2 King 7:3 - Nobonob Baibel

³ Haen amuppa Samaria aab okkainu aɗnu od okkai, od amu dimittim amu danab waɗele, ag gaɗa oɗe nau ele, ag appa daappig. Ag daanna, ag akka ahilagnu inam appig. “Aɗinu ig hamu inam daatta, mauhak haen ameg mettem?

2 King 7:3 ပူးပေါင်းရင်းမြစ်များ

2 King 5:1

Naman nug am Aram dilag kingnu ban daup ikki anuqak. Yawe ehanitte, nug ban kuɗum eɗattom amunu, kingnu neekkakppa, nug danab okkainab dayom. King nug nuhignu oo huana heum. Naman nug ban haaha, nug ban ebehi ele heum, amge nug gaɗa oɗe nau ele.

2 King 7:4

Ig ahat gota ee mattignignu, ig aab okkai ooppa gokkunig dayeb, aab okkai ooppa daatteb amu, ag ee iitta amunu, ig ooppa nota, geha ig enugnu mauhkkunig. Laa amu, geha ig hamu ippaib daatta, geha mauhkkunig. Amge ig inam hekkunig am elele. Ig Aram haen tutu dayaknu aab kalakppa gota, ig igakka ag eppelagppa mekkunig. Ig anam hepput, ag ig iqappeg mauhkkunig dayeb am, anamib. Amge ag ig uuigppeg bau daagnig dayeb amu, ig aakku bau daagnig,” aon appig. Ag anam madippig.

2 King 8:4

Ah nug king gumitta ukkom, haen amuppaib Gehasi, nug Kayaknu danab Elisanu maɗi nid, nug king ele nai madipiɗ. Mattiyya, king nug Gehasi amegppa inam aum. “Da amelppa anukka Elisa nug uɗat okkai okkai heumnu kaya appe dookkulnu ool daatte,” awa aum.

Jeremaia 27:13

Na amu ii hekkut dayeb, na, amu nahipad danab ah ele ag qep elabppa, enugppa, oɗe nau danab kuɗum aqe mauhttebppa ele mauhkkulag. Yawe Nug wan attentai laa ag Babilon dilag king waappa maɗi nid ii daan, nuhig uɗat ii hekkulagnu hekkulag dayeb amu, ag anam mauhkkulagnu aum, amge aɗinu na, amu nahipad danab ah ele, ag anam mauhkkulag.

Jeremaia 8:14

Juda ag akka akka ag inam akkulag. ‘Aɗinu ig ippa inam daattem? Ig qagmeta oolta, aab ɠagattag aɗ ele, amuppa gota, toettata daagnig. Ig amu hekkunignu diig am, ig Yawe, ihinig Kayak, ig nuhigppa hipunin hemut amunu, Nug he, ig oɗe qamutak ele, toettak daattem. Nug uud tiig mua nau ele lakkunignu mekkom.

Namba 12:10

Aria, haen lombig mettid haknu peh lag uuitta attan te amu, Miriam nug gaɗa oɗe nau ele hibaitta dayom. Nug beɗu oh hakkab eppa dayom. Aron nug Miriam nug noobppa daakkunu eɗua amu, nug Miriam gaɗa oɗe nau ele dayeye anttom.

Namba 12:14

Anam unuqitte amu, Yawe, Moses amegppa aum. “Nug eheɗ heeb, mameg nug iɗuppa hunulo, amu nug deɗ eblaih aɗit ele da noolppa daakkunu elele iitta daalo. Na heppe, nug deɗ eblaih aɗit ele haen tutu dayaknu aab kalak dimittim dayeb ukkeb, dimppa nug eɗua uɗikku,” awa aum.