2 King 8:1 - Nobonob Baibel

¹ Haen laappa Elisa nug ukka, Sunem ah, ah amuib nug bekka amu anukka mauhe, Elisa nug eɗua maɗette ahom amu, Elisa nug ah amu amegppa aum. “Yawe Nug geha ihinig wanppa enug haen beeb, geha danab ah ag maɗ eblaih aɗit ele enug haen eenu tutu daaglagnu aum amunu, na ahan, na baenadppa diippe, ag gona wan laappa daappeg, enug haen maɗ eblaih aɗit ele malakku,” awa aum.

2 King 8:1 ပူးပေါင်းရင်းမြစ်များ

Genesis 12:10

Amu haen amuppa enug haen wan amuppa ba dayom. Enug haen amuam naɗi beum amunu, Abram nug aha, Isip wanppa nakok daakkunu ukkom.

Genesis 26:1

Anukka Abraham nug wan amuppa oiyeye amu, enug haen beum. Aria, Aisaknu haenppa amu, enug haen baula be, amu Aisak nug Abimelek toppa ukkom. Abimelek nug Pilistia dilag king; Gerar aabppa dayom.

Genesis 41:25

Paro anam a amu, Josep nug aum. “Nahip tul niiak aɗit amu diig laippu. Kayak Nug aɗi keeke hekkunu hette amu, Nug ippunittom.

Genesis 41:32

Kayak Nug keeke imu genab bekkunu nai qakkom, diig amunu na tul niiak aɗit, diig laippu ele ippunittom. Keeke imu bekkunu amu uma iitta, miagnab daatte. Am Kayak Nug hekku.

Genesis 41:54

enug haen maɗ eblaih aɗit ele digma neum. Josep aum, amubia beum. Wan laala ohppa enug haen beum, amge Isip wan ohppa amu, ag am ee ele.

Genesis 47:4

Ag anam ana amu, ag baula ele appig. “Kanan wanppa appa amu, enug haen okkai daatte; doɗ ihinkad appa ee iitta amunu, ig ippa nakok daagnignu uɗimut. Anam amunu na appe, ig, nahipad maɗi nid, ig wan atu onig Gosen appa daagnignu oɗ medattem,” aon appig.

2 Samuel 21:1

Amu Dawit king dayeye, haen amuppa Israel wanppa gu ii neene, maɗ ewam anam daye, danab ah ag eenu tutu maknab daappig. Ag anam daappig amunu, Dawit nug Yawe amunu oɗ metta unuqittom. Dawit unuqitte, Yawe Nug nug amegppa aum. “Saul nug baekkudppan ele ag eheɗ hena, ag Gibeon danab ii aqadlob am aqaeg mauheg, ag tiilag, Saul nug baekkudppan ele eppelagppa daatte amunu, uug imu wan imuppa beum,” awa aum.

2 Samuel 24:13

Yawe Nug Gad amegppa anam aum amunu, Gad nug aha, Dawit toppa ukka, amegppa aum. “Yawe Nug da amelppa uug imu imutai laa bekkunu aum amunu, maɗ ewam Israel wanppa enug haen daakkutai, o iitta ahilkad kekeɗ ag kalam ewam ag Israel eɗadna lamadkkulagtai, o iitta oɗe nau danab kuɗum aqe mauhtteb am deɗ ewam Israel wan ooppa daya heeb, danab ah mauhkkulagtai? Na dabmak aona, na appe, da nahip dabmak laa meiɗe uɗimi ele amegppa appi dookku,” awa aum.

1 King 17:1

Elaiya nug am propet laa. Nug appag diig am aab onig Tisbe. Aab amuam Gileat wanppa dayom. Haen laappa Elaiya nug King Ahap gumitta ukka, amegppa inam aum. “Yawe, ig Israel, ihinig Kayak, da nuhig maɗi nid daattem, amu Nug genab bau daatte, genab amubia amu, geha gu, baito ele maɗ laala wanppa baula ii nema. Anam dayebeb ukkeb, geha da appi, amu nekku,” awa aum.

1 King 18:2

Nug anam aum amunu, Elaiya nug ukka, Ahap anidkkunu gumitta ukkom. Am haen amuppa Israel wanppa enug haen nau dayeye, Samaria appa ag ahilag ee am tutunab me,

2 King 4:18

Nug nid menue, nid nug ena ma, nakok okkai ma, nug deɗ laappa aha, mameg anidkkunu ukkom. Mameg nug uɗat nid ag wit dadppa wit okkulnana daaegeg, nug ag ele daappig.

2 King 4:36

Nug anam he, Elisa nug Gehasi onigppa e do, nug ukka, nid anig amegppa ab uɗikkunu amegppa a, nug Elisa aum bia ukka, nid anig amegppa a uɗia, nug lag koɗokko uɗem ukkappa ta, lag ooppa no, Elisa nug ah amegppa aum. “Na nid danab nahip aon ukke!” awa aum.

