2 King 8:9 - Nobonob Baibel

⁹ Aakku Hasael nug Damaskusnu keeke ena ena digdig, Elisanu daakkunu hamu medakkunu awom. Keeke amu kamel 40 maoglagnu elele; nug keeke amu kamelppa ma awa, Elisa toppa ukkom. Ukka ta, nug Elisa amegppa inam aum. “Aram dilag king Benhadat, maɗi nid nahip, nug he, da na gumitte, nuhig oɗmak medakkulnu uɗimi. Oɗmak nuhig am, ‘Da dahil oɗe imu iitta meeb, ena daakkulte?’ Da amu na oɗ medakkulnu uɗimi,” awa aum.

2 King 8:9 ပူးပေါင်းရင်းမြစ်များ

1 King 14:3

Na bret eblaih laih ele aon, am bret batappatak laala ele aon, uppuh leppu botol laippu ele aon gona mettona, na ihinih nid, nuhig oɗe imunu oɗ mette! Oɗ medappe, geha nug nid imunu attem bekku amu, nug na amenppa akku,” awa aum.

1 King 15:18

Anam daaegeg, Asa nug Yawenu mettid lagnu en maknu oo anen anenppa, kingnu lag enanagnab, appanu en maknu oo anen anen eleppa silwa, gol, o men doɗo daatte amu, nug amu oh awa, nuhikkud ehanittak anuqak danab matte, ag aon, Aram dilag king Benhadat, Damaskus dayom, ag nug mettaglagnu Damaskus goppig. Benhadat mameg amu Taprimon, nug alag am Hesion.

1 King 19:15

Elaiya nug anam a, Yawe Nug nob ma aum. “Na ahan, ib na aon uɗime ele amu, na ib amuppaib eɗun ukke! Na gona, Damaskusnu Atu Taɗak, na amuppa gona, appa na danab laa onig Hasael, nug Aram dilag king daakkunu na nug goɗen gokkaɗakppa tituane!” awa aum.

2 King 1:2

Amu deɗ laappa Samaria appa King Ahasia nug laug oo attan amuppa ta dayom. Dayaya, nug gililppa ulah ibuppa daya, ad naunau, keeke laa oɗe amuppanu na qemanu lo akkak bia oɗe amuppa daappig amu, keeke amu qiie, nug attannu na qa ukka wanppa noa o, beɗu guittak awom. Anam amunu, nug eɗua ena daakkutai, o iittatai, amu dabmaama dookkunu, nug danab laala maatte, Pilistia wanppa Ekron aabppa gokkulagnu onilagppa eppig. Nug e uɗin daaegeg, nug amelagppa aum. “Ag gona, Ekron dilag kayak Balsebup, da eɗuen ena daakkulte amu oɗ metteg!” awa aum. Nug anam ana, nug he goppig.

2 King 13:14

Haen Jehoas nug Israel dilag king ba dayeye, haen amuppa Elisa nug oɗe okkai awa dayeye, Israel dilag king Jehoas nug anidkkunu ukka, mahitta gayaya inam aum. “Mama dahil, mama dahil. Na Israel dilag ehanittak danab ɠagattag. Na Israel dilag daup ag bannu karis attan daan, ban hetteb, daup ag hos attan daan, ban hetteb ele, na amubia daattem,” awa aum.

2 King 16:7

Amu King Ahas nug danab laala maatte, Asiria dilag king Tiklat Pileser gumidna gona, amegppa inam appig. “Da King Ahas, da nahip maɗi nid, am nahip ehanittak ele daattem. Aram dilag king, am Israel dilag king ele aa gemu da banel uɗipiɗ iuttep. Amunu na uɗin, ig ehanigna, aa ele ban heppe, geha ig qagaiettak ii aomtanu ool daatte,” awa aum.

2 King 5:13

Ukkom, amge Namannu maɗi nid ag gumidna doeg, nai mattin, ag nug amegppa appig. “O ihinig danab okkai, propet amu nug na keeke laa uɗat okkai ele hekkutnu amenppa alo amu, ig doottem, na helom. Amge nug na keeke anam haknu laa ii mattiom. Iitta! Nug na amenppa tutukku le laappe, nahip oɗe amu iitta mekkunu aum. Amunu na nuhig nai, ‘Na le laan, ena bekkut amu, na amu dim lamidkkut amu enaib,’ ” aon appig.

2 King 5:5

Nug king amegppa a, aria king nug inam Naman amegppa aum. “Na gokkut am enanag. Da geha Israel dilag kingnu uɗug laa ye medappi, na uɗug amu aon gona medakkut,” awa aum. King nug anam anana, uɗug amu ya, Naman mette, aakku Naman nug aha, 340 kilogram silwa awa, 70 kilogram gol awa, nug lamen 10 ele awa aha, Samaria ukkom.

2 King 6:21

Ag anam gona, Samaria tena daaegeg, haen Israel dilag king nug Aram ban danab amu anatta, nug Elisa inam oɗ mettom. “O dahil danab okkai, da aqadkkulte? Da aqadppi mauhkkulagte?” awa oɗ mettom.

Eklisiastis 3:6

Danab keeke anidkkulagnu mattiglagnu haen daatte; danab mattiak uɗat uuna, baula ii mattimnanu haen ele daatte. Danab keeke qagmena aɗaglagnu haen daatte; danab keeke kinipan abenppa buɗippeg gokkunu haen ele daatte.

Pilemon 1:14

Amge na aɗi ehanittak hekkut amu, na oot niitte amu hekkut, na duttunak doon hekkutnu iitta, kobol anam daakkunu amu, da na keeke laanu, “Yo,” ii ame amu, da amu hekkulnu ool ii dayom.

1 Samuel 25:8

Na nahipad maɗi nid oɗ madappe, ag ele geha amu appeg dookkut. Amu gemu na hobul okkai laa hekkutnu aakku daatte amunu, da na ⌊ig kobol ena nahipad danab dilag hemut amu, na amu dabmenana,⌋ nid bau dahilad, na amu dilag daut ii atimanu oɗ medattem. Dahilad danab ag am maɗi nid nahipad, amubia daaegeg, da am na bekkat bia daattem amunu, na aɗi keeke nakok nahip-ppa daatte anidttem amu, na nakka pakkol mena, megakkutnu oɗ medattem.” ’ ” Dawit nug danab nuhikkud ag Nabal amegppa anam akkulagnu amelagppa aum.

1 Samuel 9:7

Maɗi nid nug anam a, Saul nob ma aum. “Amge i nug gumidɗa gokkunih dayeb amu, i aɗi keeke nakok Kayaknu danab amu mettagnih? Aɗinu? Ee ihinih battamppanu oh iitta meum. I keeke laa nug mettagnihnu am iitta. I aɗi keeke mettagnih?” awa aum.