2 King 8:7 - Nobonob Baibel

⁷ Haen laa Elisa nug Aram wanppa Damaskus ukkom, amu gemu Aram dilag king Benhadat nug oɗe meum. Oɗe me, laa nug amegppa aum. “Elisa, Kayaknu danab, nug uɗiom, ippa Damaskus daatte,” awa aum.

2 King 8:7 ပူးပေါင်းရင်းမြစ်များ

Genesis 14:15

Ag Dan aabppa gona, Abram nug nuhikkud daup tuqanppa otiatte, ag ban hena, king waɗele eɗadppig. Eɗadna amu, ag lamadna, Hoba aabppa batak goppig. Hoba amu Damaskusnu yawalti uɗitteppanu daatte.

1 King 11:24

Nug oola ukka, nug danab huu laa ag nai tappe nak danab, nug ag diia, ahilag ikki dayeye, Dawit nug Soba wannu ⌊King Hadatesernu⌋ ban danab oh aqa male, haen amuppa Reson nug danab nuhikkud diie, Damaskus aab okkaippa gona, appa daanna, Reson nug Damaskus dilag king ba dayom.

1 King 13:1

Aria, Jeroboam nug mana mettak hekkunu qaɗab Betel appa ha, aguppa mana mettak hekkunu ukka dayeye, Kayaknu propet danab laa Juda wanppanu aha ukke, Jeroboam nug qaɗab amu guguitta hibaitta dayeye, propet amu nug Jeroboam gumitta teum. Propet amuam Juda danab, Yawe Nug propet amu amegppa nug Judanu aha, nug Betel gokkunu a ukkom.

1 King 15:18

Anam daaegeg, Asa nug Yawenu mettid lagnu en maknu oo anen anenppa, kingnu lag enanagnab, appanu en maknu oo anen anen eleppa silwa, gol, o men doɗo daatte amu, nug amu oh awa, nuhikkud ehanittak anuqak danab matte, ag aon, Aram dilag king Benhadat, Damaskus dayom, ag nug mettaglagnu Damaskus goppig. Benhadat mameg amu Taprimon, nug alag am Hesion.

1 King 20:1

Aria, haen amuppa amu Benhadat, nug am Aram dilag king, nug daup nuhikkud oh qagmaatta, nug a, king 32 laa, ag nug waappa daanna, nug ehanidppig ele, king amu oh ahilkad daup ele, ahilkad hos, bannu karis ele, ag oh ahaeg, Benhadat aɗi ele ag oh gona, Israel dilag aab okkai Samaria oo mattan, aqaglagnu daan, Israel dilag daup ele ban heppig.

1 King 20:34

Aria, Benhadat nug Ahapnu bannu karis attan ta, nug Ahap amegppa inam aum. “Da mamel nug anukka ban haaha, nug na mamennu aab okkai awom amu, geha da aab amu oh eɗue, na medakkul. Laa ele, na keeke meeb, daden maknu aben digdig ele Damaskus, aab okkai amuppa heppe bekkulag. Da mamel anukka nug Samaria aab okkaippa he dayom, amubia na hekkut,” awa aum. Nug anam a, aria Ahap nug Benhadat amegppa aum. “Na anam hekkutnu genab da amelppa attem dayeb amu, da na ele i nug tituanɗa, nai qakkoɗa, amuppa da heppi, na eɗun aon nahip-ppa gokkut,” awa aum. Anam amu, aa nug tituanya nai qagapiɗ. Aa nug tituanya, nai qakkoya, Ahap paɗe, nug ukkom.

2 King 1:2

Amu deɗ laappa Samaria appa King Ahasia nug laug oo attan amuppa ta dayom. Dayaya, nug gililppa ulah ibuppa daya, ad naunau, keeke laa oɗe amuppanu na qemanu lo akkak bia oɗe amuppa daappig amu, keeke amu qiie, nug attannu na qa ukka wanppa noa o, beɗu guittak awom. Anam amunu, nug eɗua ena daakkutai, o iittatai, amu dabmaama dookkunu, nug danab laala maatte, Pilistia wanppa Ekron aabppa gokkulagnu onilagppa eppig. Nug e uɗin daaegeg, nug amelagppa aum. “Ag gona, Ekron dilag kayak Balsebup, da eɗuen ena daakkulte amu oɗ metteg!” awa aum. Nug anam ana, nug he goppig.

2 King 2:15

Propet huu ameg laa Jerikonu 50 ag uɗin gukkuidna appa daappig amu, Elisa nug keeke amu he anidppig. Anidna, ag appig. “Antteg! Ɠagattag anukka Kayak Nug Elaiya mettom amu, gemu am Elisa, nuhigppa daatte,” aon appig. Awona, ag uɗin, nug uɗa tena, ag gatelag qaun o, gomelna, iɗulag wanppa meppig.

