2 King 6:9 - Nobonob Baibel

⁹ Amge Kayaknu danab Elisa, nug Aram ag aben amuppa haen tutu dayaknu aab ⌊nakok⌋ kalaglagnu heppig amu doya, nug nai imu Israel dilag kingnu me ukkom. “Aram dilag daup ag aben da iikku ippuanidttem, ag appa haen tutu dayaknu aab ⌊nakok⌋ kalaglagnu gona hetteb amunu, ag aben amuppa gomananu dabmeig!” Elisa nug nai amu me ukkom.

2 King 6:9 ပူးပေါင်းရင်းမြစ်များ

1 King 20:13

Aria, Yawenu propet laa nug Israel dilag king Ahap gukkuitta ukka, nug amegppa aum. “Yawe Nug inam atte. ‘Na daup huanak ɠagattag ele anidttem amu, da gemu heppi, na ag eɗadkkut. Amuppa amu na dookkut; da am Yawe.’ Nug anam awa atte.” Propet nug Ahap amegppa anam aum.

1 King 20:28

Amu Kayaknu propet laa nug nai awa ukka, King Ahap toppa ukka, nug Ahap amegppa aum. “Yawe Nug inam atte. ‘Aram danab ag da Yawe, dahilnu, “Nug am atu qaukonu Kayak, Nug am atu uɗemnu Kayak iitta,” aon atteb amunu, da geha heppi, ag Israel ag ahan, Aram ban danab ameg naɗi amu eɗattona, geha ag Israel ag dooglag, da am Yawe,’ awa atte,” awa aum.

2 King 4:1

Amu ah laa, gamu nug propet huu ameg laa, nug amuppa daya mauhom, danab amu qappu amu, nug Elisa gumitta uɗia, nug inam amegppa aum. “Danab okkai, danab dahil nug am nahip maɗi nid, nug mauhom. Na doottem, nug haen oh Yawenu ebehi oh bodoetta le mettom. Amge gemu danab nug lon mekke, eɗut ii mettamut ele aokkunu hette, amge da men doɗo iitta. Nug nid dahilaɗ aɗit amu diiata ukka heeb, nuhig begbeg maɗi nid daaglahnu uɗiom,” awa aum.

2 King 4:27

Ah amu nug anam aum, amge haen nug qaukoppa, Kayaknu danab Elisa gumitta ta amu, nug gateg qaun o, gomela, Elisa baeg aɗom. Aɗe, Gehasi nug ah anam he antta doa, ah mauteb, piɗe ukkakkunu heum. Nug anam heum, amge Kayaknu danab Elisa, nug Gehasi amegppa aum. “Uuppe, nug uug okkainab laa ele amunu hette. Anam, amge Yawe nug da amelppa ah imu, nuhig uugnu amu ii aum,” awa aum.

2 King 4:7

Aakku ah qab nug ukka Elisa, nug Kayaknu danab amu, nug nug amegppa a, Elisa nug ah amu amegppa inam aum. “Gona, goɗen amu meppe, daden meppeg, men doɗo aon, danab nahipnu keeke nob eɗua mettaknu amu, na danab amu medappe, men doɗo laa daakku amu, na begapaɗ ele, ahilag ee daden mena lakkulagnu dayaɗ!” awa aum.

2 King 6:10

Haen oh Elisa nug anam heum amu, Israel dilag king nug he, danab laa nug ukka anidkkunu ukkom. Haen kuɗum Kayaknu danab Elisa, nug Israel dilag king nug nau aomnanu dabmettak nai amu nug mettom. Elisa nug Israel ag aben amuppa mauhnoak oimnanu anam heum.

2 King 6:12

Nug anam oɗ matte amu, nuhig ban daup ikki laa nug inam amegppa aum. “O king, ihinig naɗi, ig ihinig huuppan danab laa ii hette. Iitta. Israel dilag propet Elisa, nugib aakku hette. Keeke aɗi aɗi ig hekkunignu hettem amu, nug Israel dilag king amegppa atte. Nai oh na madittem amu, Elisa nug dootte. Na nahip niiak abenppa daanna nai madittem amu, Elisa nug doya, Israel dilag king amegppa atte,” awa aum.

2 King 6:8

Amu haen laa Aram dilag king, nuhikkud ban danab ele ag Israel wanppa banelag uɗippig. Uɗin, king nug nuhikkud ban daup ikki laala ele nai mattiona, king nug aben adekku ag haen tutu dayaknu aab ⌊nakok⌋ kalaglagnu dabma, anam haknu aum.

Job 5:12

Kayak Nug laa ag lokkumakppa kobol kobol hekkulagnu doon autna aotteb ele, Nug ahilag maittak he nauhtte. Amu diig amunu ahilag hakppa meu laa ii bette.

Sam 33:10

Yawe Nug danab ah ag aɗi hekkulagnu maittak aotteb ele, Nug ahilag maittak amu he nauhtte. Yo, Nug ahilag dabmak maidtteb amu he, gabotitte.

Prowerb 22:12

Yawe Nug doyak ena atognotte; amge Nug laa nug Yawe ippunittom bia Nug dim lamidkkunu uua hette amu, Nug danab amunu nai he nauhtte.

Jeremaia 11:18

Yawe Nug he, da danab laala ag eheɗ heiɗkkulagnu dabmena, nai qagappig doomi. Nug ippuniɗe, ag aɗi aɗi heppig amu, da aakku doomi.

Amos 3:7

Am anam daatte amunu, Naɗi Yawe Nug aɗi keeke laa ⌊nuhikkud propet amelagppa qehakkak dayeye,⌋ ii hette. Ao, Nug tatam nuhikkud propet, ag am nuhikkud maɗi nid amu, Nug ag amelagppa nuhig maittak, lokkumak daatte, amu a doyeg hette.

Revelesen 1:1

Kayak Nug Jesus Kristus Nug nuhikkud maɗi nid, ag aɗi keeke bekkunu daatte ippunadkkunu Jesus ippunittom. Ippunitte, Jesus he, nuhig engel laa Jon amu ippunitteb, nug amu bukppa yaakkunu uɗiom.