2 King 20:3 - Nobonob Baibel

³ “O Yawe, na dahil hak imu dabmekkutnu oɗ medattem. Da na noomppa oo metta ii uuak kobol dim lamitte oiyeye, da meul ohppa na dim lamidkkulnu heine oiyeye, da amenppa kobol aɗi aɗi am ena, da amu dim lamidmi.” Hesekaia nug anam unuqittowa, nug huana gayom.

2 King 20:3 ပူးပေါင်းရင်းမြစ်များ

Genesis 17:1

Aria dimppa, Abram nug maɗ 99 dayeye, Yawe Nug gumitta na, nug amegppa aum. “Da am Kayak Dakka Ɠagattag Oh Ele. Na dahil neekkakppa danab ooppa kaliak laa iitta ele oiye!

Genesis 5:22

Metusela doum dimppa amu, Enok nug maɗ 300 baula dayeye, Kayak ele oittapiɗ. Haen amuppa nug bekkod aɗekkud laala ele, ag doppig.

Genesis 5:24

haen amuppa nug Kayak ele oiyya, Kayak Nug Enok awom amunu, nug wanppa baula ii dayom.

Genesis 8:1

Le hiɗ naɗi anam ba daye ukke, Kayak Nug Noa, nug baekkudppa ele, doɗ dakkuɗ, doɗ aabppanu ele, ag Noa ele uubppa daappig amu, Nug amu oh dilag dabmak awa he, ulah uɗia le iwale, digma hiɗa noum.

1 King 11:4

Solomon nug kaino meeme, ah amu ag heeg, nuhig dabmak amu eɗue, nug kayak hambuppuak gumatta ukkom. Nug mameg Dawit, nug Yawe meu ohppa dim lamittom amu, nug kobol amubia ii heum. Iitta.

1 King 15:14

Genab, Asa nug aabaabppanu mettid lag nakok oh ii loppaɗom, amge nug bau dayaya, haen amu oh nug meu ohppa Yawe dim lamidkkunu dayom.

1 King 2:4

Amu na Yawe oɗe dim lamidkkutnu diig laa am, na Nug waappa daappe, Nug anukka dahilnu keeke laa hekkunu da amelppa nai ana qakkom, am heeb bekku. Nai qakkak amuam inam. ‘Nahip nid ag ahilag oiyak atognokkulag dayeb, ag oo metta ii uuak kobol dim lamidna, da noolppa tutukku oiglag dayeb amu, geha haen oh da heppi, na buɗunppanu laa ag anen anen ahilag haenppa Israel dilag king bena, sia kingppa daaglag.’ Yawe Nug anam aum amunu, Solomon, na nuhig nai amu, na oh ena tutukku dim lamidppe, Yawe Nug nuhig nai ana qakkom amu, Nug ii loppaɗma. Iitta.

1 King 3:6

Kayak Nug anam a amu, Solomon nug aum. “Da mamel Dawit, nahip maɗi nid amu, nug nahipnu oo metta ii uuak kobol dim lamittatta, nug genab tutukku hak kobol ele heum amunu, na oo mauhaknab kobol okkainab nuhignu doon dim lamidme. Am gemu ele anamib na nuhignu oo mauhaknab doonna, na hee, da, nug bekka, da nug abenabppa king daattem.

1 King 8:23

nug unuqitta aum. “O Yawe, na am ig Israel, ihinig Kayak. Kayak laa na bia habppa, o honap wanppa ele, laa ii daatte. Amu na nahipad maɗi nid maɗi ah ele, ag meulag ohppa nahip ib dim lamittegeg, na hee, na danab ah amu ele ag nug oo mauhaknab doyaknu nug tituana nai qakkak hetteb amu, na nug tituana nai qakkak amu ii okkulttem.

1 King 8:61

Aria, gemu amu da ag Israel, ag haen oh ag meulag ohppa Yawe, ihinig Kayak, ag Nug waappaib daaglagnu, ag haen oh ɠagattag daanna, nuhig ɗo nai, nuhig haknunab anaknu nai ele, gemu hetteb imu bia hekkulagnu ool daatte,” awa aum.

1 King 9:4

Amu Solomon, nahipnu amu, na da noolppa dabmak oiyak ele tutukkuib dayaknu kobolppa, na genab tutukku hak kobolppa ele na mamen Dawit heum bia oinna, na dahil haknunab anak oh, dahil ɗo iɗu iɗu ele na dim lamidkkut dayeb amu,

2 King 20:2

Aisaia nug Hesekaia amegppa anam a, Hesekaia doya, nug eɗua, laug gililppa neekkakka, nug Yawe unuqitta aum.

2 King 20:4

Hesekaia nug amu he, Aisaia nug king laugnu gamagppan haɗap ii uuom haenppa, Yawe Nug nuhig nai imu Aisaia mettom.

