2 King 4:1 - Nobonob Baibel

¹ Amu ah laa, gamu nug propet huu ameg laa, nug amuppa daya mauhom, danab amu qappu amu, nug Elisa gumitta uɗia, nug inam amegppa aum. “Danab okkai, danab dahil nug am nahip maɗi nid, nug mauhom. Na doottem, nug haen oh Yawenu ebehi oh bodoetta le mettom. Amge gemu danab nug lon mekke, eɗut ii mettamut ele aokkunu hette, amge da men doɗo iitta. Nug nid dahilaɗ aɗit amu diiata ukka heeb, nuhig begbeg maɗi nid daaglahnu uɗiom,” awa aum.

2 King 4:1 ပူးပေါင်းရင်းမြစ်များ

Genesis 22:12

Abraham anam a amu, engel nug amegppa aum. “Na nid aib yaappe mauhom. Na keeke eheɗ laa ele nuhigppa aib heme. Aɗinu? Na nid nahip laippunab genab meɗame amunu, da geha iikku na da, Kayak, na dahilnu ebehin oh bodoetta le mette amu, da doottem,” awa aum.

1 King 18:3

King Ahap nug Obadaia gumitta uɗikkunu onigppa eum. Obadaia nug kingnu lag enanagnab gumak danab. Nug Yawenu ebehi oh bodoetta le meum.

1 King 20:35

Amu Benhadat noa ukke, Yawe Nug propet danab oolagppanu propet danab laa amegppa a, propet amu nug aha, propet danab laa amegppa aum. “Na ahan, da oiɗe,” awa aum. Nug anam aum, amge propet amu nug uuom.

2 King 2:15

Propet huu ameg laa Jerikonu 50 ag uɗin gukkuidna appa daappig amu, Elisa nug keeke amu he anidppig. Anidna, ag appig. “Antteg! Ɠagattag anukka Kayak Nug Elaiya mettom amu, gemu am Elisa, nuhigppa daatte,” aon appig. Awona, ag uɗin, nug uɗa tena, ag gatelag qaun o, gomelna, iɗulag wanppa meppig.

2 King 2:3

Propet huu ameg laa ag Betel appa daappig amu, ag uɗin anatna, ag Elisa amegppa inam appig. “Gemu Yawe Nug nahip danab okkai geha nahip-ppanu awa gokku; na amu doottemte o iitta?” aon Elisa oɗ medappig. Aon oɗ mettaeg amu, Elisa nug ag appig amu nob ma inam aum. “Ao, da doottem. Ag baula amunu aib appig,” awa aum.

2 King 2:5

Amu propet huu ameg laa appa Jeriko daappig amu, ag Elisa toppa uɗin, inam amegppa appig. “Gemu Yawe Nug nahip danab okkai geha nahip-ppanu awa gokku; na amu doottemte o iitta?” aon Elisa oɗ medappig. Ag anam oɗ mettaeg, amu Elisa nug nob ma aum. “Ao, da doottem. Ag baula amunu aib appig,” awa aum.

2 King 2:7

Aa ukkaeheh amu, propet ameg amunu danab 50, ag aa dim lamatna goppig. Amu aa goya, Jodan leppa noya, le daugppa hippaidya daapiɗ. Aa anam daaeheh, propet 50 ag piɗe laih hippaidna daanna, ag neekkeg ukke, Elaiya, Elisa ele anatppig. Aa ele oh ii daappig.

2 King 4:38

Amu deɗ laa enug haen Israel wanppa uɗie, Israel danab ah oh ag eenu tutu daappig. Haen amuppa Elisa nug eɗua ukka, Gilgal aabppa, appa dayeye, amu deɗ laa propet huu ameg laa ag nug gumidna uɗin, ag nuhigppa sul nai aonna daaegeg, nug nuhig maɗi nid amegppa aum. “Na waa okkai aon mena, danab imu lewa lakkulagnu keh gehie,” awa aum.

2 King 6:9

Amge Kayaknu danab Elisa, nug Aram ag aben amuppa haen tutu dayaknu aab ⌊nakok⌋ kalaglagnu heppig amu doya, nug nai imu Israel dilag kingnu me ukkom. “Aram dilag daup ag aben da iikku ippuanidttem, ag appa haen tutu dayaknu aab ⌊nakok⌋ kalaglagnu gona hetteb amunu, ag aben amuppa gomananu dabmeig!” Elisa nug nai amu me ukkom.