2 King 4:38

Amu deɗ laa enug haen Israel wanppa uɗie, Israel danab ah oh ag eenu tutu daappig. Haen amuppa Elisa nug eɗua ukka, Gilgal aabppa, appa dayeye, amu deɗ laa propet huu ameg laa ag nug gumidna uɗin, ag nuhigppa sul nai aonna daaegeg, nug nuhig maɗi nid amegppa aum. “Na waa okkai aon mena, danab imu lewa lakkulagnu keh gehie,” awa aum.

2 King 7:20

Elisa nug anam aum, amu anamnab ban daup ikki amu nugib aakku aab okkainu aɗ od guguitta hibaitta dayeye, danab ah ag ee aoglagnu qaiqaɗ aab okkai ooppanu bena, dimittim gonana ehaleg, nug na qa wanppa niieye, tappaeg tappaeg mauhom.

2 King 8:2

Nug anam aum, aakku ah amu nug Kayaknu danab Elisa amegppa aum bia nug baekkudppa diie, ag ahan gona, enug haen maɗ eblaih aɗit ele ag Pilistia wanppa daappig.

Sam 105:16

Nug enug haen naɗi Kanan wanppa meum. Ao, Nug he, danab appa ag ee lanaknu tutumak daappig.

Jeremaia 25:29

Antteg! Da aab okkai da onil aguppa daatte, da amuppa digmein, ag bu madattem amunu, ag laa ag bu iite aoglag. Iitta! Ag aoglag. Ag bu ii eɗidmana. Aɗinu? ⌊Wan atu ohppan danab ah ag eheɗ hetteb amunu,⌋ da wan atu ohppan danab ah banppa bu madakkul.” ’ ” Yawe Nukka Ɠagattag Oh Ele, Nug anam aakku atte.

Lewitikas 26:26

Da geha ahilag ee heppi nauhkku amunu, geha plaua nakoknab, ah eblaih tanig ele aakkuib bret manaknu qaɗab laippuppa maiglagnu elele. Ee nagnag aakkuib daakku amunu, ag anen anen ag ee huppu nakok amuib aoglag. Ag aotteb amu, aakku lakkulag, amge ag oolag ii aɗama.

Amos 4:6

Amu Yawe Nug atte. “Da hei, ag aab okkai ohppa ee iitta daappig. Ao, aab naunau ohppa ag bret iitta daappig, amge ag eɗun, da dim lamiɗkkulagnu da gumiɗna ii uɗippig,” awa atte.

Hagai 1:11

Da hei, gu ii ne, appa dadppa, qaukoppa, ee aeg dadppa, grep dadppa, olip dadppa, keeke laa oh eppakppa, danab qaɗelagppa, makau qaɗelagppa, ag aɗi aɗi hetteb ele, amu ohppa, appa gu ii ne, keeke ena ii daatte,” awa atte.

Luk 21:11

Aben laalappa amu mim okkai nebeppeg, enug haen okkai amu oɗe haen naɗi ele bekkulag. Habppa amu epponak keeke okkai okkai, amu baɗaknu keeke digdig ena iitta ele bekkulag.

Luk 21:22

Aɗinu? Haen amu Kayak Nug ahilag eheɗ hak nob eɗua madakku. Kayak naippa nai amunu daatte amu, nai amunu meu bekku.

Luk 4:25

Ag doyeg! Genab, Elaiyanu haenppa Israel oolagppa ah qab kuɗum daaegeg, haen amuppa maɗ ewam, kalam 6 ele gu ii ne, wan amu ohppa enug haen naɗi dayom,

Aposel 11:28

Ag noeg, Kayak Ouɗi Nug propet laa onig Agabus ippunitte aha, geha enug haen naɗi Rom wan ohppa bekku, nug amunu nai mattiom. Amu dimppa Klodias nug king dayeye, haen amuppa enug haen amu beum.

Rut 1:1

Haen epeɗiak danab ag Israel danab ah gumadppig, haen amu ooppa deɗ laa enug haen okkai laa Juda wanppa beum. Enug haen amuppa amu Juda danab laa, Betlehem aabppanu amu, nug aha, wan laa onig Moap, appa maɗ laala dayowa, eɗua uɗikkunu dabmaama ukkom. Danab amu, nug onig Elimelek; nug wau, bekoɗ ele oh diie goppig. Nug wau onig am Naomi, amu nug bekoɗ onilah am Malon, Kilion ele. Ahilag aab ikki onig amu Eprata. Ag Juda wanppa, Betlehem aabppanu. Amu ag ahan, Moap gona, appa daanna,