iitta. Da uɗat ɠagattag hei uɗie, gemu ele hettem. Totol danab laa ag da uɗat ɠagattag hettem bia ɠagattag ii hetteb, amge da dakka ii hettem. Iitta! Kayak Nug da ehanittak okkai hamu meɗe, da amuppa amu hettem.

1 Korint 3:5

Ag tutukku dabmak aon antteg! Apolos nug am aun? Am da Pol am aun? I am maɗi nidib; Naɗi Nug i uɗat ihinih piɗe piɗe metom. Nug uɗat amu mete, i uɗat amu heuɗuɗ, ag Kristusnu oolagppa genab dooppig.

1 Korint 4:1

Aria ag ihinignu inam dabmekkulag am ena. “Ag am Kristusnu maɗi nid, Kayaknu nai unuqag daatte amu, ag appeg doognignu daatteb. Ag amunu uɗat gumak danab daatteb.”

1 Korint 4:11

Yo, ig totol ig uɗat imu wan imuppa heutut, digma uɗie, gemu ele enug iqe, baanig qaɗaiedatte, beɗunig hautaknu lamen ele ena iitta daattem. Laa ag eppelag bitakkan beɗunig eheɗ oigtteb. Ig dayaknu aben ele iitta.

1 Korint 4:9

Deɗ laala da inam dabmettem. Kayak Nug ig totol danab nuhikkud otikkom, ig uɗat amuppa oittem ele amu, Nug he, ig laa oh dimulagppanab, ig danab banppa aɗualadna aqappeg mauhkkulagnu otiadppig, amubia daattem. Genab, ig wan atu ohppa danab oh noolagppa, amu engel noolagppa ele, ag ig eheɗ anigkkulagnu daattem deɗ laala da anam doottem.

2 Korint 10:7

Ag keeke unuqagnab amu ii anidtteb. Danab laa nug nuhignu, “Da am genab tutukku hak danab, Kristusnu danab daattem,” ɠagattag dabmette dayeb amu, nug eɗua imu ele doyaɗ! Nug am Kristusnu danab daatte, amubia ig ele am Kristusnu danab daattem.

2 Korint 11:5

Doyeg! Dahil dabmakppa, totol danab amu, ag danab amelagppa anuqak daatteb amu, da ag waalagppa nakok laa ii daattem.

2 Korint 3:6

Kayak Nug he, ig elele daata, ig nug tituana nai qakkak baunu maɗi nid daattem. Tituanak bau imu amu, nuhig ɗo nai yaak laa iitta. Iitta. Nug am Kayak Ouɗinu keeke. Ɗo nai yaak, amuam danab qe mauhtte, amge Kayak Ouɗi Nug danab bauklel medatte.

2 Korint 4:11

Yo, ig bau daattem ele, haen oh ig bau daat, Jesusnu dabmak anuqak aot daautut, Jesusnu bau dayak ig mauhaknu beɗunig imuppa miag atiak bekkunu, danab ag ig iqappeg mauhkkunignu hetteb.

2 Korint 6:9

Danab laala ag dooigtteb amge, “Ig ag ii doyadttem,” aon atteb. Ig am danab mauhkkunu hette bia, amge ig ii mauhttem, ig am bau daattem. Ig bu megatteb, amge bu nug ig iqe ii mauhttem.

Galesia 6:17

Aria, batakkulnu amu da danab laa nug gaɗa otaɗaknu nai amunu uug laa meɗakkunu, amu da ool ii daatte. Aɗinu? Danab ag Jesus onignu oiɗeg, duɗuppal da beɗulppa daatte, amuppa nai da attem amuam genab daatte ippunigtte.

Epesus 3:1

Diig amunu amu da Pol, da iitta aɗi ag ehanadkkulnu Kristus Jesusnu maniguittak danab daattem.

Epesus 4:1

Da Naɗinu uɗat hettem amunu, da maniguittakppa daattem. Da anam dayeye amu, da Kayak, Nug ag onilagppa eum, da amunu dabmein, da ag ahan, ewak baag amu attem oiglagnu ippuanadtte, ag amu dim lamidnana tutukku eleleppa oiglagnu iikku ahilkad dabmak maɗedattem.

Epesus 6:20

Ao, da Nai Ena imu madittem amunu da maniguittakppa daattem. Ge, da amu madikkulnu uɗat ele amunu amu, ag Kayak Nug heeb, da helom bia da baɗak iitta dayen, nuhig nai madikkulnu unuqitteg!

Pilipai 1:13

Amunu daup oh, Sisarnu lag enanagnab gumatteb ele, amu danab laala oh ele, ag da Kristusnu dayeye, diig amunu da hippalak daattem amu, ag aakku dootteb.

