2 Korint 1:19 - Nobonob Baibel

¹⁹ Aɗinu? Silas, Timoti amu da ele ig ag oolagppa nai mehuqmut amu, nai amuam Kayak Bekka, Jesus Kristusnu nai. Amu Kristus Nug “ao” amu “iitta” ele ii ouaqatom. Iitta. Kristus Nug aɗi atte am genabib atte.

2 Korint 1:19 ပူးပေါင်းရင်းမြစ်များ

Sam 2:7

Amu king amu, Yawe tituana, Sion appa meum ele, nug atte. “Da ɗo laa Yawe meum daatte amu, da amunu appi dooglag. Nug da amelppa inam aum. ‘Na am da Bekkal; gemu amu, da na Mamen bemi daattem.

Eksodas 3:14

Moses nug anam a amu, Kayak Nug oɗeppa awa aum. “Laa hanhan daatte, am daib. Da anam daattem amunu, na Israel danab ah amelagppa, ‘Laa Nug, “Da Daattem,” atte amu, Nug da meiɗe, ag gumatte uɗimi.’ Na anam aon a!” awa aum.

Matyu 17:5

Nug anam mattieye, lombig hakkab amemɗia awak ele tonattette, lombig ooppanu baag laa inam a dooppig. “Imuam da Bekkal, da nuhignu ool mauhtte. Da nuhignu enanag doottem. Ag nuhig nai doyeg!” awa aum.

Matyu 24:35

Hab wan ele am iitta mekkulah, amge nai dahil am iitta iinab mema.

Matyu 27:40

“Na, na am Kayaknu mettid lag loppaɗna, eɗun deɗ ewamppaib hekkutnu ame amu, na Kayak Bekka daattem dayeb, na nakka na ehanidna, na beɗun uhuqna, na ad emaitakppanu nee!” aon appig.

Matyu 27:54

Amu ban daup 100 dilag ikki nug, amu daup laa ag nug ele daanna Jesus guman daappig, ag mim ne, keeke laala oh ele beeg anidna, baɗak eheɗ nau doon appig. “Genab, danab imu Nug Kayak Bekka!” aon appig.

Matyu 3:17

Kayak Ouɗi anam ne amu, baag laa hab aabppanu aum. “Imuam da bekkal, da nuhignu ool mauhtte. Nuhignu ele da oolppa enanag doottem,” ewa aum.

Matyu 4:3

Enug qeeqe amu, eheɗ haknu oo eeɗak danab nuhigppa beum. Ba amu nug aum. “Na Kayak Bekka daattem dayeb amu na appe, men imu eɗua bret baɗ!” awa aum.

Mak 1:1

Kayak Bekka Jesus Kristusnu Nai Ena am inam niitte.

Luk 1:35

Anam a amu, engel nug oɗeppa awa aum. “Geha Kayak Ouɗi nahip-ppa uɗieb, Kayak Attannab Laa Oh Eɗattak, nuhig ɠagattag na tonidkku amunu, na nid oppiaawak ele menukkut amu, ag nuhignu, ‘Kayak Bekka,’ aona akkulag.

Jon 1:34

Da Jesusnu amu beum anidmi, amu da nuhignu da iikku attem, Nug am Kayak Bekka.” Jon anam aum.

Jon 1:49

Jesus anam a amu, Nataniel oɗeppa awa aum. “Ippunittak danab, na am Kayak Bekka, na Israel dilag king,” awa aum.

Jon 19:7

Pailat anam a amu ag appig. “Ig ɗo ele, amu ihinig ɗoppa amu Nug mauhkkuoitte. Aɗinu? Nug, ‘Da am Kayak Bekka,’ aum,” aon appig.

Jon 20:28

Nug anam a amu, Tomas oɗeppa awa aum. “Na dahil Naɗi! Na dahil Kayak!” awa aum.

