Ukka, nug Yawenu mettid lag odppa biidod elab galak daatte, amu guguittak king bau amu hibaitta, king hetteb bia ha dayeye daaegeg anttom. Nug ban daup ikki, am trampet iwalak danab ele oh ag king guguittak daaegeg anatta, laa amu nug Juda danab ah oh appa daappig, ag gamalag ahe henana, laa trampet iwalegeg ele anattom. Atalia nug amu antta, nug nuhig lamen elab pattiɗa, nug eum. “Ag ɗo tippalna, da uuiɗna, laa okkai daakkunu hetteb!” awa eum.
2 King 23:3 - Nobonob Baibel3 King nug nai amu ebqewowa, nug Yawenu mettid lag, amuppa biidod daugppa, nug aguppa, Yawe noobppa daye, nug nug tituana nai qakkak amu dim lamidkkunu nai baula qakkom. Nug nai amu qagakka, nug Yawe dim lamittatta, Yawenu haknunab anak, nuhig ɗo iɗu iɗu oh ele nug meu ohppa, oo ohppa ele dim lamitta, nug nug tituana nai qakkak bukppa nai aɗi aɗi dayom amu, nug nai amu ele dim lamidkkunu Yawe amegppa aum. Nug amu hekkunu amu, nug aɗi aɗi nai buk itoɗiak amuppa dayom ele, nug amu oh dim lamidkkunu aum. Nug anam he, dimppa danab ah oh ag ele nug tituana nai qakkak amu dim lamidkkulagnu appig. အခန်းကိုကြည့်ပါ။ |
2 King 23:3
36 ပူးပေါင်းရင်းမြစ်များ
Aria Kayak, Nug am maɗoɗ diig daatte amu, Nug he, ihinig Naɗi Jesus Nug mauhak oolagppanu eɗua hibaittom. Jesus tiig ne mauhom, amu Kayak Nug Jesus tiigppa nug tituana nai qakkak bau hanhannu ɠagattag qettom. Amu Kayak Nug heeb, keeke ena oh ag nuhig dabmak dim lamidkkulagnu elele daaglagnu ahilagppa dayeb, Nug ig oonigppa aɗi hekkunu oo daatte amu hekkunu ool daatte. Jesus Nug am sipsip gumak danab bia ihinig gumikkak danab anuqak okkai daatte. Binag amahlak oppiaawak ele hanhan alet ele nuhigppa dayaɗ! Genab!
Anam amunu ig Israel danab ah, ig ⌊na Kayak, ig na dim lamidkkunignu⌋ nai qagattem amu, ig nai qakkak amu pepappa yaat, ihinkad ikki danab, ihinkad mana mettak danab, ihinkad Lewi buɗubppan mana mettak danab iitta ele amu, ag ig genab nai amu dim lamidkkunignu ahilkad at stemp-ppa daatteb pepa amuppa yaatteb.
Anam amunu, dahil naɗi, na laa ele ag na hettem bia, ag Kayaknu ɗonu ebehilag oh bodoetta le mette ele amu, na, ag ele oh, ag ulum nai aɗi laa ig megappeg, ig amu dim lamidta, ig ah laihnu diimut ele, ig ag, ahilkad nid ele apput, ag gokkulagnu, ig, na, nahipad ehanittak amu ele, ig ihinig Kayak noobppa nug tituanta nai qagatu! Ɗo ippunigtte bia ig hetu!
Ukka, nug Yawenu mettid lag odppa biidod elab galak daatte, amu guguittak king bau amu hibaitta dayeye anttom. Nug ban daup ikki, am trampet iwalak danab ele oh ag king guguittak daaegeg anatta, laa amu, nug Juda danab ah oh appa daappig, ag gamalag ahe henan eeg, laa trampet heegeg, laa ag musik haknu keeke aɗan, binag maknu ahi guman daaegeg anattom. Atalia nug amu antta, nug nuhig lamen elab pattiɗa, nug eum. “Ag ɗo tippalna, da uuiɗna, laa okkai daakkunu hetteb!” awa eum.
Yawe Nug Israel ele Horep appa nug tituanna nai qagappig. Aria, Moap appa Yawe, ag ele baula nug tituanna nai qagappig. Amuam nug tituanna nai qakkak bau, qauko Horep appa heppig am tuɗittak. Amu Yawe Nug Moses, Israel amelagppa, ag nai amu dim lamidkkulagnu, ag attem attem hekkulagnu amelagppa ab dooglagnunab aum am, amuam aakku.
Moses nug amu oh mattia mala, nug nai tuɗitta mattiom. Haknunab anak, ɗo iɗu iɗu ele da ag ippunadkkulnu hettem amu, Yawe, ahilag Kayak, Nug ag Jodan le mataɗna gona, wan appa daatte, ag aon daaglagnu hetteb ele, ag wan amu aon, appa daanna, ag ɗo imu oh dim lamidkkulagnu appi dooglagnu amelppa aum.
⌊Amge Yawe Nug nai amu Moses amegppa ii aum haenppa amu, haen amuppa⌋ Moses nug noa, nug danab ah nai oh Yawe mattiom, amu ɗo oh ele mattom, nug amu oh ele ag amelagppa aum. Nug anam a amu, danab ah oh ag nai amu doon, ag oh oɗelag ooho, ag appig, “Ig geha Yawe Nug keeke oh hekkunignu aumbia amu, ig anamib hekkunig,” aon appig.
Tumaiib ag oolag eɗue, ag kobol laa dahil neekkakppa am kobol tutukku, ag amu dim lamidna heppig. Ag anen anen ag Hibru danab ah ahilkad maɗi nid daappig ele, ag ag uhuqatteg, ag aakku uhuqak aon, hamu daappig. Ag kobol ena amu heppig ele amu, ag hamu dabmenan, ii heppig. Iitta. Ag amu hekkulagnu lag laa, lag amuppa da onil daatte amu, ag lag amuppa ag amu hekkulagnu nug tituanna nai qagappig.
Ag amu hena malaeg, da lamen elab dahil aɗe uɗale, da ami. “Da lamen aɗe uɗali, aɗi keeke lamenppa daatte gotte, amubia ag anuqak danab oh, ag nai Kayak onigppa ɠagattag qedappig, ag amu ii dim lamidkkulag dayeb, Kayak Nug ahilagppa da hettem bia ahilagppa heeb, ag keeke iitta ele daaglagnu ool daatte. Ge, danab aun nug nuhig nai amu ii dim lamidkku amu, nuhigppa anam baɗ!” awe ami. Da anam ai, danab oh daappig ele, amu oh ag, “Genab, anam dayaɗ!” anana, ag Yawe binag meppig. Anam amunu, anuqak danab, Juda dilag ehanittak anuqak danab ele, ag appig bia heppig.
ကြော်ငြာတွေ