2 King 7:1 - Nobonob Baibel

¹ King nug anam a amu, Elisa nug nob ma, inam amegppa aum. “Na Yawenu nai doye! Yawe Nug inam atte. ‘Butti, haen inam biappa amu, danab ah ag Samaria aab okkainu aɗ odppa gona, ag geha plaua witppa hak 3 kilogram aoglagnu, ag 11 gram silwappaib daden mekkulag, o ag bali aeg 6 kilogram aoglagnu, ag amu ele 11 gram silwappaib daden mekkulag,’ awa atte,” awa aum.

2 King 7:1 ပူးပေါင်းရင်းမြစ်များ

1 King 22:19

Ahap nug Jehosapat amegppa anam a amu, Mikaia nug nai amu tuɗitta, nug aum. “Na daut human daappe, geha da Yawenu nai appi doye! Yawe Nug sia king nuhigppa dayeye, nuhikkud engel hab aabppa daatteb oh ag Nug talilidna, naɗiap-ppa nanehppa ele hippaidna daaegeg anadmi.

2 King 20:16

Nug anam a amu, Aisaia nug Hesekaia amegppa aum. “Na Yawe, nuhig nai doye!

2 King 4:42

Dimppa haen laappa, danab laa Balsalisa appanu Kayaknu danab Elisa gumitta uɗiom. Nug bali bret 20, bali tatam oɗuomppanu hak amu, nug amu Elisanu awa uɗiom. Amu awa uɗia, nug ee aeg bau awak ele bek laippuppa inak, nug amu ele awa uɗia mettom. Awa uɗia mette, aria Elisa nug nuhig maɗi nid amegppa aum. “Ee amu aon, propet danab umu madappe lakkulag,” awa aum.

2 King 6:25

Haen amuppa, Aram dilag daup ag aab dimittim anam daaegeg, am Samaria ag ahilagppa enug haen laa be, ag eenu tutunab daappig. Aram ag aab okkai amu haen elab oo mettan, aqaglagnu maadna daaegeg, danab ag ee aon, eɗun ooppa nokkulagnu elele iitta. Anam daye, danab laa nug donki ikkiib laa daden mekkunu oo daye heum amu, nug 1 kilogram silwa daden meum. Danab laa nug ai uppuɗil beɗulag nakok biig 250 gram daden mekkunu oo daye amu, nug 55 gram silwappa daden meum.

2 King 6:33

Elisa nug ikki danab amu amelagppa nai amu mattiaya, ii gog teum, haen amuppa danab king me uɗiom aakku be, king ele nug uɗia ba, nug Elisa amegppa inam aum. “Yawe Nug ihinigppa uug naunab imu he beum. Aɗinu da Nug ameg baula mekkul?” awa aum.

2 King 7:16

Ag uɗin aeg doye, haen danab ah ag Aram ag oolna gona, keeke amu uun goppig, nai amu doon, ag paha ahan, Aram dilag haen tutu dayaknu aab kalakppa gona, keeke uun goppig amu, amu oh ag aoppig. Ag wit plaua, bali aeg ele huanak agappig amunu, ag amu daden mekkulagnu hena, ag inam daden meppig. Wit plaua 3 kilogram aoglagnu, ag 11 gram silwappaib daden meppig, o ag bali aeg 6 kilogram aoglagnu, ag amunu ele 11 gram silwappaib daden meppig; Yawe aum bia heppig.

Sam 46:5

Kayak Nug aab okkai amuppa daatte amunu, aɗitai laa uɗalkkunu ii daatte. Ao, Kayak Nug danab ah appa daatteb ehanatteb, ag padal mak ii anidmana. Tuqan uug bekkutai, amge buttua, wakkaɗebeb, Nug ag ehanadkku.