Nehemaia 10:31

Wan laalappan danab ag ig talililgna daatteb amu, ag keeke laala, o ee aeg aon uɗin, Sabat deɗppa mena daden mekkunignu hebeppeg, ig Sabat deɗppa, o deɗ laa Kayaknu tituanak daatte, amuppa ig daden ii memata. Ig ee wanppa ebapput ukkeb ukkeb, maɗ eblaih laippu ele teeb, maɗ eblaih aɗitppa ig keeke laa wanppa ii eppamta. Maɗ amuppa ele ig Israel buɗub laa ihinigppa lon awa, eɗua ii daden meum dayeb amu, ig megakkunu baula ii amata.

Nehemaia 7:2

da, da amal Hanani, amu danab laa Hanania ele, aa Jerusalem gumaglahnu otiatmi. Hanania nug aben aɗ ɠagattagnab ele, nug appanu daup dilag okkai dayom. Nug danab nug dabmak oiyak nuhig ele am tutukkuib. Nug Kayaknu ebehi oh bodoetta le mette. Danab kuɗum ag anam dootteb, amge nug okkainab dootte. Nug anam dayom amunu, da nug otimi.

Sam 103:11

Aɗinu? Nug danab ag nuhignu ebehilag oh bodoetta le mette ele, Nug amu dilagnu oo mauhaknab dootte. Oo mauhaknab kobol nuhig am okkai; am lomppanu wanppa noak, okkainab amubia daatte.

Sam 103:17

Amge Yawe Nug danab ah ag nuhignu ebehilag oh bodoetta le mette ele dilagnu oo mauhaknab tuqa ii awawa, hanhan anamib haaha daatte. Ao, Nug ahilagnu anam oo mauhe, Nug ag alalkad dilagnu, Nug genab tutukku hak kobolnu dabmaama, dim lamidtte.

Sam 115:13

Yawe Nug, Nug laa ag nuhignu ebehilag oh bodoetta le mette, ag ele itadkku. Ao, Nug ag binalag okkai ele, o binalag okkai iitta amu, Nug ag oh itadkku.

Sam 147:11

Yawe Nug hosnu ɠagattag, o danabnu ɠagattag, Nug amunu gamag ahak ii dootte. Iitta. Nug laa ag nuhignu ebehilag oh bodoetta le mette ele, Nug amu dilagnu enanagnab dootte. Ao, laa ag Nug ahilagnu oo mauhaknab dootteb, ag nuhig kobol dabmenan daanna, ag amuppa ehanittak aon, gogppa tekkulagnu ameg metteb ele amu, Nug amu dilagnu enanagnab dootte.

Prowerb 22:7

Enub danab ag heeg, daɗek danab ag ahilag nai dim lamitteb; danab nug laa eppegppan lon aotte, nug danab amunu maɗi nid daatte.

Eklisiastis 12:13

Keeke oh amu, ig aakku doomut; amu keeke amu ohnu gogppa tak am inam. Na Kayaknu ebehin oh bodoetta le maɗ! Ao, na nuhig haknunab anak dim lamitte! Aɗinu? Amuam keeke anuqak, Kayak Nug danab hekkulagnu mattom. Keeke laa iitta.

Eklisiastis 8:12

Anam, amge nau hak danab nug ɗo huanak tippala, haen elab bau daakkutai, me da doottem, butti aɗi danab ag Kayaknu ebehilag oh bodoetta le mette, ag Kayak noobppa anam daatteb ele amu, ahilagnu am ena. Laa nau hetteb, ag am iitta.

Aisaia 50:1

Yawe Nug atte. “Danab laa nug wau nuhigppa eheɗ heum doya he, aha gotte amu, da amubia hemi amunu, ag gona, wan laappa maɗi nid daattebte? Iitta! O iitta, danab laa nug laa eppegppanu lon awa, eɗua medakkunu elele iitta amunu, lon mameg nug danab lon awom wau, bekkod ele laanu maɗi nid daaglagnu me, daden mette ele amu, da anam bia hemi amunu, laa ag Juda, ag ag diiadna goppigte? Iitta! Amu ohnu am iittanab iitta! Ag hipunin heppig amunu, ag laa eppegppa daatteb. Ag hipunin heppig amunu, ag gona, diia ukka laih me dayak danab ah wan laappa daatteb.

Jeremaia 34:14

“Maɗ eblaih laippu ele ukkeb, maɗ eblaih aɗitppa Hibru danab, o Hibru ah auntai nug he, nug ag oolagppanu laa waappa nuhig maɗi nid daatte amu, ag anen anen ag danab ah amubia uhuqadppeg, ag ag waalkadppa, ahilkad maɗi nid tuɗidna aib daappig. Ag uhuqak dayeg! Danab o ah amubia ag maɗ eblaih laippu ele ahilkad maɗi nid daan, ahilag uɗat hekkulag, amge maɗ eblaih aɗitppa ag tuɗidna ahilkad maɗi nid ii daamna. Ag uhuqak aon, hamu daaglag, amu ag laa ag uhuqadkkulagoitte ami. Da anam ami, amge ag mamelkad aɗi ag da oɗel ii dooppig. Ag daulag human, nai doon, elele ii dabmedappig.