2 Stori 16:9

Aɗinu? Yawe Nug aun nug Nugib dim lamidkkunu meu ohppa dabmette ele antta, nug ɠagattag medakkunu hanhan danab wanppa oitteb ele neekkadtte. Nug na ele kekeɗ eɗadkkutnu ɠagattag mettalo. Na heme am, na dabmak tutukku iittappa heme amunu, na hanhan ban anidnan daakkut,” awa aum.

Nehemaia 13:14

O Kayak dahil, da uɗat amu aakku anam hemi amunu, na dahilnu dabmekkutnu oɗ medattem. Da na laut ena daakkunu, appa uɗat na haknu ɗo meme amu, laa ag uɗat nahip amu pehettak, elele hekkulagnu elele daaglagnu ele uɗat heinne daami amu, na amu obippe, ii hemibia daamanu oɗ medattem.

Nehemaia 13:22

Da amu hewoya, da Lewi buɗubppan mana mettak danab iitta, ag Kayak ele ouqa dayaknu elele daaglagnu beɗulag, oolag ele bappaidna gona, od gumak uɗat hekkulagnunab ag amelagppa ami. Ag amu heppeg, Sabat deɗ, deɗ amuam Kayaknu tituanak daatte, deɗ amu anam daakkunu anam hemi. O Kayak dahil, uɗat dahil amunu ele na dahilnu dabmekkutnu oɗ medattem. Na oo mauhaknab kobol nahip dim lamidna, dahilnu oot gai-iitta doon oot meɗan ehaniɗkkutnu oɗ medattem.

Nehemaia 13:31

Laa ele amu, da danab ah ag deɗ deɗppa aab aon meppeg, mana mettak danab ag aab amuppa qaɗabppa doɗ manadna, Kayak mettaglagnu ib bappaidmi. Laa amu, da danab ah ag dattanu ee tatam oɗutte ele aon uɗin, Kayaknu mettid lakka mekkulagnu ele ib bappaidmi. O Kayak dahil, na dahilnu dabmena, ehaniɗkkutnu oɗ medattem.

Nehemaia 5:19

O Kayak dahil, da danab ah imu ib anamppa ehanadkkulnu aakku hemi amunu, na dahilnu dabmenana, ena aniɗkkutnu oɗ medattem.

Job 1:1

Anukkanab danab laa onig Job nug Us wanppa dayom. Danab amu nug Kayaknu neekkakppa ooppa kaliak laa iitta ele. Nug genab tutukku hak danab. Nug Kayaknu ebehi oh bodoetta le me, nug eheɗ laa hekkunu uua autanab awom.

Job 1:8

Satan nug anam a, Yawe Nug Satan aum, amu doya, Nug aum. “Na dahil maɗi nid Jobnu attem dabmettem? Wan ohppa danab laa nug bia laa iitta. Nug dahil neekkakppa danab ooppa kaliak laa iitta ele. Nug genab tutukku hak danab. Nug dahilnu ebehi oh bodoetta le me, nug eheɗ laa haknu am uua autanab aotte,” awa aum.

Job 16:20

Wan imuppa da lailad ag dahilnu, ‘Keeke hamunab,’ dootteb. Ag anam dooiɗegeg, da Kayak unuqittitti, amel leb huanaknab nette.

Job 4:6

Na ebehin oh Kayaknu bodoetta le mette amunu, na qinob Kayak eɗua ehanitteb, na ena daakkutnu dabmak aɗan oikkutnu elele iittate? Ao, na Kayaknu neekkakppa danab ooppa kaliak laa iitta ele daattem amunu, na eɗun, ena bekkutnu dabmak aɗan oikkutnu elele iittate?

Sam 102:9

Dahilad kekeɗ ag amu hettebnu diig am ⌊da naunab daattem⌋. Da uhuɗ ee dahil bia lattem. Da amel leb naana, dahil le ougppa no lattem.

Sam 119:26

Da attem attem daattemnu ai, na da oɗelppa aome. Na da ɗo nahip ippuniɗkkutnu oɗ medattem.

Sam 119:49

Na da, da am nahip maɗi nid amu, na da ehaniɗkkutnu ame amunu, da ena baknu dabmak aɗa oiyak aɗe daye, na nahip nai amu daut atimanu oɗ medattem.

Sam 145:18

Yawe Nug danab ah oh ag Nug onigppa etteb ele, Nug ag guguattak daatte. Ao, Yawe Nug danab ah ag kobol doyak diig genabibppanu betteb, ag amu dim lamidnana, ag Nug onigppa etteb ele amu, Nug ag guguattak daatte.

Sam 25:7

Da nid bau dayeye hipunin qein, nai tappe nak kobol ele dim lamidmi amu, na amu oh uhuqna meɗan, dab-ii-mekkutnu oɗ medattem. O Yawe, na enaib daanna, enaib hettem, amunu, na oo mauhaknab kobol nahip dim lamidna, dahilnu ena hekkutnu unuqidttem.