Pilipai 2:17

Ag Jesusnu oolagppa genab dootteb, diig amunu ag Kayak waappa daan, Nug oɗe dim lamidtteb. Anam amu, amuam ag doɗ manan Kayak medatteb bia. Aria, da am wain gokkaɗaknu ofa ahilag mana mettak amu qaɗeppa gokkaɗaknu bia daakkul dayeb amu, da maɗoɗppan gamag ahak doottem, amu da ag ele maɗoɗppan gamag ahak amu dooglagnu ool daatte.

Kolosi 1:24

Amu da gemu beɗulppa guittak maottem imu amu, da amunu maɗoɗppan gamag ahak doottem. Aɗinu? Da Kristusnu Kristen tamaniak, amuam Nug beɗu aakku amu, da tamaniak amu ehanidkkulnu ool daatte. Guittak Kristus Nug Kristen tamaniak ehanidkkunu mawom amuam daatte, amge guittak da dakka beɗulppa maottem imuam da amuppa hei, Kristus Nug guittak mawom amu aakku ambette.

Kolosi 1:29

Diig amunu da dahil ɠagattag ohppa da uɗat amu hekkulnu heɗiag okkai hettem. Kristus Nug nukka da uɗat anam hekkulnu ɠagattag okkai nuhig da meɗa, Nug da tappaɗilele hettem.

1 Tesalonaika 3:2

Timoti, nug ig lainig, nug am Kayaknu maɗi nid, Jesus Kristusnu Nai Ena mehuqaknu danab ele amu, ig nug ag ɠagattag aqakkunu, ahilag ooppa genab doyak ele ehanidkkunu, am laala ag uug naɗi mawak haen imuppa ag oolag meppeg ta, meppeg nemanu ele nug meuɗ ukkom. Ag tutukku dootteb, Kayak Nug ig Kristen ig oh uug amubia maognignu tituanikkom.

1 Timoti 4:6

Na mattiak imu i laintad amelagppa madikkut dayeb, na tuɗidna, ooppa genab doyaknu nai, ippunittak nai ena aome ele aɗan dabmenan dim lamidkkut dayeb amu, na Kristus Jesusnu maɗi nid ena daakkut.

2 Timoti 1:16

Da Naɗi Nug Onesiporus nug baekkudppa ele, da Nug ahilagnu oo gai-iitta doya oo matta ehanadkkunu unuqidttem. Aɗinu? Onesiporus nug haen kuɗum da qagaiettak daaiyi, nug da ool ena daakkunu ehaniɗom. Da maniguittak daami amunu ele nug uɗa ii neum.

2 Timoti 1:8

Amunu amu na ihinig Naɗinu madikkutnu uɗan aib neum. Da nuhig nai mehuqen, maniguittakppa daattem amu, dahilnu ele na uɗan aib neum. Iitta. Kayaknu ɠagattag amu ehanittebeb, da na ele i oh uug laala Nai Ena mehuqaknu betteb amu, uug amu oh i maoɗ oiɗu!

2 Timoti 2:9

Da Nai Ena imu madittem amunu, danab ag dahilnu, “Nug am danab nau,” ana, uug digdig meɗatteb. Ao, ag amu oh henana, ag da maniguittakppa ele meiɗppig, amge Kayak nai amu maniguittak daakkunu elele iitta.

2 Timoti 3:11

Amu danab ag Antiok, Aikoniam, Listra appa dahilppa kobol nau kuɗumppa eheɗ heiɗna, guittak ele meɗappig amu, keeke amu ohnu amu na doottem. Ag eheɗ heiɗak amu oh heppig, amge uug amu ohppa Naɗi Nug da ehaniɗe, da ii nauhe autenab aomi.

Pilemon 1:9

amge da oo mauhak kobol dabmein, anam hekkulnu uumi. Da na nahip oo mettak kobol dabmenana, amu hekkutnu iikku unuqidttem. Yo, da Pol, da kaino mein oittem, da gemu Kristus Jesus onignu hippalak danab daattem amu da, “Na he!” akkulnu uuen, iikku amunu unuqidttem.

Hibru 10:34

Amu ag danab maniguittakppa daappig, ag amu dilag oolag doyom. Amu haen laala dimittim danab ag uɗin, ahilkad keeke ena ena aɗadna diippig, amge ag amunu oolag ii nauhom. Iitta. Ag maɗoɗppan gamag ahak doon uueg aoppig. Aɗinu? Ag ahilag keeke ena hanhannu, dimppa aoglagnu appa ana daatte dooppig.