2 King 5:8 - Nobonob Baibel

⁸ Nug anam a, aria haen Elisa, Kayaknu danab, nug Israel dilag king nug oo uug daye, nuhig lamen elab pattiɗom, nug nai amu doya, nug nai inam king dookkunu me ukke amegppa aum. “Aɗinu na ootppa uug doon, nahip lamen elab pattiɗme? Appe, danab amu da gumiɗa uɗieb, ⌊Kayak heeb,⌋ nug propet laa Israel wanppa daatte, nug amu dookku,” awa aum.

2 King 5:8 ပူးပေါင်းရင်းမြစ်များ

2 Samuel 3:31

Anam daye amu, Dawit nug Joap, danab ah nug ele daappig ele amu, nug ag oh amelagppa aum. “Ag lamen ahilag patiɗna, lamen heɗiag ele takkeg! Ig Apner boumkkunignu gotata, ag mahidnana anuqna ukkeg!” awa aum. Dawit nug anam a, ag anam heegeg, King Dawit nug qaɗaqaɗ, ag amuppa Apner gaɗa maoppig amu, nug qaɗaqaɗ amu dimugppa oiyom.

1 King 12:22

Rehoboam nug anam heum, amge Kayak Nug propet Semaia, nug Kayaknu danab amu, Nug nug nai mettom. Nai nug mettom am inam.

1 King 17:24

Nug anam a amu, ah nug Elaiya amegppa aum. “Genabnab genab, gemu da doottem. Na Kayaknu danab. Genabnab, na nai mehuqttem amu, Yawe Nug nukka nai amu na medette, na nai amu mehuqttem. Am nai genabib,” awa aum.

2 King 1:6

King anam oɗ matte amu, danab amu ag king amegppa appig. “Danab laa uɗia, ibppa uɗanig ta, nug inam amenigppa aum. ‘Ag eɗun gona, king maatte uɗippig ele amu, ag nug amegppa inam appeg doyaɗ! “Yawe Nug inam atte. Na aɗinu danab otiatte, ag Ekron dilag kayak Balsebup oɗ mettaglagnu gotteb? Israel dilagppa Kayak laa iite daatte? Na amu heme amunu, na geha niittemppa, anam niikkut. Na geha bau eɗun, ena ii daamna. Iitta. Genab, geha na mauhkkut,” awa aum.’ ” Ag king amegppa anam appig.

2 King 5:15

Anam beum, amu dimppa Naman nug nuhikkud huu ele ag eɗun, Kayaknu danab Elisa, nug gumidna gona, Naman nug Elisa noobppa hibaitta dayaya, nug inam amegppa aum. “Antte, genabnab genab, gemu da doottem, wan ohppa amu Kayak laa ii daatte. Iitta. Israel dilag Kayak Nugib Kayak daatte. Amunu gemu da, nahip maɗi nid, da keeke nahip daakkunu hamu na medakkulnu ool daye, medakkulnu oɗ medattem,” awa aum.

2 King 5:3

Nug anam dayaya, dimppa nid ahin amu nug nuhig okkai Naman wau amegppa aum. “Da oolppa amu, danab nahip nug propet Samaria daatte gumitta ukkeb, propet nug oɗe nuhig heeb, nug geha ena daakku doottem,” awa aum.

2 King 5:7

Israel dilag king nug uɗug amu ebqewowa, nug oo uug dayom. Nug oo uug dayeye, nug nuhig lamen elab aɗa pattiɗa, nug aum. “Da am Kayakte? Da heppi, danab mauheb, heppi, nug eɗua, bau ena daakkunu elelete? Da doottem, Aram dilag king nug banel uɗia, iweb mauhkkulnu ib mattiaya, danab imu gaɗa oɗe nau ele dahilppa me uɗiom, aakkuib,” awa aum.

2 King 5:9

Elisa nai amu me ukke, Israel dilag king nug doya, nug Naman amegppa a, Naman nug nuhig karis attan ta ugekke, karis laala ahan dim lamitteg, ag oh gona, Elisa laug odppa teppig.

Eksodas 11:8

Keeke amu beeb, nahipad ehanittak anuqak danab imu, ag geha uɗin, da noolppa gomelna, ag ɠagattag inam akkulag, ‘Na ukke! Na nahipad danab ah ele, ag pahanab ukkeg!’ Aria, keeke amu oh ba maleb, dimppa amu, geha da Isip uukkul,” awa aum. Moses nug anam awowa, nug oo nauhak nau doyaya, nug Paro uuitta, dimittim ukkom.

Esekiel 2:5

Na anam akkut, amge ag am nai tappe nak danab ah daatteb amunu, ag dahil nai na oɗenppa dooglagtai, o iittatai, amuam ahilagnu keeke. Amuam ahilagnu keeke, amge ⌊dahil nai meu ob amu,⌋ ag dooglag, propet tutukku laa ag oolagppa dayaya, dahil nai mattiom.

Hosea 12:13

Dimppa amu, Yawe Nug he, propet laa nug Jakop buɗub, am Israel danab ah, nug ag Isipnu omalatta uɗiom. Ao, Yawe nug propet amu eppegppa Israel danab ah dabmadatta, atognoattette uɗippig.

Rom 11:13

Imuam da iitta aɗi, ahilagnu attem. Kayak Nug da Kristus onig awe, ag oolagppa uɗat hekkulnu meiɗe uɗimi amunu, da uɗat imunu, da Nug binag mettem.

1 Samuel 9:6

Saul nug anam aum, amge maɗi nid nug aum. “Antte! Aab imuppa Kayaknu danab laa daatte; danab oh ag nuhignu ena elelenab dootteb. Nug aɗi atte amu, keeke amuam genab bette amunu, i goɗa, nug donkinu oɗ mettagnih. I nug oɗ medapuɗ, nug ag adeppa daatteb ab doognihtai,” awa aum.