2 King 7:5 - Nobonob Baibel

⁵ Ag anam aeg, aakku tueb me, ag ahan, Aram dilag haen tutu dayaknu aab kalakppa goppig. Ag gona, Aram dilag haen tutu dayaknu aab kalak giginppa wana, appa danab laa daaeg ii anadppig. Iitta.

2 King 7:5 ပူးပေါင်းရင်းမြစ်များ

2 King 7:4

Ig ahat gota ee mattignignu, ig aab okkai ooppa gokkunig dayeb, aab okkai ooppa daatteb amu, ag ee iitta amunu, ig ooppa nota, geha ig enugnu mauhkkunig. Laa amu, geha ig hamu ippaib daatta, geha mauhkkunig. Amge ig inam hekkunig am elele. Ig Aram haen tutu dayaknu aab kalakppa gota, ig igakka ag eppelagppa mekkunig. Ig anam hepput, ag ig iqappeg mauhkkunig dayeb am, anamib. Amge ag ig uuigppeg bau daagnig dayeb amu, ig aakku bau daagnig,” aon appig. Ag anam madippig.

2 King 7:6

Aɗinu? Aram ban danab amu oh oolna goppig. Amunu diig am, tueb amuppa Naɗi Nug he, Aram ag oqotti okkai dooppig; ban danab ameg naɗi, hos, bannu karis ele dilag oqotti okkainab bia doon, ag inam appig. “Israel ag Hit danab, Isip danab ele, ahilkad king daden matteg, ahilkad ban danab ag banenig uɗin, ig iqaglagnu uɗitteb,” aon appig. Ag anana, ag paha ahan, daappig aben amu uun, oolna goppig.

Esekiel 12:12

Amu Israel danab ah Israel wanppa daatteb dilag danab okkai, nug uudoobob nuhig keeke nug gugappa meeb, laa ag aabnu aɗppa giɗo buuppeg, nug giɗo amuppa doa, aab uua gokku. Nug wan uukkunu hette amu, nug wan amu anidmanu, nug iɗu hautkku.

Lewitikas 27:26

Ag makau okkai ebehi ele ⌊dawai⌋ tatamnu laate, o sipsip ⌊dawai⌋ tatamnu laate Yawenu tituanna mettaglagnu elele iitta. Doɗ amuam doɗ ⌊dawai⌋ tatamnu, am Yawenu aakku daatteb amunu, ag anam hekkulagnu elele iitta.

Lewitikas 27:8

Am danab laa nug auntai Yawe medakkunu genabnab hekkunu nai ana qagakku dayeb, amge nug en mettakppa uhuqkkunu elele iitta amu, nug danab amu omala, mana mettak danab gumitta ukka, nug noobppa meeb, mana mettak danab nug danab amunu keeke am hettoɗia antta, nug gane mekkunu elele daatte antta, nug gane mekkunu akkuoitte. Nug daden melemel mana mettak danab nug meum ele anamppa daden mekkunu daatte.

Duteronomi 28:7

Kekeɗ ag banelag uɗin, aqaglagnu ban hekkulag me, Yawe Nug ehanatteb, ag eɗadkkulag. Kekeɗ ag ib laippuppa uɗin aqaknu ban hekkulag, amge ag ib kuɗumppa, noolagppan oolna gokkulag!

Duteronomi 32:25

Dimittim amu, ahilkad kekeɗ ag qep elabppa aqaglag. Ag laulkadppa daanna, ag eheɗ nau baɗaglag. Danab bau, ah bau ele ag mauhkkulag. Ao, nid yuɗ, kaino ele oh ag mauhkkulag.

Duteronomi 32:30

Gadonnab! Laa Nug hanhan ɠagattag daatte, Nug ag uuattom. Ge! Yawe Nug ag kekeɗ eppelagppa mattom. Anam iitta dayeblob amu, kekeɗ laippu nug Israel danab 1,000 ii lamadlo. Ao, kekeɗ aɗit aa Israel danab 10,000 ii lamadlop.

1 Samuel 30:17

Dawit nug nuhig huu ele ag Amalek anadna daaeg ukke, haɗaedette ag Amalek aqaglagnu ban digmeppig. Ag Amalek ele ban heegeg ukke, tueb me, ag ban malappig. Ag ban anam hena, Amalek danab ameg naɗi daappig, ag amu oh aqaeg mauhppig; Amalek nid danab bau 400 aakkuib ag kamel attan oolna goppig.