2 King 2:2 - Nobonob Baibel

² Aa digmeya goyaya, Elaiya nug Elisa amegppa aum. “Na inam daye! Aɗinu? Yawe Nug da Betel gokkulnu aum,” awa aum. Nug anam aum, amge Elisa nug aha, inam amegppa aum. “Yawe Nug genab bau daatte, na ele genab bau daattem, genab amubia, da na ii uuidpa,” awa aum. Awa a, aakku aa oh Betel gopiɗ.

2 King 2:2 ပူးပေါင်းရင်းမြစ်များ

Genesis 28:19

Gokkaɗowa, nug aben amu onig Betel ataɗom. Anukka aab okkai appa dayom ele am onig Lus adappig.

1 King 12:28

King Jeroboam nug anam dabmewowa, nug nuhig dabmak amunu nug nuhikkud doyak danab oɗ maatte, ag ahilag ulum nai aeg doyowa, nug golppa makau gaiɗ aɗit dottolah haatowa, nug nuhikkud danab ah amelagppa inam aum. “Ag haen oh Yawe noobppa dup nona binag mekkulagnu Jerusalem gotteb amu, ag uɗat okkai hetteb. Amge gemu ag baula appa ii gomana. Antteg! Imu am, ag Israel, ag ahilag kayak. Aa ag Isipnu diiya, omaladya uɗipiɗ. ⌊Amunu kayak aɗit imu ag noolahppa dup nona binalah meig!⌋” awa aum.

1 King 12:29

Aakku King Jeroboam nug makau golppa hak aɗit amu laa aab Betel, appa mewowa, laa amu aab Dan, appa meum.

1 King 12:33

Anam dayom. Jeroboam nug nukka nuhig dabmak dim lamitta, nug kalam eblaih ewamppa Israel dilag qagmak gamag ahak ele daakkunu tituanom amu, kalam amuppa, deɗ 15ppa, Jeroboam nug Betel qaɗab qeum amuppa ukka, nug mana mettak heum. Nug qagmak gamag ahak ele amu he be, nug qaɗabppa mana mettak amu hekkunu qaɗabppa ukkom.

2 King 2:23

Dimppa Elisa nug Jerikonu aha, Betel gokkunu ukkom. Ugekke, nid aabppanu nakok kuɗum ag dona, aab dimittim uɗin, ag Elisa anidna, awa awa qettak nai inam appig. “Eee bikkan ele na, na tena ukke, na tena ukke, na bikkan ele, na ippa aib daame,” anam appig.

2 King 2:4

Aa Betel appa daayya, Elaiya nug Elisa amegppa inam aum. “Elisa, na inam daye! Aɗinu? Yawe Nug da Jeriko gokkulnu amelppa aum,” awa aum. Nug anam aum, amge Elisa nug aum. “Yawe Nug genab bau daatte, na ele genab bau daattem, genab amubia, da na ii uuidpa,” awa aum. Awa a, aakku aa oh Jeriko aabppa gopiɗ.

2 King 2:6

Aa Jeriko appa daayya, Elaiya nug Elisa amegppa inam aum. “Na inam daye! Aɗinu? Yawe Nug da le Jodan gokkulnu amelppa aum,” awa aum. Nug anam aum, amge Elisa nug aum. “Yawe Nug genab bau daatte, na ele genab bau daattem, genab amubia, da na ii uuidpa,” awa aum. Awa a, aakku aa oh gopiɗ.

2 King 4:30

Elisa nug Gehasi amegppa anam aum, amge nid anig nug Elisa nug gokkunu ii he antta, nug inam Elisa amegppa aum. “Yawe genab bau daatte, genab amubia da na uuitten ii gopa!” awa aum. Nug anam a amu, aakku Elisa nug ahe, ah amu ele Sunem aabppa gopiɗ.

1 Jon 2:19

Kristusnu kekeɗ ag ig oonigppa daappig, amge ahilag ooppa genab doyak am ihinig ele laippu iitta amunu, ag uuigna goppig. Ag ig ele ooppa genab doyak laippu daalom, ig gemu ag ele laippu daalom. Ag ig uuigna goppig amu, amuam ag ig ele laippu ii daamut ippunigtte.

1 Samuel 1:26

⌊Eli nug Hana ii doyom amunu,⌋ Hana nug amegppa aum. “O naɗi dahil, anukka ah laa nug uɗia, na heqon laihppa dayaya, Yawe unuqittom ele amu, ah amu am da iikkuib. Am ah laa iitta. Na genab bau daattem, genab amubia amu da am ah amu iikkuib.

1 Samuel 17:55

Aria, haen tatam Saul nug Dawit Goliat ele ban hekkulahnu ukkom antta, nug ban daup ikki anuqak Apner oɗ metta aum. “Apner, danab diig attemnab nug am nid bau inam mameg beum daatte?” awa oɗ mettom. Nug anam awa oɗ mette amu, Apner nug nob ma aum. “O king, na genab bau daattem, genab amubia da amu genab ii doottem,” awa aum.

1 Samuel 25:26

Amu O naɗi, Yawe Nug nahip ib oo ne, na nakka, na eppenppa laa nob nau ii mettan qee mauhom amu, Yawe Nug genab bau daatte, na ele genab bau daattem, genab amubia Yawe Nug heeb, nahip kekeɗ laa oh ag eheɗ heidkkulagnu hetteb ele amu, ag Nabal, ⌊gemu laa dilag neekkakppa nauib daatte,⌋ ag anamib daaglagnu ool daatte.