Lewitikas 25:48

amu nug begbeg maɗi nidnu qagaiettakppanu eɗua uhuqak aokkunu elele. Nug tiig laippu laa nug begbeg maɗi nidnu qagaiettakppanu eɗua uhuqak hekkunu elele.

Malakai 3:16

Amu laa ag Yawenu anam eheɗ mattin appig, amge laa ag genab Yawenu ebehilag oh bodoetta le mette ele, ag akka akka ⌊Yawenu⌋ mattiak ⌊tutukku⌋ heeg, Yawe Nug ag keeke madippig amu doyom. Nug doya he, laa Nug noobppa daya, laa amu onilag buk itoɗiakppa daakkunu yom. Amuam laa ag Yawenu ebehilag oh bodoetta le mette, ag Nug binag metteb ele, nug ag onilag buk itoɗiak amuppa yom.

Malakai 4:2

Amge ag danab ah ag dahilnu ebehilag oh bodoetta le mette amu, Laa onig Genab Tutukku Hak Kobolnu Amahlak Naɗi, Nug haugppa ehanittak daatte amu, Nug ag ehanadkku. Nug anam heeb, ag geha gamalag huanaknab ahakku; makau nag ag ahilag aɗ ooppanu gikkiɗah lakkulagnu dimittim dona, gamag ahakppa oolna tena, oolna netteb bia ag gamalag ahakku.

Matyu 18:25

amge nug lonnu nob eɗukkunu elele iitta. Amunu king nug nuhikkud daup ag danab amu, ah nuhig, nug bekkod aɗekkud, amu nuhig keeke oh ele ee oɗiak abenppa maadppeg, danab laala ag daden meppeg, king nug amuppa lonnu nob eɗua aokkun aum.

Matyu 18:30

Nug anam awa aum, amge laa nug uua he, ag omalna gona, maniguittak ooppa meeg dayeye, nuhig lonnu daden nob oh eɗua mettowa, nug eɗua dimittim dokkunu aum.

Matyu 18:35

Anam amunu ag lailagnu eheɗ hak oolag ohppa uhuqna ii medappeg amu, da Mamel, hab aabppa daatte, Nug ele ahilagppa anamib hekku,” awa aum.

Aposel 13:26

O lailad, ag laala Abraham buɗubppan danab, amu ag laala iitta aɗi danab ag Kayaknu ebehilag oh bodoetta le mette amu, ag oh doyeg! Kayak Nug danab eɗua diiadkkunu aum amu, Nug ig oh, ihinignu aum.

Jems 2:13

Aɗinu? Danab laa nug layagnu oo gai-iitta doya oo metta ehanittak kobol ii dim lamidtte, nug layag eheɗ heumnu nob nau medatte, nug nob nau amu medakkunu ii uutte amu, Kayak Nug danab amu hettoɗiakppa nob nau medakku. Amge danab laa nug layagnu oo gai-iitta doya oo metta ehanidtte, nug hipuninnu nob nau ii medatte amu, nug geha hettoɗiakppa nob nau ii aoma. Oo gai-iitta doya oo metta ehanittak kobol am nob mettak kobol eɗidtte!

Revelesen 15:4

O Naɗi, na aakkuib oppiaawak daattem amunu, aun laa ag nahipnu ebehi oh bodoetta le mak ii doon, na binan amahlak oppiaawak ele ii mekkulag? Atu atu danab oh uɗin, na noomppaib dup nona binan mekkulag. Nahip genab tutukku hak kobol am miag atia beum amunu, ag hekkulag,” aon appig.

Revelesen 19:5

Ag anam aeg, sia king ⌊anuqak⌋, amuppanu amu baag laa ewa aum. “Ag Kayaknu maɗi nid, ag Kayaknu ebehilkad oh bodoetta le mette amu, ag okkai okkai, naunau ele ag oh ag ihinig Kayak binag meig!” awa aum.

Rut 1:3

Naomi gamu Elimelek nug mauhom. Mauhe, Naomi bekoɗ ele ag akka daappig.

1 Samuel 22:2

Ag anam daaegeg, danab kuɗum uɗieg, Dawit ele daappig. Amu ag oolagppan laala ag uug nauppa daappig; am oolagppan laala ag lon mameg men doɗo amu eɗun ii medappig; am ag oolagppan laala ag gabmannu lamittak kobolnu, amu keeke laalanu ele bahilag yom. Ameg amu ag ahan uɗieg, Dawit ele daappig. Dawit nug ahilag ikki danab dayom; 400 danab anam amu, ag uɗieg, Dawit ele daappig.