2 King 3:3 - Nobonob Baibel

³ Amge Joram nug Nebat bekka Jeroboam hipunin hatta he, Israel danab ah ag hipunin amu ele hadappig amu, Joram nug hipunin diig laippu amuib nug ele hattom. Nug hipunin amu hekkunu ii uua di-ii-mettom.

2 King 3:3 ပူးပေါင်းရင်းမြစ်များ

1 King 13:33

Keeke amu beum, King Jeroboam nug anttom, amge nug nuhig kobol eheɗ ii uuom. Iitta. Nug baula nukka kayak hambuppuak dilag mettid lag nakokppa ag mana mettak uɗat hekkulagnu, nug danab ah oh dilagppanu mana mettak danab daaglagnu danab diia otiattom. Danab aun nug mana mettak danab daakkunu oo dayom amu, Jeroboam nug danab am uɗat amu hekkunu baɗ mettom.

1 King 14:16

Jeroboam nug hipunin hatta he, Israel danab ah ag ele hipunin amu hadappig amunu, Yawe Nug uuatteb, ahilag kekeɗ ag eɗadkkulag,” awa aum.

1 King 14:9

Amge na amu, na eheɗ hak huan heme; eheɗ hak nahip am king anukka daappig, amu oolagppa aun laa eheɗ nau heum amu, nahip eheɗ hak am nuhig eɗidtte. Na da dimeɗan autna aon, kayak hambuppuak golppa haatame. Na kobol amu heme, amuppa na he, da oppoɗi bak doottem. Na da na dimunppa meiɗme.

1 King 15:26

Nug Yawenu neekkakppa eheɗ heum. Nug mamegnu hak dim lamitta, hipunin mameg heum ele heum. Hipunin nug heum ele amu, hipunin amuam nug mameg Jeroboam hipunin amu ha he, Israel danab ah ag hipunin amu ele heppig.

1 King 15:34

Nug Yawenu neekkakppa eheɗ heum. Nug Jeroboam, nug nuhig oiyak dim lamitta, nug Jeroboam hipunin ha he, Israel danab ah ag hipunin amu ele heppig amu, nug nuhig hipunin amu ele dim lamitta oiyom.

1 King 16:31

Nug Nebat bekka Jeroboamnu kobol awa, nug hipunin heum amubia nug heum. Nug amu heum, amge nuhig dabmakppa amuam keeke hamu, nug nuhig haknu uug ii doyom. Iitta! Nug nau hak amu nug tuɗitta, nug Saidon aab okkainu King Etbal aɗeg Jesebel awa, am nug Saidon dilag kayak hambuppuak Bal noobppa dup noa binag meum.

2 King 13:11

King Jehoas nug Yawenu neekkakppa eheɗ heum. Nug Nebat bekka Jeroboam hipunin hatta he, Israel danab ah ag hipunin amu ele hadappig amu, nug nuhig kobol amu dim lamittom. Nug hipunin amu hekkunu ii uua, di-ii-mettom.

2 King 13:2

King Jehoahas nug Nebat bekka Jeroboam hipunin hatta he, Israel danab ah ag hipunin amu ele hadappig amu, nug nuhig kobol amu dim lamittatta, nug Yawenu neekkakppa eheɗ heum. Nug hipunin amu hekkunu ii uua di-ii-mettom.

2 King 13:6

Amge Israel ag Jeroboam hipunin hatta he, Israel danab ah ag hipunin amu ele hadappig amu, ag hipunin amu hekkulagnu ii uun, di-ii-medappig. Iitta. Ag tuɗidna heppig. Laa amu, ag heeg, kayak hambuppuak Aserah dabmekkulagnu biidod am Samaria appa tuɗitta dayom.

2 King 14:24

Nug kobol eheɗ Yawenu neekkakppa heum. Nug Nebat bekka Jeroboam hipunin hatta he, Israel danab ah ag hipunin amu ele hadappig amu, nug hipunin amu hekkunu ii uua, di-ii-mettom.

2 King 15:18

Nug Yawenu neekkakppa eheɗ heum. Nug Nebat bekka Jeroboam hipunin hatta he, Israel danab ah ag hipunin amu ele hadappig amu, Menahem nug king dayaya, haen amu oh nug hipunin amu hekkunu ii uua, di-ii-mettom.

2 King 15:9

Sekaraia nug Yawenu neekkakppa eheɗ, mamekkud aɗi heppig bia heum. Nug Nebat bekka Jeroboam hipunin hatta he, Israel danab ah ag hipunin amu ele hadappig amu, Sekaraia ele nug hipunin amu hekkunu ii uua, di-ii-mettom.

2 King 17:21

Anukka Israel, Juda ele oh aa King Dawit, nug buɗub ele waappa daappig. Amge dimppa Yawe Nug he, Israel buɗub ag oppatna, huu laa gemu ahilagnu ag “Israel” atteb amu, huu amu ag Juda buɗub uuadna, laih daanna, aria Israel ag ahan, Nebat bekka Jeroboam aon, ahilag king otieg, nug ahilag king beum. Amge Jeroboam nug ag eeɗatte, ag Yawe uun, ag hipunin okkai okkai aakku heppig.

2 King 17:22

Amu dimppa ele Israel ag hipunin digdig Jeroboamnu amu ii uuppig; ag dim lamidnana heppig. Ag hipunin amu ii uuadna, di-ii-madappig.

2 King 17:23

Ag anam heegeg ukke ukke, Yawe Nug nuhikkud maɗi nid, propet, Nug ag oɗelagppa nau aomnanu nai ag amelagppa mattiom, amge ag nai amu uueg, amu Nug nai amu ippuanattom bia, Nug he, ag Nug noobppa ii daappig. Asiria ag banelag uɗin, Israel eɗadna, appalag diigppanu diin, Asiria wanppa ukkaeg, ag wan amuppa diia ukka laih me dayak danab ah appa daappig. Gemu ele ⌊nai imu yaak haenppa,⌋ ag appa ana daatteb.

2 King 21:16

Amu Manase nug Jerusalem appa danab ah eheɗ laa ii heppig kuɗum, huanak aqe mauhppig. Nug anam ha, amu nug ele he, Juda danab ah ag hipunin heppig. Ag hipunin amu henana, ag Yawenu neekkakppa eheɗ heppig.

2 King 23:15

Amu Josaia nug amu oh ha, nug ele Nebat bekka Jeroboam nug hipunin hatta he, Israel danab ah ag hipunin amu ele hadappig, nug anukka aab Betel appa mettid lag nakok, qaɗab laa ele qe daapiɗ amu, Josaia nug Betel appanu mettid lag nakok, qaɗab amu ele he nauhom. Nug amunu men he aoɗeg kalu ne, nug kayak hambuppuak Aserah dabmekkulagnu biidod, appa dayom ele, nug amu ele mane ewom.