2 King 2:8 - Nobonob Baibel

⁸ Elaiya, Elisa ele aa anam le daugppa daayya, Elaiya nug nuhig ulahnu lamen elab uɗa awa itoɗia, amuppa le makkuɗe, le oppata, laih laih nanehppa, naɗiap-ppa ele ukkaeh, wan qaɗaiette, aa noya goya mataɗpiɗ.

2 King 2:8 ပူးပေါင်းရင်းမြစ်များ

1 King 19:13

Baag bodoettak amu nai mattie, haen Elaiya nug doya amu, nug iɗu nuhig lamenppa hauta, nug dimittim ukka, men oɗe amu oɗeppa hibaitta dayom. Dayeye, baag laa nug inam nug amegppa aum. “Elaiya, na ippa aɗi hettem?” awa aum.

1 King 19:19

Yawe Nug anam Elaiya amegppa aum amunu, Elaiya nug appanu aha ukka, nug Sapat bekka Elisa gumitta ukkom. Elisa nug plau eeɗaknu makau 24 mamelag dayom. Makau amu ag aɗit aɗit plau anen anen eeɗattegeg, danab 11 Elisa ele ag gumadnan lamadppig. Danab laa ag anuqna ukkaegeg, Elisa nug makau nuhikuɗ lamatata, danab laa oh dim lamatta, wan buuom. Nug buuewe, Elaiya nug uɗia, qe-eɗidkkunu haaha, nug lamen nuhig Elisa beɗuppa meum.

2 King 2:14

Elisa nug Elaianu lamen amuppa Elaiya heum bia le makkuɗom. Haen nug le makkuɗaɗa, nug inam aum. “Yawe, Elaianu Kayak, Nug adeppa daatte?” awa aum. Awa a, le oppata, laih laih nanehppa, naɗiap-ppa ele ukka, ɠagattag dayeye, Elisa nug noa ukka, le daug laih teum.

Eksodas 14:29

Amge Israel amu, ag wan qaɗaiettakppa ena goppig. Yu nug laih laih ɠagattag gilil bia dayeye, ag gona, laih mataɗna teppig.

Aisaia 11:15

⌊Amge haen Israel, Juda ele ag eɗun ii uɗippeg, haen amuppa⌋ Yawe Nug heeb, le kokoɗ uttug laih qaɗaietteb, Nug heeb, ulah gakkaɗak naunab ele uɗia, le Yupretis heeb, oppata, le naunau eblaih aɗit ele beeb, danab nug le mataɗkkunu uug iitta doya mataɗkku.

Hibru 11:29

Israel danab ag Kayaknu oolagppa genab dooppig amunu, ag wan qaɗaiettakppa oittem, amubia ag le kokoɗ mataɗna laih wappig. Amge Isip ag anam hekkulagnu heegeg, le tonatte ag oh mauhppig.

Hibru 11:37

Ooppa genab doyak danab laala amu, ahilkad kekeɗ ag menppa makkuɗatteg mauhppig. Laala amu ag hahppa beɗulag otaɗatteg ne mauhppig. Laala amu qep-ppa aqaeg mauhppig. Kekeɗ ag ooppa genab doyak danab amu eheɗ hatteg, ag lamen sipsip o meeme gaɗappa hak takkan, ag keekenu ele daɗeknab daappig.

Revelesen 16:12

Ag oolag ii eɗue, engel ebqak 6 nug oppoɗi bak Kayak Nug danab dilag hipuninnu dootte amu, oppoɗi bak amu tappiɗ nuhigppanu gokkaɗe, Yupretis leppa no, le amu aam bedeppan king ag gona ban hekkulagnu ib bappaidkkunu qaɗaiettom.

1 Samuel 28:14

Ah nug anam a amu, Saul nug oɗ mettom. “Nug iɗu attemu anidttem?” Saul anam a amu, ah nug aum. “Nug bette am, nug danab kaino laa, nug lamen elab takkom bette.” Ah nug anam a, aria Saul nug doyom, nug am Samuel. Saul nug amu doya, nug gateg qaun o, gomela, iɗu wanppa meum.