2 King 22:2 - Nobonob Baibel

² Josaia nug Yawenu neekkakppa kobol genab tutukku ele dim lamittom; nug alag Dawit kobol oh heum bia, nug heum. Nug ib ena dim lamittom. Nug ib eheɗppa ii ukkom.

2 King 22:2 ပူးပေါင်းရင်းမြစ်များ

1 King 11:38

Am na geha dahil haknunab nai oh dim lamidna, ib ena da tituanmi, amuppa na oinna, na ɗo nai oh, haknunab nai dahil ele dim lamidnana, amuppa na kobol oh dahil neekkakppa am ena ele heppe, dahil maɗi nid Dawit heum amubia, am da na ele daaɗa, da na ehanidkkul. Da heppi, na Israel dilag king daakkut. Am haen oh geha, da heppi, na buɗunad oolagppanu laala ag ahilag haen anen anenppa ag geha king daaglag. Da Dawitnu hemi amubia heinne, Israel medappi gumadkkut.

1 King 15:11

Amu Asa nug king dayaya, nug Yawenu neekkakppa kobol genab tutukku ele dim lamittom; nug alag Dawit heum bia amu, nug heum.

1 King 15:5

Yawe Nug Dawit daug ii atiom. Aɗinu? Dawit nug Yawenu neekkakppa kobol genab tutukku ele dim lamittom. Nug nuhig wanppan oiyaknu maɗ oh nug Yawenu haknunab anak oh dim lamittom. Haen laippu aakkuib nug Kayaknu nai tappe ne, eheɗ heum. Haen amuppa nug Uraia, nug Hit buɗubppan danab amu, nuhigppa nug eheɗ heum.

1 King 3:6

Kayak Nug anam a amu, Solomon nug aum. “Da mamel Dawit, nahip maɗi nid amu, nug nahipnu oo metta ii uuak kobol dim lamittatta, nug genab tutukku hak kobol ele heum amunu, na oo mauhaknab kobol okkainab nuhignu doon dim lamidme. Am gemu ele anamib na nuhignu oo mauhaknab doonna, na hee, da, nug bekka, da nug abenabppa king daattem.

2 King 12:3

Amge Joas nug aabaabppanu mettid lag nakok ii loppaɗattom; daaegeg, danab ah ag aben amuppa tuɗidna gona, mana mettak henana, ag appa ele kalu danab ile muttuɗig enanag bette ele manappig.

2 King 14:3

Amasaia nug Yawenu neekkakppa kobol genab tutukku ele dim lamittom; nug mameg Joas heum bia, nug heum. Amge nug alag anukkanu King Dawit kobol heum, nug kobol anam ii heum; iitta.

2 King 16:2

Ahas nug maɗ 20 dayaya, nug king ba dayom. Nug king ba, nug Jerusalem appa maɗ 16 king dayom. Amge nug Yawe, nuhig Kayak, nug nuhig neekkakppa kobol genab tutukku ele ii dim lamittom; nug alag Dawit heum bia ii heum.

2 King 18:3

Hesekaia nug Yawenu neekkakppa kobol genab tutukku ele dim lamittom; nug alag Dawit heum bia, nug heum.

2 Stori 17:3

Jehosapat nug king abenabppa ta dayaya, nug mameg anukkanu Dawit, nug Yawe dim lamittom bia heum amunu, Yawe Nug Jehosapat ele daapiɗ. Jehosapat nug kayak hambuppuak Bal iɗu iɗu anatta dim lamadkkunu nug ii mattiom.

2 Stori 29:2

Hesekaia nug Yawenu neekkakppa kobol genab tutukku ele dim lamittom; nug alag Dawit heum bia, nug heum.

2 Stori 31:20

Hesekaia nug Juda wan ohppa anam heum. Nug Yawe, nuhig Kayak, nug nuhig neekkakppa, keeke ena, keeke tutukku, kobol ena haknu oo metta ii uuak kobol ele dim lamittatta heum.

2 Stori 34:1

Josaia nug maɗ eblaih ewamppaib dayaya, nug king ba dayom. Nug king ba, nug maɗ 31 Jerusalem appa king dayom.

Prowerb 20:11

Nid nakok amu, nug diig attemu, nug aɗi hette amuppa nug epponak he anidttem; nug kobol oppiak ele, kobol genab tutukku ele dim lamidttetai, na nug aɗi hettep-ppa diig anidkkut.

Prowerb 4:27

Na ib tutukku, amuib mattan oiye! Na aib naɗiap-ppa, o iitta, nanehppa gome. Na kobol eheɗ aib heme.

Sepanaia 1:1

Haen Amon bekka Josaia nug Juda dilag king dayeye, Yawe Nug nai imu Sepanaia mettom. Sepanaia nug Kusi bekka. Kusi mameg am Gedalaia. Gedalaia mameg am Amaraia. Amaraia mameg am Hesekaia.

Duteronomi 5:32

⌊Yawe Nug Moses amegppa anam aum amunu, Moses nug Israel amelagppa aum.⌋ Anam amunu, ag Yawe, ahilag Kayak, ag nuhig haknunab nai oh tutukku dim lamitteg; ag aib dabmak laa aon baolippig!

Josua 1:7

Ge, na ɠagattag daan, na ootppa ɠagattagnab doye! Na aɗi aɗi hekkutnu henana, na enaib hekkutnu na ɗo oh, dahil maɗi nid Moses na mettom ele amu, na amu oh dim lamitte! Na ib apiɗidna, na naɗiap-ppa, o nanehppa aib gome.