2 Korint 11:1 - Nobonob Baibel

¹ Ag da dabmeɗappeppeg, da nai hamu madikkulnu hettem imu amu, ag amu doobppeg, ag oolag ii nauhmanu ool daatte. Ag dooglagnuib dabmekkulag.

2 Korint 11:1 ပူးပေါင်းရင်းမြစ်များ

2 King 5:3

Nug anam dayaya, dimppa nid ahin amu nug nuhig okkai Naman wau amegppa aum. “Da oolppa amu, danab nahip nug propet Samaria daatte gumitta ukkeb, propet nug oɗe nuhig heeb, nug geha ena daakku doottem,” awa aum.

Namba 11:29

Josua anam aum, amge Moses nug nai nob ma aum. “Na aa da abenal aomyanu baɗattemte? Yawenu danab ah oh ag propet daaglagnu, Yawe Nug nuhig Ouɗi nuhikkud danab ah oh madakkunu ool daatte,” awa aum.

Matyu 17:17

Nug anam a amu, Jesus Nug oɗeppa awa aum. “Ag oh oolagppa genab doyak iitta. Ag eheɗ haknu ag tiilagppa daatte! Da ag ele haen elab daamut, amge ag dahilnu oolagppa genab ii dootteb amunu, da ool uug ele. Ag haen ganeb ag dahilnu oolagppa genab dooglag? Ag nid omalna dahilppa doig!” awa aum.

Aposel 18:14

Ag anam aeg, Pol nug ag nai appig amunu nug nob eɗua akkunu heehe, Galio nug aha, Juda amelagppa aum. “Danab imu nug ɗo laa tippallo o nug kobol nau laa helo amu, ag nug heum amu appeg, da nai amu dookkulnu ib ele.

Aposel 26:29

Nug anam a amu Pol nug aum. “Da haen elab madikkul o da haen tutu madikkul, amuam keeke okkai iitta. Keeke okkai amu na da daattem bia daakkut, amu da amunu Kayak unuqidttem. Na nakka iitta. Gemu danab laa imu oh ag dahil nai dootteb, ag ele anam daaglagnu unuqidttem. Sen imu aakkuib am ag aoglagnu da ool ii daatte,” awa aum.

1 Korint 1:21

Wan danab ag akka ag ahilag doyak dabmak ena eleppa Kayak mattin anidkkulagnu elele iitta; ag ahilag doyak dabmak ena eleppa amu hekkulagnu am ib iitta. Anam amge Kayak Nug danab ah eɗua diikkunu ib iikku babaittom. Ag ad emaitaknu Nai Ena ig mehuqttem amu doona, ag Kristusnu oolagppa genab dooglag amu, Kayak Nug eɗua diikku. Danab laa ag Nai Enanu, “Am dabmak tutukku iitta,” aon atteb.

1 Korint 3:18

Amge laa nug nugakka buppuidmanu dabmaɗ! Ag oolagppanu danab laa nug wannu haen imuppanu doyak dabmak ena okkai awom amunu nug, “Da am doyak dabmak ena ele danab,” dabmette dayeb, nug genab doyak dabmak ena ele danab ba daakkunu, nug wannu haen imuppan doyak dabmak ena ele oh qeeb naɗ!

1 Korint 4:10

Ig totol danab ig wan imuppan danab dilag neekkakppa, ig Kristus dim lamidttem amunu, ig am danab dabmak tutukku iitta ele, amge ag Korint danab ag ahilag dabmakppa, ag am Kristusnu daatteb, amuppa ag am danab doyak dabmak ena ele. Ig am danab ɠagattag iitta, ag am danab ɠagattag ele. Ig am binanig iitta, ag am binalag ele.

1 Korint 4:8

Ag Kayak nai elelenab aoppig daatteb bia dootteb, amge amuam genab iitta. Ag keeke laanu daɗek ii daatteb bia dootteb, amge amuam genab iitta. Ehanittak ihinig iittappa ag king bena daatteb dootteb, amge amuam genab iitta. Ag genab king daalob amu, ig ag ele oh king daalom amunu, da ag king daaglagnu ool daatte.

2 Korint 11:19

Ag Korint, ag akka ahilagnu ag am doyak dabmak ena ele dootteb, amge ag danab ag Kayak dab-ii-menana ii dim lamidtteb ele doyadna dabmattan daaegeg, danab amu ag Kayak dab-ii-menana ii dim lamidtteb ele amu ag nai tutukku iitta aakku madatteb!

2 Korint 11:21

Genab, ig am kobol danab amu ag hetteb bia ahilagppa laa iinab hemut amunu da, “Ig eheɗ hemut,” ii apa. Amge danab laa nug ɠagattag ma, nukka nuhigppa aɗi keeke onig humak medatte, nug amunu maditte amu, dahilppa ele anam daatte; da ele amunu madikkulnu elele. Gemu amu da dahil nai mattiak am danab nug Kayak dab-ii-maama ii dim lamidtte elenu nai mattiak bia madittem.

2 Korint 11:4

Aɗinu? Danab laala ag gumadna gona, Jesusnu nai kabolinna, ahilag dabmakppa nai ag amelagppa mehuqeg, ag aotteb. Jesusnu nai amu, da Jesusnu nai mehuqttem ele amu, aa laippu iitta, am laa. O iitta danab amu ag ouɗi laanu mehuqeg, ag aotteb. Nug am Kayak Ouɗi, ag anukka aoppig ele amu, Nug iitta, am laa. Amu ag nai diig laa mehuqeg, ag aotteb. Nai amuam Nai Ena, ag matu aoppig ele amu iitta, am laa. Danab ag kobol amu ag oolagppa hetteb ele, ag Korint danab ag agib dabmettan daanna, oolag hette.

2 Korint 12:11

Da nai madittem imuam danab nug Kayak dab-ii-maama ii dim lamidttenu nai bia, amge ag akka da nai imu inam madikkulnu duttuniɗeg, da madittem. Aɗinu? Ag dahilnu, “Nug ena hette,” pasppa yaaglagnu am aib iitta, amu kobol elele, ag helob am ena, amge ag anam ii heppig. Genab, da amu keeke hamu, amge da gaɗalagib totol danab ahilkad amu ag waalagppa ii daattem.

2 Korint 5:13

Ig Jesusnu oonigppa genab dootta, kobol laala, wanppan danab ag amunu, “Kaaka kobol,” aon atteb ele amu, ig amu hettem dayeb amu, ig Kayaknu dabmetata hettem. O iitta ig nai unuqag, doyak ena eleppa nai madittem dayeb amu, ig ag ehandadkkunignu hettem.

Hibru 5:2

Nug ele hipunin hekkunu eeɗak aotte amunu, nug danab ag ootot daatteb, ag ib apiɗidtteb ele amu, nug oo bodoettakppa atognoadkkunu elele daatte.

Josua 7:7

Ag anam daan amu, Josua nug unuqitta aum. “O Naɗi Yawe, Amo danab ag ig iqaglag dayeb amu, diig aɗinu na ig omaigna, Jodan le mataɗna laih imuppa uɗime? Ig le laih uppa daalomlob, amuam ena. Ig ippa uɗipput, ag ig eɗigkkulag am ena iitta.