Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




2 King 7:7 - Nobonob Baibel

7 Aram dilag daup ag tueb amuppa ag amu doon, ag ahilkad keeke amu laa ii agappig. Iitta. Ag ahilkad keeke amu oh uun goppig; amuam ahilkad sel lag, hos, donki, keeke laa oh ele. Keeke amu oh haen tutu dayaknu aab kalakppa daatteb amu, am anam daaegeg, ban danab ag oh uuadna, mauhmananu oolna goppig.

အခန်းကိုကြည့်ပါ။ ကော်ပီ




2 King 7:7
18 ပူးပေါင်းရင်းမြစ်များ  

Solomonnu keeke laihnu awa dadennu mak danab ag bannu karis Isipnu aoppig amu, ag karis mameg 7 kilogram silwa mettana, ag karis laippu aoppig. Hosnu am ag 1.7 kilogram silwa hos mameg mettan, hos aoppig. Ag hos, bannu karis ele amu aona, ag Hit dilag king, Aram dilag king ele ippuanateg, ag Israel dilagppa aoppig.


Aram dilag daup ele ban henana, Israel dilag daup ag anen anen Aram dilag daup anen anen ele ban heppig, amu Israel danab ag Aram danab anen anen aqaeg mauhadppig. Ag mauhatteg, ag lailkad amu anidna, ag oolppig. Ag oolegeg, Israel dilag daup ag ag lamadppig, amge Benhadat, Aram dilag king, amu nuhikkud daup laala ag hos attan oinna, ban heppig ele, ag hos attan oolegeg, Israel ag ii aqappig.


Baɗak eheɗ nau nuhigppa baaba daatte; nug adeppa adeppa gotte, baɗaknu keeke beegeg, nug baɗaɗa oitte.


Am hos laala, daup ag amu attan tena oinna ban hetteb ele, hos amu ag heeg, daup amu ag kekeɗ ii eɗadtteb. Ao, hos amu ag ɠagattagnab, amge ag danab ag qaɗelagppa daaegeg oitteb ele, ag ag ehanadppeppeg, padal ii memananu elele iitta.


⌊Anam aakku bekkunu ame amunu, anam aakku beum.⌋ Kekeɗ dilag king, amu ahilkad ban daup ele ag oolna gonana, keeke uuadna goppig ele, Israel ban danab ag diin panippig.


King nug Yawe eppegppa daatte, amuam lenag bia. Ao, Nug le ippu adeppa gokkunu he, le gotte bia, Nug kingnu dabmak attem bekkunu he bette.


Nau hak danab ag auntai laa ii lamattegeg, haen amuppa ele ag baɗan, oolna gotteb; amge genab tutukku hak danab ag laion bau bia, ag ɠagattag daatteb.


Doɗ gasel nug hikan danab antta, nug oola, huana qaietta ukke, hikan danab ii qette, na amubia he! O iitta, na ai nug danab uhui meeme antta, nug oola, hagagɗa gotte, amubia na nahip mudippan laippu eppegppanu ahan, oolna ukke!


Haen amuppa danab ah ag geha ahilkad kayak hambuppuak dottolkad golppa, silwappa ele hak, ag amu noolagppa dup nona binalag mekkulagnu eppelagppa heppig, ag dottolkad amu oh geha agappeg, tog, meɗeb ele daattebppa gokkulag.


Aria, gemu keeke aɗit amu aakku daattep; laa am Kayak Nug keeke genab hekkunu nai qakka aum, laa am Nug nuhig nai Nug Nug onigppa ɠagattag qettom. Keeke aɗit amu aa baolikkulahnu elele iitta. Kayak ele hambubukkunu elele iitta. Aria, ig laa, ig Kayak Nug ig gog tak haenppa bauklel mekkeb aognignu dabmak aɗat daat, ameg mettem ele amu, keeke aɗit amu aa ig oonig ɠagattag qedattep.


Danab anen anen ag haen tutu dayaknu aab kalak talilidna, aben aon hippaidna daaegeg, Midian danab ag baɗan enana, oolna goppig.


Jonatan, nuhig bannu keeke mawaknu nid ele aa anam heeh, Pilistia dilag daup laa oh, laa ag haen tutu dayaknu aab kalak ahilagppa daaegeg, laa ag haen tutu dayaknu aab kalak dimittim daappig ele amu, ag amu doyeg, wan uɗale, Kayak he, ag eheɗ baɗan,


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