2 Korint 11:20 - Nobonob Baibel

²⁰ Ao, danab laa nug ag nugib waappa daaglagnu atte dayeb, o nug keeke ahilag amu oh aotte dayeb, o nuhig hambuppuakppa ag diitte dayeb, o nug enaen ma duttunadtte dayeb, o nug eppeg oohap ta, hippelkad mataɗadtte amu, aria ag nuhig nai, nuhig kobol ele epeɗilob am ena, amge ag anam ii hetteb amunu, nug aakku anam hette.

2 Korint 11:20 ပူးပေါင်းရင်းမြစ်များ

Aisaia 50:6

Haen danab ag da gomel mataɗppig amu, da gomel ag mattami. Yo, ag da akkaɗil hiɗaegeg, da ag iɗul mattami. Ge, ag da eheɗ aon aon iunna, hunu iuppig amu, da iɗul ii lokkummi.

Gayak Nai 3:30

Laa ag nid bau amu hippeg okkulagnu hetteb amu, nug hippeg ag mataɗ! Ao, laa ag nug uɗa nak nau guittak ele dookkunu hekkulag dayeb amu, nug am aib uuom.

Mak 12:40

Ɗo mehuqak danab ag anam henana, ag ah qab hambuppualadna, ag laulkad yab aotteb. Ag yab awona, ahilag hipunin amu danab ah amelagppa lokkumkkulagnu ag unuqittak elab hetteb amunu, epeɗiak haenppa geha ag uug okkainab aoglag,” awa aum.

Luk 6:29

Am danab laa nug na hippen laih ob, na eɗun nob nau aib mettame. Iitta. Na eɗun hippen laih ele medakkut. Am danab laa nug ⌊na hettoɗiakppa meitta,⌋ lamen elab nahip aweb, na wagai aib meme. Iitta! Na lamen nakok elab nahip ele medakkut.

1 Korint 4:11

Yo, ig totol ig uɗat imu wan imuppa heutut, digma uɗie, gemu ele enug iqe, baanig qaɗaiedatte, beɗunig hautaknu lamen ele ena iitta daattem. Laa ag eppelag bitakkan beɗunig eheɗ oigtteb. Ig dayaknu aben ele iitta.

2 Korint 1:24

Ag ahilag ooppa genab doyakppa daatteb amunu, ig ahilag ooppa genab doyak gumagnignu ii hettem. Iitta. Ig ag maɗoɗppan gamag ahak dooglagnu ig ag ele, ig tamanit, uɗat hettem.

2 Korint 10:5

Ig a ona a doak nau kobol, amu kobol laa oh ele ag Kayak oɗe ii dim lamidtteb amu, ig kobol amu oh loppaɗttem. Amu ig dabmak oh maniguadta, dabmak oh amu Kristusnu dabmak aakkuib dim lamidkkunu hettem.

2 Korint 11:3

Amge da baɗattem. Mat nug lokkumakppa kobol kobol hekkunu doya auta awak kobol nuhigppa anukka Ewa bubuitte na qeum amu, amubia kobol anam laa ahilagppa ba eeɗatteb, ag oppiak kobolppa dayaknu ib apiɗidna, ag Kristusnuib daaglagnu daatteb ii dabmemananu ool baɗatte.

2 Korint 12:16

Nai amunu aakku elele, anam dayaɗ! Amge ag laala am dahilnu inam aon atteb. “Genab, nug ihinig keeke miag atiakppa amu ii aotte, amge nug nai ittag mattiak danab amunu, nug bubuittak kobol haaha, ig noonig yaaya eeɗigtte,” aon atteb.

Galesia 2:4

Nai imu beumnu diig am, ihinkad laa, ag gaɗalagib Kristen, ag qagmakppa ii uɗilob amge ag oqeqaɗak uɗin, ag lokkumakppa nai italak danab daanna, ag Kristus Jesus uhuqak mekke, ig qakkak iitta daattem anidkkulagnu hena, ag awigna, ɗo waappa begbeg maɗi nid daagnignu meigkkulagnu heppig.

Galesia 4:25

Hagar nug Arebianu qauko laa Sainai, nug amu ippunigtte, amu amuppa nug danab ag Jerusalem appa gemu daatteb, ag ɗo waappa begbeg maɗi nid daatteb, am amunu ippunigtte.

Galesia 4:3

Anambianab, digmakppanu uɗie, Kristus nug uɗia, uɗat naɗi nuhig ha malomppa batak, ig wan imuppan danab ah oh ig nid naunau daat, ig wan imuppan ɗo waappa begbeg maɗi nid daat oidmut.

Galesia 4:9

amge gemu ag Kayak dooppig (da Kayak Nug ag doyadtte alom am ena) amunu, aɗinu ag eɗun bittumttum gona, wan imuppan ɗonu hik aqeeqe, ag eɗun uɗat nob iitta, hamu begbeg maɗi nid uɗat hekkulagnu hetteb?

Galesia 5:1

Kristus Nug ig ɗonu maniguittak hippalikkakppanu uhuqikkom, ig uhuqak aot daattem, ig begbeg maɗi nid ii daattem amunu, ag ahan ɠagattag dayeg! Ag ɗonu maniguittakppa baula aib daappig.

Galesia 5:10

Da Naɗinu oolppa genab doottem, amubia Nug ag ehanatteb, geha ag nai da amelagppa attem imu dim lamidna, ag geha dabmak laa amu ii aɗaglagnu oolppa genab doottem. Amge danab auntai nug ag kaboliadkkunu hette amu, nug geha nuhig eheɗ haknu nob nau aokku.

Galesia 6:12

Danab laala ag onilag okkai ele daaglagnu hetteb, ag Galesia danab ag gaɗalag otaɗkkulagnu wagainab metteb ele amu, ag diig laippuppaib hetteb. Amuam inam. Ag danab laala ag Kristus ad emaitakppa ehanigkkunu mauhom oolagppa genab ii dootteb dabmenana, eheɗ hattamnanu gaɗa otaɗaknu nai amu huana maditteb.

Pilipai 3:19

Ag akka ag beɗulagnuib dabmetteb, amu dabmak amuam ahilag kayak aakku daatte. Ag uɗa nak keeke digdignu oolag gamag ahehe, ag wanppanu keekenuib dabmetteb. Danab amunu ag geha padal mak aoglag.

1 Tesalonaika 2:5

Ag dootteb, ig haen laippu laa oo eeɗaknu ittag nai laa ii mattimut. Ig uɗat hettem ele amu ig hetata, ahilag keeke lokkumta aognignu laa ele ii hemut. Kayak Nug anigtte ele amu, Nug ele amu madikkun elele.