2 Korint 1:17 - Nobonob Baibel

¹⁷ Da anam hekkulnu ool maittom, amge anam ii beum amunu, da oɗelppa nai eɗuak eɗuak hamu madittemte? O da nai keeke hekkulnu attem amu da hamu naiibtai, wanppan danab nai atteb amubia amu da, “Ao,” o “Iitta,” hamu madittemte? Anam iittanab. Da nai oh genabib attem.

2 Korint 1:17 ပူးပေါင်းရင်းမြစ်များ

Jeremaia 23:32

Genab, da propet hambuppuak, ag akka tulegleg hambuppuakppa keeke anidna, dimppa aɗi bekkunu nai maditteb, da amu dilag haknu eheɗ doyeye ool ii madattem. Ag tulegleg hambuppuak anidna, danab ah amelagppa mattinna, nai amuppa ag danab ah omalatteg, ib eheɗppa gotteb. Ag hambuppuak nau amu maditteb, amge da maadppi gokkulagnu onilagppa ii emi. Da ag amu hekkulagnu ii tituanadmi. Ag eheɗ heegeg, Juda danab ah ag ehanittak nakok laa iinab aotteb.” Yawe Nug anam awa atte.

Sepanaia 3:4

Propet danab Jerusalem daatteb ele ag am beɗuppa tak danab daatteb. Ao, ag hambuppuak kobolppa keeke ag oolag hette ele, ag amu aotteb. Mana mettak danab Jerusalemnu ag kobol eheɗ heegeg, Kayaknu mettid lag, nuhig neekkakppa am dubuttid teum daatte. Ge, ag hambuppunna, Kayaknu ɗo inam inam ippunigtte atteb, amge Kayaknu ɗo anam ii ippunigtte.

Matyu 1:19

Daye amu Maria gamu Josep nug am genab tutukku hak danab, ⌊oo doyak ele⌋ amunu, nug heeb, danab ah dilag neekkakppa Maria uɗa nak guittak ele dookkunu uua, nug lokkumakppa Maria uukkunu dabmeum.

Matyu 5:37

Ag, ‘Yo,’ akkulagnu dayeb amu, ‘Yo,’ akkulag. Am aakku elele. Aria, ag ‘Iitta,’ akkulagnu dayeb am, ‘Iitta,’ akkulag. Am aakku elele. Ag nai baula ele tuɗidna maditteb dayeb amu, amuam Satan he bette.

Jon 8:15

Ag amu wannu kobolppa danabnu hak epeɗitteb. Da am epeɗiak uɗat laa ii hettem.

2 Korint 1:12

Aria, ig keeke laanu maɗoɗppan gamag ahak doottem. Ihinig ooppan oiyak ippunittaknu ulum am keeke amuam genab ippunigtte. Keeke amuam inam. Ig wanppa oimut, gemu ele oittem amu, ig Kayaknu oppiaawak kobol amu nuhig hambuppuak iitta kobol ele aot oimut. Ig danab dabmakppa ii hemut. Iitta. Ig Kayaknu ehanittak okkai hamu megatte, ig amuppa hetata amu, ig ag Korint daatteb oolagppa huana hemut.

2 Korint 11:18

Danab kuɗum ag wan kobol dim lamidna, ag akka onilag humatteb, amubia ⌊da ag Korint danab, ag nai tutukku, da ag amelagppa ami ele, ag amunu oolagppa genab dooglagnu,⌋ da ele laa ag hetteb bia, da ele nai mattien, onil humak nai bia madikkul.

Galesia 1:16

Nug da Nug Bekkanu Nai Ena iitta aɗi amelagppa mehuqkkulnu Nug Bekka da ippuniɗom, amge da haen amuppa aɗi nai mehuqkkulnu danab laala ele nai ii mattimut.

Galesia 2:2

Kayak Nug da ippuniɗe, da aakku gomi. Da inam dabmemi. “Da ⌊Jerusalem tamaniak⌋ anuqak danab amelagppa, da iitta aɗi oolagppa Nai Ena mehuqttem amu da amunu ii akkul amu, uɗat da gemu hettem imu, uɗat tatam hemi ele amu, uɗat amu oh hamu ukka qettoɗkkutai.” Da anam dabmemi amunu, da ukkai, anuqak danab amu appa daappig ele, da ag akka aakkuib ele daatta, da amu ippunadmi.

1 Tesalonaika 2:18

Amunu amu ig ag gumadta gokkunignu hemut. Da Pol, da dakka, da ib mein mein anidmi, amge Satan nug ihinig ib oo neum.

Jems 5:12

Amge O lailad, anuqak amu ag inam hekkulag. Ag aib hab onig o iitta wan onig, o iitta keeke laa onig diina, ahilag nai, nai amuppa ɠagattag qedappig. Iitta. Ag “Iitta,” akkulagnu dayeb am, “Iitta,” akkulag. Am aakku elele. Aria ag, “Yo,” akkulagnu dayeb amu, “Yo,” akkulag. Am aakku elele. Am ag keeke laa onig diin, ag ahilag nai ɠagattag qettan akkulag amu, Kayak Nug geha ag epeɗiatta, nob nau madakku.

Ikki Danab 9:4

Ag Abimelek ahilag gumak danab daakkunu maittona, ag 800 gram silwa Balberit laugppanu aon medappig. Mettaeg, nug silwa amu danab ag aɗi uug bekku am ii dabmeppig, keeke hakib heppig amu, nug ag nug ehanidkkulagnu matte, ag nug dim lamidppig.