2 King 9:3 - Nobonob Baibel

³ na hinai nakok amu aon, olip goɗen amu Jehu igippa gokkaɗona, na inam amegppa akkut. ‘Yawe Nug atte. Da na Israel dilag king bekkutnu goɗen gokkaɗakppa tituanidttem, awa atte.’ Aria, na amu hewona, na aib daame. Na od matulna bena, qaiqaɗ ukke!” awa aum.

2 King 9:3 ပူးပေါင်းရင်းမြစ်များ

1 King 1:34

Nona, appa mana mettak danab Sadok, am propet Natan ele aa Solomon nug Israel dilag king daakkunu goɗen gokkaɗakppa tituaneɗ! Aa amu hepeɗ amu, ag trampet iwalnana, ag baalag okkaippa ekkulag. ‘Solomon nug king haen elab dayaɗ!’ Ag anam aon eig!

1 King 19:16

Yawe Nug anam anana amu, Nug nai tuɗitta aum. “Na nug goɗen gokkaɗakppa tituanona, na Nimsi bekka Jehu, nug Israel dilag king daakkunu goɗen gokkaɗakppa tituane! Na nug goɗen gokkaɗakppa tituanona amu, na Sapat bekka Elisa, nug am Abel Mehola ted, nug na abenam awa, propet daakkunu, na nug goɗen gokkaɗakppa tituankkut.

2 King 8:13

Elisa nug nai amu mattie, Hasael doya, nug Elisa nai mattiom amu nob ma, inam oɗ meum. “Da, nahip maɗi nid, da qai laabia aakkuib amunu, da attem hein, keeke naɗi amu da anam hekkul,” oɗ meum. Oɗ me amu, Elisa nug amegppa aum. “Yawe Nug keeke imu da ippuniɗom; na geha Aram dilag king bekkut,” awa aum.

2 King 9:6

Propet nug anam a, Jehu nug ahe, aa lag ooppa noya, propet nug olip goɗen amu awa, Jehu igippa gokkaɗowa, nug Jehu amegppa aum. “Yawe, Israel dilag Kayak, Nug atte. ‘Gemu da na Israel dilag king bekkutnu goɗen gokkaɗakppa tituanidttem. Na geha dahilad danab ah Israel gumadkkut.

2 Stori 22:7

Amu Ahasia nug Joram anidkkunu ukkom, ib amuppa Kayak Nug he, Ahasia nug na qeum. Ahasia nug Jesril appa te, Joram ele daaeheh, Nimsi bekka Jehu, Yawe Nug nug Ahap buɗub heeb iitta mekkulagnu goɗen gokkaɗakppa tituanom amu, nug uɗieye, Joram, Ahasia ele aa nug uɗa tekkulahnu nug gumidya gopiɗ.

Eksodas 29:7

Na qakkona, na laittaknu goɗen aon, na goɗen gokkaɗakppa tituanidnana, nug mana mettak danab daakkunu goɗen igippa gokkaɗkkut.

Daniel 2:1

Aria Nebukatnesar king abenab awe, maɗ laippu uue, maɗ aɗit ooppa Nebukatnesar nug tul niiom. Nug tul niia, aha, dabmak huanaknab awa, eɗua niikkunu elele iitta.

Daniel 4:35

Danab ah wanppa daatteb ag Nug bia iitta. Ag Nug ele ouaqattak daalob, am danab ah ag ii daalob bia daalob. Nug habppan ɠagattag oh, wanppan danab ah ele gumattette, ag Nug waappa daatteb, Nug ag aɗi hekkulagnu dabmette amu, Nug he, ag hetteb. Kayak Nug aɗi hekkunu dabmette amu, laa nug heeb, ii hemanu elele iitta. Laa aitta, Nug amegppa, ‘Aɗinu na anam heme?’ akkunu elelete? Iitta!

Daniel 5:18

O king, Kayak Attannab Laa Oh Eɗadtte amu, Nug na mamen Nebukatnesar king abenab metta, ɠagattag, binag amahlak oppiaawak ele, aria ɠagattag okkai naɗi ele nug mettom.

Lewitikas 8:12

Anam hewowa, amu nug Aron, nug Yawenu tituana mettak daakkunu, nug laittaknu goɗen laa awa, Aron mana mettak danab daakkunu goɗen gokkaɗakppa tituanom.

Matyu 10:16

Doyeg, da ag maatti, ag sipsip wulp oolagppa gotteb bia gotteb amunu, ag dabmak tutukkunab aona, keeke heig! Amu ele ag keeke oh qinonob henana, kobol nau laa hekkulagnu aib dabmeppig.

Matyu 2:13

Ag ukkaeg, Naɗinu engel tulppa Josep amegppa aum. “Na ahan, nid nakok anig ele diiatna, oolna Isip wanppa gona, appa daappe, da na eɗun uɗikkutnu appi doona uɗikkut. Aɗinu? Haen nakokib ukkeb, Herot nug nid nakok mattia antta qekkunu hekku,” awa aum.

Matyu 26:7

ah laa nug men id enanag, leppu muttuɗig enanag, nob okkainab ele inak amu awa, Jesus gumitta uɗiom. Awa uɗia, Jesus Nug balalppa ee lanan dayeye, nug leppu amu Jesus igippa gokkaɗom.

1 Samuel 10:1

Maɗi nid nug anuqa ukke, Samuel nug id nakok goɗen inak ele awa, goɗen gokkaɗe, Saul igippa no, Samuel nug Saul ootuqitta aum. “Yawe Nug na, na nuhikkudnab danab ah gumadkkutnu iikku iite goɗen gokkaɗakppa tituanittom.

1 Samuel 15:1

Amu Samuel nug Saul amegppa aum. “Yawe he, da na Israel, ag am Yawenu danab ah amu, da na ahilag king daakkutnu goɗen gokkaɗakppa tituanidmi amunu, na Yawenu nai doye!

1 Samuel 15:17

Saul a, Samuel nug aum. “Anukka na nakka na nahipnu amu, na am danab okkai iitta doome, amge na Israel dilag okkai beme. Ao, Yawe Nug na Israel dilag king daakkutnu goɗen gokkaɗakppa tituanittom.

1 Samuel 16:2

Yawe Nug Samuel amegppa aum, amge Samuel nug eɗua aum. “Da ukken, amu heppi, Saul nug amu doya, nug da iweb mauhkkul.” Samuel nug anam a amu, Yawe Nug Samuel amegppa aum. “Na makau balat laa aon ele goppe, laa nug na oɗ metta, ‘Na aɗinu Betlehem uɗime?’ aab amu, aria na inam akkut, ‘Da Yawenu mana mettak laa hekkulnu uɗimi,’ akkut.

1 Samuel 9:16

“Dahilad danab ah ag Pilistia waalagppa daan gaaegeg doottem amunu, butti, haen inamppa amu, da heppi, danab laa nug na gumitta uɗikku; nug am Benyamin ted, nug appanu uɗikku. Nug uɗieb amu, nug Israel danab ah dilag king daakkunu na nug goɗen gokkaɗakppa tituane! Nug dahilad danab ah Pilistia waalagppa daamnanu, ag ehanadkku,” awa aum.