2 King 5:20

amu Kayaknu danab, Elisanu maɗi nid Gehasi nug nukka nuhig dabmak he be, nug inam aum. “Danab okkai dahil nug Aram danab Naman keeke medakkunu awa uɗiom ele, nug amu aokkunu uue, nug eɗua awa gotte. Aɗinu nug keeke amu uue, Naman nug eɗua awa gotte? Amunu da Yawe Nug genab bau daatte, genab amubia da qaietten, Naman dim lamitte ukke, nuhig keeke laala appi meɗakku,” awa aum.

2 King 6:12

Nug anam oɗ matte amu, nuhig ban daup ikki laa nug inam amegppa aum. “O king, ihinig naɗi, ig ihinig huuppan danab laa ii hette. Iitta. Israel dilag propet Elisa, nugib aakku hette. Keeke aɗi aɗi ig hekkunignu hettem amu, nug Israel dilag king amegppa atte. Nai oh na madittem amu, Elisa nug dootte. Na nahip niiak abenppa daanna nai madittem amu, Elisa nug doya, Israel dilag king amegppa atte,” awa aum.

2 King 6:24

Dimppa maɗ laala ukke, Aram dilag king Benhadat nug nuhikkud ban danab oh qagmatta diie, ag Samaria ele ban hekkulagnu gona, aab okkai amu oo mettan, aqaglagnu maadna daappig.

2 King 8:6

Gehasi nug anam a, aria king nug Elisa keeke heum amu ah nug mattieb dookkunu ah oɗ mette, mattie doyom. Nug mattia male, dimppa amu king nug ehanittak anuqak nuhig laa onigppa e uɗie, amegppa inam aum. “Na ah imu, keeke nuhig oh eɗua aokkunu ehanidppe awaɗ! Keeke laa amu, na ehanidna, nug ukka, wan laappa dayeye, maɗ eblaih aɗit amu ooppa dad nuhigppa ee meu oum, nuhig daden men doɗo amu, nug aokkunu eleleppa bappaidkkut,” awa aum.

Aisaia 7:8

Aɗinu? ⌊Aram, Israel ele ag am genab ɠagattagnab iitta.⌋ Aram dilag aab ikki am aab okkai onig Damaskus aakkuib. Amu Damaskus ikki am Resin aakkuib. ⌊Amu aa oh am ɠagattagnab iitta.⌋ Israel dilag aab ikki am aab okkai onig Samaria aakkuib. Amu Samaria ikki am Remalia bekka Peka aakkuib. ⌊Amu aa oh am ɠagattagnab iitta.⌋ Anam amu, Aram, Israel ele ag ɠagattag ii daan, nena qekkulag. Ge! Maɗ 65 ii ukkak, Israel ag nena qena, huu laippu ii daamna. Amu Juda ag nai dahilnu oolagppa genab ɠagattag ii dooglag dayeb, ag nena qekkulag; ag hippaidna ii daamna.” ’ ” Naɗi Yawe Nug anam awa aum.

Jeremaia 40:5

Nebusaradan nug anam a, ⌊Jeremaia Juda wanppa daakkunu ana,⌋ nug aha gokkunu heehe, Nebusaradan nug eɗua amegppa aum. “Na ahan, eɗun gona, Ahikam bekka Gedalaia, alag am Sapan, Babilon dilag king nug Juda dilag okkai daakkunu nug tituanom amu, na eɗun, nug gumidna gona daakkut, o iitta, na laih adeppa gona daakkut am na nakka,” awa aum. Nug anam awowa, nug Jeremaia ee keeke mettowa, keeke enanag laa ele nuhig daakkunu hamu metta, he ukkom.

Aposel 17:6

Ag anam heppig, amge appa ii anatna, ag Jeson, amu Kristen laala ele eeɗadna gona, aab okkai amuppanu ikki danab gumadna gona, ag inam aon eppig. “Danab nau aa kobol nau wan ohppa heeh bette ele amu, gemu aa uɗiya, ippa hettep.

Duteronomi 33:1

Itittak imuam, Kayaknu danab Moses nug mauhkkunu haaha, Israel danab ah mattom.

Ikki Danab 16:2

Nug appa ukka dayeye amu, Gasa danab ag Samson appa daatte aeg doon, ag tuqan amuppa aab okkainu aɗnu od guguittak, laih laih ohppa daan, appa ag nug meidna daappig. Ag tuqan amu toettan daanna, ag akka akka nug amegppa mattin appig. “Haɗaetta uɗiebeb amu, ig nug qepput mauhkku,” aon appig. ⌊Amge aabnu aɗ od lok qakkan malappig doon, “Buttua od matulppeg dimittim dokku,” anana, aakku meidna elele ii daappig.⌋