2 King 4:8 - Nobonob Baibel

⁸ Deɗ laappa Elisa nug Sunem aabppa ukkom. Aab amuppa ah laa nug enub nakok kuɗum ele dayom. Ah amu nug Elisa uɗieb, nug laugppa nug gamu ele, ag oh daanna, oh ee lakkulagnu nakok eeɗa ha oɗ mettom. Aakku Elisa nug haen oh uɗia, nug ah amu laugppa ee lattom.

2 King 4:8 ပူးပေါင်းရင်းမြစ်များ

Genesis 19:3

Anam apiɗ, amge Lot nug laugppa gokkulahnu wagai me, aa goya, Lot laugppa daaeheh, Lot nug ahilah ee, amu bret yis iitta ele he lapiɗ.

2 Samuel 19:32

Barsilai nug am danab kaino; maɗ nuhig 80. Nug enub danab amunu, King Dawit nug Mahanaim dayeye, nug ee keeke mettom.

1 King 1:3

Ag Dawit amegppa anam awona, ag ahan, Israel wan atu ohppa gona, ag nid ahin laa nug iɗu tuqak ele anidna, aon uɗiglagnu mattin oippig. Ag oin oin Sunem aabppa Abisak, Sunem ah, ag nug anidppig. Anidna, ag nug omalna king toppa uɗippig.

2 King 4:18

Nug nid menue, nid nug ena ma, nakok okkai ma, nug deɗ laappa aha, mameg anidkkunu ukkom. Mameg nug uɗat nid ag wit dadppa wit okkulnana daaegeg, nug ag ele daappig.

Job 1:3

Nug baegppan nid am anam, amu Job nug ele en kuɗumnab ele. Nug sipsip 7,000, kamel 3,000, makau okkai ebehi ele 1,000, amu donki anig 500 ele. Nug doɗ amu oh ele, amu nug ele maɗi nid maɗi ah ele kuɗumnab ele. Danab digdig oh kaɗag uɗitteppanu daatteb ele amu, nug amu dilag laa oh eɗattom.

Job 32:9

Kaino ag doyak dabmak ena ele, amge agib iitta. Ao, laa haen elab wanppa oippig, ag aɗi kobol am genab tutukku, ag amu dootteb, amge ag aakkuib iitta.

Prowerb 7:21

Ah gamu uuitte, danab laa ele oittep ele nug dabmak eeɗak nai amu mattie, danab bau doyak dabmak ena ele iitta nug ah amu ele eheɗ hekkulahnu dim lamittom. Ao, ah nug danab amu nuhig nai ittag ele, nug amuppa nug oo eeɗom.

Matyu 25:17

Amubiaib laa talent aɗit awom ele, nug ele anam ha, talent aɗit baula awom.

Luk 1:15

Nug Naɗi noobppa onig am binag ele daakku. Nug wain amu kaaka qaknu le laa oh ele ii lama. Nug anig ooppa dayebeb amu Kayak Ouɗi am nug ooppa ambekku.

Luk 14:23

Anam a amu danab okkai nug maɗi nid amegppa eɗua aum. ‘Na gona, ib okkaippa, dadnu aɗ ele mattan gonana, na danab ah eeɗadppe uɗin, ooppa noig! Da laul imu ambekkunu ool daatte.

Luk 24:29

amge aa Nug hagakka aoya apiɗ. “Na i ele daatu! Aam no, uudoumde!” Anam aeh, Nug lag ooppa no oh daanna,

Aposel 16:15

Nug nai doya oo eɗue layattak awe, nug baekkudppa ele ag layattak aoppig. Lidia layattak awowa, nug ig amenigppa aum. “Ag da Naɗinu oolppa genab doottem elele anidtteb dayeb amu, aria ag uɗin, da laulppa dayeg!” awa aum. Nug anam ana wagai ma he, ig nug oɗe dim lamidta, gota nug laugppa daamut.

Josua 19:18

Aab imu ag wan amuppa daappig; Jesril, Kesulot, Sunem,

Ikki Danab 19:20

Nug anam a amu, danab kaino nug nob ma aum. “Ag da ele daagnignu amu, da oolppa eleleib doottem. Ahilag ee keeke, donki dilag ee keeke ele, da ag madakkul. Amge ag aɗi keeke hekkulagnu dabmekkulag amu, ag tuqan imu haɗap imuppa daaglagnu aib dabmena heppig,” awa aum.

1 Samuel 28:4

Pilistia ag Israel ele ban hekkulag heppig amunu, ag qagmena, ahan uɗin, aab okkai Sunem guguittak haen tutu dayaknu aab kalappig. Ag uɗin, aab aoegeg, Saul nug Israel ban danab e uɗieg, qagmaatte, Gilboa qaukoppa haen tutu dayaknu aab kalappig.