2 Korint 11:10 - Nobonob Baibel

¹⁰ Da Kayak nai mehuqkkulnu heinne, tatam da danab ag dooglagnu daatteb ele amu ag men doɗo meɗaglagnu appi, ag men doɗo meɗaglagnu, “Yo,” appeg, da Kayak nai mehuqkkulnu ii hettem. Da kobol amu uumi, da Kayaknu nai danab ah hamu madakkulnu dabmein hettem. Genab da Kristusnu nai dahilppa daattenu genab doottem, amubia laa nug heeb, da kobol binag ele hettem amu, da uukkulnu elele iittanab doottem. Da prowins Akaia appa, wan atu amu ohppa da anam hekkulnunab daattem.

2 Korint 11:10 ပူးပေါင်းရင်းမြစ်များ

Aposel 18:12

Am Pol nug Korint dayaya, anam heum, amge dimppa Galio nug prowins Akaia dilag gawana dayeye, haen amuppa Juda ag oh qagmena, Pol kekeɗ mettan, aɗan aon hettoɗiak abenppa goppig.

Aposel 18:27

Aa ippunitteh, amu dimppa Apolos nug prowins onig Akaia appa gokkunu he, Epesusnu Kristen oh ag nug nai doyom amu awa ukka tuɗidkkunu dabmak nuhig amu ɠagattag qedappig. Aria, Epesusnu Kristen ag danab Akaia appa Kristen meppig ele, ag amu dilag uɗug yaak laa yaan, ag Apolos ag ele laippu dayaknu oolagppa eleleib dooglagnu yaan, ⌊Apolos awa gokkunu medappig⌋. Metteg, Apolos ukka Akaia te amu, danab ah Kayaknu ehanittak okkai hamu megatte amu aona, ag oolagppa genab dooppig ele amu, Apolos nug ag ɠagattag aqom.

Rom 1:9

Amu Kayak, da meul ohppa Nug waappa dayeye Nug oɗe dim lamittette, Nug Bekkanu Nai Ena mehuqttem amu, Nugnab da nai yaattem imuam genabib yaattem doya malom daatte amunu da iikku yaattem. Am inam.

Rom 16:5

Amu humittak dahil Kristen tamaniak aa laulahppa qagmetteb ele matteg! Amu ag humittak dahil Epainetus, da layalnab, nug ele metteg! Nug Asia prowinsppanu danab oh ag Jesusnu oolagppa dooppig amu, nug amunu danab tatam ooppa genab doyom.

Rom 9:1

Da Kristusnu dayeye, da nai imu genabib madittem. Da ham-ii-bubuttem. Kayak Ouɗi Nug da oolppan oiyak ippunittaknu ulum gumeme, amuppa ele da ham-ii-bubuttem doottem.

1 Korint 16:15

O lailad, ag Stepanas amu nug baekkudppanu ele, ag am prowins Akaia oolagppanu ag tatam Kristen bena, ag akka Kayaknu danab ah oppiaawak ele ehanadkkulagnu oolag daye, uɗat amu aoppig hetteb amu ag dootteb. Amu O lailad, da ag inam hekkulagnu ahilkad dabmak maɗedattem.

2 Korint 1:1

Da Pol amu, Kayak Nug nukka da totol danab meiɗe, da Kristus Jesusnu totol danab daattem. Da ig lainig Timoti ele i ad uɗug imu yaattep, amu i ag danab ah Kayaknu Kristen tamaniak Korint daatteb, ahilagnu amu Kayaknu danab ah oppiaawak ele oh prowins Akaia appa daatteb, amu oh dilagnu ele yaattep.

2 Korint 1:23

Da hambuppualadttem dayeb amu, aria Kayak Nug dahil hambuppuak amu heeb miag atikkunu ool daatte. Amge iitta. Da nai genabib inam attem. Da ag uug madakkulnu ool ii dayom amunu, da haen gamagppa ahilagppa golom bia, da Korint appa ii gomi.

2 Korint 10:15

Ig anam mehuqtata, ig uɗat danab laala heppig, danab laa nug ag ena heppig, o ag ena ii heppig akkunu elele iitta amu, ig attem heta, ig oninig humagnig. Iitta. Ig geha ag Korint, ag ahilag ooppa genab doyak ɠagattag beeb, ig ag oolagppa uɗat hettem amu ba, okkai tuɗitta elele daakkunu hettem.

2 Korint 11:12

Amge danab laala, ag akka onilagib humaglagnu oolag daatte amunu, ag danab amelagppaib mattin, kobol da hettem bianab ag hettebnu atteb, amge kobol amunu gaɗaib hetteb ele amu, da ahilag ib amu oo nekkulnu iikku uɗat heinne, da uɗat hettem bia anamib baubau hekkul.

2 Korint 11:31

Kayak, Naɗi Jesus Mameg, ig Nugib haen oh binag mekkunig amu, Nug dootte, da ham-ii-bubuttem.

2 Korint 12:19

Da ii doottem. Ag ihinignu, “Ag ig ahilagnu, ahilag haknu ele ena dooglagnu anam yaatteb,” dabmettebtai. Amge iitta. Ig Kristusnu daattem amunu, ig Kayak noobppa nai imu madittem. O lailad, gadonnab, da nai yaami imu oh amu ahilag ooppa genab doyak amu ɠagattag qedakkulnu yaami.

2 Korint 9:2

Aɗinu? Da ag uɗat amu hekkulagnu ag oolag geɗatte doottem amunu, da haen oh Makedonia danab noolagppa ag onilag hume, inam amelagppa attem. “Akaia danab Korint daatteb amu, ag maɗ tumai ukkomppa uɗat amu hekkulagnu bappaidppig.” Amu ag ehanittak uɗat imu hekkulagnu ɠagattag heegeg, Makedonia danab ag amu doona, kuɗumnab ag ele amu hekkulagnu oolag geɗatte.

Galesia 1:20

Nai imu gemu da ahilagnu yaattem amu, da Kayak noobppa nai genab attem, da ag ii buppualadttem.

Galesia 2:20

Da Kristus ele oh ad emaitakppa aihlop bia mauhmi amunu da gemu bau ii daattem. Iitta. Kristus Nug da oolppa bau daatte. Anam daatte amunu, dahil oiyak wan imuppa oh amu da Kayak Bekkanu oolppa genab doyeye oittem. Nug dahilnu oo mauhe amu dahilnu ele mauhom.

1 Tesalonaika 2:10

Ag Tesalonaika daatteb ag oh ihinig hak ag oolagppa hemut, ag anidna, ihinig aɗi heehe anttomnu mattiak danab daatteb; Kayak ele anam daatte. Ig ag oolagppa genab dooppig ele, ig ag oolagppa oitta, ig oppiaawak daatta, genab tutukku hak kobol hetata, oonigppa kaliak laa iitta ele oimut.

1 Tesalonaika 2:5

Ag dootteb, ig haen laippu laa oo eeɗaknu ittag nai laa ii mattimut. Ig uɗat hettem ele amu ig hetata, ahilag keeke lokkumta aognignu laa ele ii hemut. Kayak Nug anigtte ele amu, Nug ele amu madikkun elele.

1 Timoti 2:7

Diig amunu amu, Kayak Nug da nai mehuqak danab, totol danab ele meiɗom. Da nai yaattem imuam genabib yaattem, da ham-ii-bubuttem. Nug da iitta aɗi dilag, ag ele Jesusnu oolagppa genab dooglagnu, ippunittak danab meiɗom.