Jon 20:31

Amge yaak imu daatte amu, ⌊ag ebqetteb ele,⌋ ag ebqenana, ag Jesus, Nug am Kristus, Kayak Bekka daatte, ag amu doona, oolagppa genab dooglagnu daatte. Amu yaak imu daatte amu, yaak amuam ag Jesusnu ooppa genab doyakppa ag bauklel hanhannu aotteb oolagppa genab dooglagnu ele daatte.

Jon 3:16

Kayak Nug wanppan danab ah dilagnu oo huana mauhom amunu, Nug Bekka laippunab me uɗiom. Nug me uɗiom amunu, aun nug nuhignu ooppa genab dootte ele, nug padal ii mema. Iitta! Nug bauklel hanhannu aokku.

Jon 6:69

Ig na dooidta, oonigppa genab ele doottem; na aakkuib am Kayak Bekka Oppiaawak Ele,” awa aum.

Jon 8:58

Anam aeg, Jesus ag oɗelagppa awa aum. “Da genabnab genab ag amelagppa attem. Abraham ii dayom haenppa da daami, gemu daattem, butti aɗi daakkul,” awa aum.

Aposel 15:22

Jems nug nai amu a amu, totol danab amu ikki danab amu Kristen tamaniak oh ele ag nai amu bappaidna, ag danab aɗit otiatppeg, aa Pol, Barnabas ele oh Antiok gokkulagnu dabmeppig. Ag anam dabmewona, ag Judas, onig laa Barsabas, amu Silas ele, danab aɗit amu aa tamaniak ooppa anuqak daapiɗ ele, aa otiatona,

Aposel 16:1

Pol, Silas ele aa Derbe teya amu aa goya, Listra tepiɗ. Aab amuppa Kristen danab laippu laa dayom, nug onig Timoti. Nug Juda ah laa, Jesusnu ooppa genab doyom ele, nug nug bekka, mameg amu Grik danab.

Aposel 18:5

Am Pol nug anam heehe, dimppa Silas, Timoti ele aa ahai, Makedonia uuya neeh, Pol nug uɗat laa heum amu uua, nug Kayak naiib deɗ oh mehuqom. Nug Juda danab amelagppa, “Jesus Nug am Kristus,” mattia aum.

Aposel 8:36

Aa anam heyaya goya goya, le laa anidya, danab amu nug Pilip amegppa aum. “Antte! Le iikku. Aɗi keeke laa da layattak ii aopanu da qakkiɗtte?” awa aum.

Aposel 9:20

Saul ag ele, ag appa daanna nug ameg mak ii heum. Iitta. Nug ukka, Juda dilag nai doyak lag laalappa noa, nug Jesusnu nai mehuqa, amelagppa inam aum. “Jesus Nug Kayak Bekka,” awa aum.

2 Korint 1:1

Da Pol amu, Kayak Nug nukka da totol danab meiɗe, da Kristus Jesusnu totol danab daattem. Da ig lainig Timoti ele i ad uɗug imu yaattep, amu i ag danab ah Kayaknu Kristen tamaniak Korint daatteb, ahilagnu amu Kayaknu danab ah oppiaawak ele oh prowins Akaia appa daatteb, amu oh dilagnu ele yaattep.

1 Tesalonaika 1:1

Da Pol, Silas, Timoti ele ig nai imu Tesalonaika tamaniak, ag Mame Kayak, am ihinig Naɗi Jesus Kristus ele ouqak daatteb amu, ig ahilagnu iikku yaattem. Kayaknu ehanittak okkai hamu mettak, amu nuhig maɗoɗ ele ahilagppa daaglahnu oonig daatte.

2 Tesalonaika 1:1

Pol, Silas, Timoti ele ig nai imu Tesalonaika tamaniak ahilagnu iikku yaattem. Ag ig Mamenig Kayak, amu ihinig Naɗi Jesus Kristus ele dilah danab ah daatteb.