Eksodas 14:13

Aria, Moses nug danab ah ag anam aeg doya, nug inam ag amelagppa aum. “Ag aib baɗappig. Ag ɠagattag daanna, gemu ag geha Yawe Nug ag ehanadkkunu ɠagattag heeb anidkkulag. Aɗinu? Ag gemu Isip anadtteb umu, ag geha dimppa baula ii anadmana.

Eksodas 16:12

“Da Israel dilag naittuɗ mak doyen malami amunu, na ag amelagppa inam a! ‘Tuebnab ag geha teppu lakkulag; aria, buttua amu, geha ag bret lappeg, ag oolag didikku. Ag ee amu lanana, geha ag da am Yawe, ahilag Kayak, ag amu dooglag,’ ” awa aum.

Eksodas 8:23

Da keeke nahipad danab ah dilagppa hekkul amu, da amubia dahilad danab ah dilagppa laa iinab hepa. Doye! Dahilnu dabmettaknu kobol danab haknu elele iitta amu, am butti ana bekku.” ’ ” Yawe Nug anam Moses oɗeppa Paro amegppa aum.

Aisaia 1:10

Anam amu, gemu ag ⌊Jerusalem ikki danab, ag⌋ Sodom ikki danab ⌊bia amu⌋, ag Yawenu nai doyeg! Ao, ag ⌊danab ah Jerusalem daatteb, ag⌋ Gomoranu danab ah ⌊bia amu⌋, ag Kayak, ihinig Kayak, Nug nuhig ɗo nai ig ippunigtte amu, ag ele daulag human, ɗo amu doyeg!

Esekiel 37:4

Da anam ai, Nug da amelppa aum. “Na dimppa aɗi bekkunu nai ebehilkad imu amelagppa, ‘Ag ebehilkad qaɗaiedappig ele, ag Naɗi Yawe Nug ag amelagppa nai atte amu, ag doyeg!’ appe doyeg!” awa aum. Amu nai nug ebehilkad imu amelagppa aum am inam. “Da heppi, ⌊ag baula danab ah beɗulag aoppeg,⌋ da geha ouɗi ahilkadppa iwalppi nob, ag bauklel daaglag.

Jon 6:9

“Nid danab laa iikku daatte, nug am bali bret kunum tanig ele, amu kakai aɗit ele. Amge amuam keeke nagnag, danab am huanak,” awa aum.

Josua 3:5

Ikki danab ag danab ah anam amelagppa ana malaeg amu, Josua nug danab ah amelagppa aum. “Yawe Nug butti uɗat ɠagattagnab ele ag oolagppa hekku amunu, ag Yawenu tituana mettak daaglagnu hena dayeg!” awa aum.

Revelesen 6:6

Hab daup waɗele Kayaknu bauklel aotteb ele, ag oolagppa baag laa oqotti inam ba a doomi. “⌊Enug haen ɠagattag daatte amunu,⌋ danab nug deɗ laippunu uɗatnu nob am wit aeg waa nakok laippu aakkuib aokku. O iitta bali aeg am waa nakok ewam aakkuib aokku. Anam dayebeb, danab aun laa nug goɗen, wain ele aib heeb nauhom,” awa aum.

1 Samuel 11:9

Israel oh ag anam heeg, Saul aɗi ag nai awa ukkak danab, tatam Jabes Gileatnu uɗin, Amon heppignu aeg dooppig ele amu, ag ag amelagppa inam appig. “Ag eɗun Jabes gona, Jabes danab amelagppa ‘Butti, aam ɠagattag neeb amu, ag ehanittak aoglag,’ appeg doyeg!” aon appig. Aria, ag anam akkulagnu aeg doona, ag gona, Jabes danab amelagppa aeg doon, ag oolag gamag eheɗnab ahom.

1 Samuel 15:1

Amu Samuel nug Saul amegppa aum. “Yawe he, da na Israel, ag am Yawenu danab ah amu, da na ahilag king daakkutnu goɗen gokkaɗakppa tituanidmi amunu, na Yawenu nai doye!