Sam 26:1

O Yawe, da nahipnu oolppa genabnab doye, nahip neekkakppa da oolppa kaliak laa ii dayeye oimi amunu, na heppe, tutukku hak dahil am miag atiak daakkunu oɗ medattem.

Sam 26:3

Aɗinu ⌊na anam hekkutnu ool daatte⌋? Da oo mauhaknab kobol nahip hanhan doyeye oittem. Ao, da hanhan nahip nai genab dim lamitten oittem.

Sam 32:2

Danab laa Yawe Nug nuhig hipunin uhuqa mettom daatte, bu laa aokkunu ii daatte amu, danab amu nug itittak ena awom daatte. Ao, danab laa nug ooppa hambuppuak laa ii daatte amu, nug itittak ena awom daatte.

Sam 39:13

Da mauhen, wanppa ii daapa, amge da ii mauhmi, haen gamag imuppa amu, da eɗue, ool gamag ahak ele daakkulnu amu, na da baula bu ii iumnanu oɗ medattem.”

Sam 6:6

Da aeqakkai qakkai, ɠagattag dahil oh iitta meum. Tuqan ohppa amel leb niiak aben dahil he bauɗtte. Ao, da gayak huananab heiyi, ikkil uɗun bauɗtte.

Sam 6:7

Da gayak huanaknab hei, amel gai-iitta meum. Ao, da kekeɗalad dilagnu gaai gaai, amel gai-iitta meum.

Sam 89:47

Na da, laa oh ele, ig bau dayak ihinig haen elab ii daatte amu, na amunu dabmekkutnu oɗ medattem. Ao, na ig danab ah oh mauhttem amu, na ig dabmegakkutnu unuqidttem!

Sam 89:50

O Naɗi, na nahip maɗi nid da uɗa nak nau guittak ele doottem amu, na amu dabmekkutnu oɗ medattem! Danab ah ag huana aon aon niɗaegeg, da uug amu oolppa mawe oiyeye, uug nau doottemnu dabmekkutnu unuqidttem.

Aisaia 38:14

Da ai laala, ahilag gayak oqotti teppu iitta ele, da anambia gaami. Uppuɗil beɗulag nakok laa, nug nakok gaatte, da anambia gaami. O Kayak, da gaai ukke, nahip ehanittak anidkkulnu nahipnu neekki, da amel guittom. Da uug doottem. O Naɗi, na uɗin, da ehaniɗkkutnu od medattem.

Aisaia 63:11

Nug anam he, nuhikkud danab ah ag anukka Yawe Nug ag ehanattomnu dabmeppig. Ag Mosesnu haenppa Nug kobol digdig ehanadkkunu heum amu, amuam ag daulagppa doum. Ag amu dabmena, akka akka nug oɗ medappig. “Laa Nug yu gamagppa ib he, ig memetankad aɗi, ahilag okkai Moses ele, ag ib amuppa laih ena goppig amu, Nug gemu adeppa daatte? Laa Nug nuhig Ouɗi Oppiaawak Ele ag oolagppa meum amu, Nug gemu adeppa daatte?

Amos 5:4

Laa amu, Yawe Nug Israel danab ah amelagppa atte. “Israel danab ah, ag bau daaglagnu, ag da aniɗna dim lamiɗkkulagnu da mattiɗna oiyeg!

Luk 1:6

Aa oh Kayak noobppa tutukku oittapiɗ. Aa Naɗinu haknunab anak, ɗo nai oh ele Kayaknu neekkakppa eleleib dim lamidpiɗ.

Jon 1:47

Pilip nug anam a, Nataniel nug Jesus anidkkunu uɗieye, Jesus Nug antta, Nug aum. “Antteg! Umu am Israel ted genab. Nug ooppa am hambuppuak laa iitta,” awa aum.

2 Korint 1:12

Aria, ig keeke laanu maɗoɗppan gamag ahak doottem. Ihinig ooppan oiyak ippunittaknu ulum am keeke amuam genab ippunigtte. Keeke amuam inam. Ig wanppa oimut, gemu ele oittem amu, ig Kayaknu oppiaawak kobol amu nuhig hambuppuak iitta kobol ele aot oimut. Ig danab dabmakppa ii hemut. Iitta. Ig Kayaknu ehanittak okkai hamu megatte, ig amuppa hetata amu, ig ag Korint daatteb oolagppa huana hemut.

Hibru 5:7

Aria, anukka Jesus Nug danab beɗu awa wanppa dayom, haen amuppa Nug Kayak unuqittatta, Nug ele Kayak keeke laala hekkunu oɗ mettom. Nug mauhowa, ib laappa eɗua hippaidkkunu elele iitta, Kayak Nugib anam ehanidkkunu elele dayom amunu, Jesus Nug Kayak amu hekkunu ɠagattag oɗ medatta, ameg leb ne, Nug nukka binag qe ne, Kayak oɗe dim lamittom amunu, Kayak Nug nuhig oɗmak amu oɗeppa awom.