2 Korint 10:12 - Nobonob Baibel

¹² Laa amu, ag oolagppa laala ag, “Ig am danab enanag,” aon atteb ele amu, ig amu dilag melemel amu aot, ig beɗunigppa meta doognignu elele iinab anidta dabmettem. Aria ig ahilag kobol ele aot, ihinig kobol melemel amuppa ii hettoɗittem. Iitta. Danab amu ag akka akka beɗulagppa doonna, ag akka ag epeɗiadtteb. Am danab amu ag ahilag kobolnu amu ag akka ahilag kobolib anidna, ahilag kobol melemel amuppa epeɗidtteb. Danab amu ag am doyak dabmak ena ele iitta.

2 Korint 10:12 ပူးပေါင်းရင်းမြစ်များ

Job 12:2

“Ag akka, ag doyak dabmak ena ele aɗan oittebnu iite dabmena oitteb? Ao anam amunu, ag mauhkkulag amu, doyak dabmak ena ele am haen amuppa ele iitta mekkunu iite dabmettem.

Prowerb 25:27

Uppuh leppu huana lanaknu am ena iitta; amubia danab nug nukka laa ag nug binag mekkulagnu eeɗadkku am ena iitta.

Prowerb 26:12

Danab nug Kayak dab-ii-maama ii dim lamidtte amu, amuam nau, amge laa nug nuhignu nug baolia, ena bekkunu dabmak aɗa oikkunu elele; amge danab nug nukka nuhignu, “Da doyak dabmak ena ele aɗe oittem,” anam dabmette amu, amuam kobol naunab, laa nug nuhignu nug baolia, ena bekkunu dabmak aɗa oikkunu am uug ele.

Prowerb 27:2

Na aib na nakka binan humame; uuppe, laa nug na humittaɗ! Na uuppe, laa nug na humittaɗ; nakka nakka iitta!

Luk 18:11

Amu ɗo gumak danab-Parasia nug hibaitta, attan neekka dayaya, nukka nuhignu unuqitta aum. ‘Kayak, da am danab laala oh bia iitta. Ag am yab danab, eheɗ hak danab, am ewau pakkua gappai hak danab ele. Da am anam iitta, takis awak danab imu hette bia ele iitta amunu, da na amenppa, “Ena heme,” attem.

Rom 15:18

Da keeke laalanu ii madipa. Iitta. Da keeke laippunuib madikkul. Amuam Kristus Nug ehaniɗa, dahil naippa, dahil uɗatppa ele Nug he, iitta aɗi ⌊kuɗum⌋ ag aakku Kayak oɗe dim lamidppig.

2 Korint 10:11

Am danab nai anam maditteb ele ag tutukku dabmena anidna, inam doyeg! Haen ig piɗe daatta, uɗugppa ahilagnu yaattem am ig ahilagppa gopput, ag ele oh daata amu, ig kobol uɗugppa yaamut amu aakkuib ig ag oolagppa ele hekkunig.

2 Korint 10:18

Danab nug nukka nuhignu, “Da uɗat amu hekkulnu ena, elele daattem,” atte, amuam keeke hamu, amge danab Naɗi Nug nuhignu, “Nug uɗat amu hekkunu ena, elele daatte,” atte, amuam meu ele.

2 Korint 3:1

⌊Laa atteb bia⌋ nai imuppa ig baula digmeta, uɗat imu haknu ena dooigkkulagnu hettemte? O iitta, ag Korint danab ag ig uɗat imu haknu ena dooigkkulagnu, danab laala hetteb amubia, danab laa ag ihinignu ad uɗug laa yaappeg mattagnigte? O iitta ag Korint ag ihinignu ad uɗug amubia laa yaaglagte? Amu oh iitta!

2 Korint 5:12

Nai amuppa amu, ag ig uɗat imu haknu ena dooigkkulagnu ii hettem. Iitta. Ig ag ihinignu maɗoɗppan gamag ahak doon, ag danab ag dimittimnu keeke aakkuib, danab ag amu anidkkulagnu elele, ag amunu anuqak doon binag metteb, amge ag ooppan keeke, danab ag amu anidkkulagnu elele iitta, ag amunu anuqak ii doon binag ii metteb ele noob mekkulagnu elele daaglagnu nai imu yaattem.