1 Timoti 3:16

Genab, ig Kristen tamaniakppa daattem, ig doyak laa aɗattem, amu doyak amuam lokkumak dayeye, gehaib miag atiom. Doyak amuam unuqagnab ele daatte. Doyak amuam inam. Jesus Nug danab beɗu awa, miag atia beum. Kayak Ouɗi Nug ig Nug tutukkunab ippunikke, engel ag Nug ele anidppig. Nuhig nainu mehuqak am wanppan ɗo maɗoɗppa ukke, wanppanu danab ah ag oolagppa genab dooppig. Kayak he, Nug hab aabppa teum.

Hibru 1:11

Na hatame, amge aa iitta mekkulah. Aa am iitta mekkulah, amge na hanhan daakkutib. Aa geha lamen alag mette bia, alag meya, iitta mekkulah.

Hibru 13:8

Amu Jesus Kristus Nug attem daatte amu, Nug tumai, gemu, hanhan ele anamib daatte.

1 Pita 5:12

Amu da Silas, da nug am ig lainig, nug oo metta ii uuak kobol dim lamidtte doottem amu, da nuhig ehanittakppa da nai tutu imu ahilagnu yaami. Ad uɗug imunu amu, da ag ɠagattag aqakkulnu, da ag nai da yaami am Kayaknu ehanittak okkai hamu mettak genab ippuanadtte, da amu ele ippuanadkkulnu aakku yaami. Ag aguppa ɠagattag dayeg!

2 Pita 1:17

Haen Mame Kayak Nug Jesus binag huma, binag amahlak oppiaawak ele hab aabppanu mettom amu, ig doomut. Kayak Nug inam aum. “Imuam da Bekkal, da nuhignu ool mauhtte. Da nuhignu enanag doottem,” awa aum.

1 Jon 1:3

Ag uɗug imu ebqetteb ele amu, ag ig ele oh oonig laippu ele nug dootta daagnignu, ig aɗi anidta doomut ele amu, ig ag amelagppa iikku attem. Aria, oo laippu ele nug doya dayak ihinig amu, amuam Mame Kayak, amu Nug bekka Jesus Kristus ele, aa ig ele oh amuppa daattem.

1 Jon 5:20

Ao ig ele doottem, Kayak Bekka Nug uɗia, ig Mame genab, Nug doognignu diignu doyak tutukku mekkom. Amu laa, Kayak Nug am genab diig, amu ig nuhigppa daattem, amu ig Nug Bekka Jesus Kristus, nuhigppa ele daattem. Kayak Nug am Kayak genab, Nug bauklel hanhannu diig ele.

2 Jon 1:9

Am aun laa nug Kristusnu ippunittakppaib ii daatte, nug nukka nuhig dabmakppa, dabmak hambuppuak laala ele tuɗidtte amu, nug Kayak ele laippu ii daattep. Am aun laa nug Kristusnu ippunittakppa daatte amu, nug Mame amu Nug Bekka ele oh laippu daatteb.

Revelesen 1:11

Baag amu nug inam aum. “Na keeke oh anidna amu, na buk itoɗiakppa yona meppe, Kristen tamaniak eblaih aɗit ele onilag Epesus, Smerna, Pergamum, Taiataira, Sardis, Piladelpia amu Laodisia ele, ahilagppa ukkaɗ!” awa aum.

Revelesen 1:17

Da Nug anam anttena, mauhak bia Nug baegppa nein qemi. Amge Nug eppeg naɗiap da qaɗelppa ma dayeye, Nug da amelppa aum. “Na aib baɗame. Da hanhan daattem; anuqakppa, batakppa ele da daattem.

Revelesen 1:8

Naɗi Kayak Nug inam atte. “Da haen oh daattem; da gemu daattem, anukka daami, dimppa uɗikkulnu ele daattem. Da Dakka Ɠagattag Oh Ele,” awa atte.

Revelesen 2:18

Nug anam ana, Nug nai tuɗitta aum. “Na nai da attem imu Taiataira Kristen tamaniaknu ikki danab, nuhignu inam ye! Nai imuam Kayak Bekkanu uɗitte, Nug ameg aab diditte bia, Nug baeg amu bras bia amahaltte.