2 King 2:19 - Nobonob Baibel

¹⁹ Elisa nug Jeriko appa dayeye, aab okkai amuppanu danab ag uɗin amegppa inam appig. “Danab okkai, na antte! Aab imuppa dayaknu am enanag. Na aakku anidttem. Amge le am nau, ena iitta. Wan ele am meu ena ii otte,” aon appig.

2 King 2:19 ပူးပေါင်းရင်းမြစ်များ

1 King 16:34

Ahap king dayom, haen amuppa amu Hiel, Betel aabppanu, nug eɗua Jeriko kalom. Haen Hiel nug uɗat amu digma heehe amu, nug bekka Abiram, nid danab tatamnu, nug mauhom. Aria nug aabnu aɗ od okkai amu heehe, nuhig nid danab huh bieg, Segup, nug mauhom. Hiel, nuhigppa keeke beum, amuam anukka Yawe Nug Nan bekka Josua oɗeppa aum, nai amu elele mettom.

1 King 18:13

Haen Jesebel nug Yawenu propet danab aqe mauheg amu, da Yawenu propet danab 100 men oɗe okkai laalappa diie, lokkumatti daappig. 50 laa da men oɗe laappa lokkumattoya, 50 laa am men oɗe laihppa lokkumatti daappig. Maatti daaegeg, da ag ee, le ele mattai lappig. Am na da amu hemi amu, na doottemtai?

1 King 18:7

Aria, Obadaia ugekke, ibppa nug Elaiya ele nug uɗa tepiɗ. Obadaia nug Elaiya doyom amunu, nug gateg qaun o, gomela, iɗu wanppa ma, nug inam awa oɗ mettom. “Na genabte dahil danab naɗi Elaiyate?” awa oɗ mettom.

2 King 2:18

Aria, ag eɗun uɗippig, Elisa nug Jeriko appa amelag meeme, nug propet amu inam amelagppa aum. “Da ag ii gomananu iite ami? Amge ag nai dahil amu ii dooppig,” awa aum.

2 King 2:20

Ag anam aeg amu, Elisa nug inam amelagppa aum. “Ag gona, tappiɗ bau laa aon, yu kalu aon, ooppa mena, aon uɗieg!” awa aum. Nug anam a, ag aakku Elisa aum bia heppig.

Eksodas 15:23

Ag anam oiyona, ag gona, le laa onig Mara teppig, amge le amu lanaknu am nau, oɗelag ninig qeum amunu, ag lakkulagnu elele iitta. Diig amunu le amu onig am Mara.

Eksodas 23:26

Laa amu, da ah oolkad ele ena ehanadppi, ag nid awak haenppa aakkuib nid aoglag. Am da heppi, ah, danab ele oh ag nid menuglagnu elele daaglag. Ele amu, da heppi, ag oh paha ii mauhmana. Iitta. Ag mauhkkulagnu haenppa aakkuib mauhkkulag.

Eksodas 7:19

Amu geha Yawe Nug Moses amegppa inam aum. “Na ⌊Paro amegppa anam awona, na⌋ Aron amegppa appe, nug dudqak hokkat nuhig amu awa, Isip le okkai oh, le nag oh, le ameg oh ele, amu epponattaɗ! Nug anam heeb, le amu oh eɗun, tiig daaglag. Le amu tiig eɗuglag amu, haen amuppa Isip oh dilagppa le tappiɗ, adppa hoippigppa daatte, am nippud menppa heppigppa daatte ele, le amu oh ele eɗun, tiigib daaglag.” Yawe Nug Moses amegppa anam aum.

Hosea 9:14

O Yawe, nahipad danab ah dilagnu amu, da ahilagnu aɗi na oɗ medakkul? ⌊Uug naunab nau nid dilagppa bemanu amu,⌋ da ah ag nid ii menuadmananu, huh leppulkad ele iitta daaglagnu, da amunu oɗ medakkul.

Namba 12:11

Antta, nug Moses amegppa aum. “Dahil naɗi, da Miriam ele i dabmak tutukku iittappa heɗa, kobol amu dim lamidɗa, hipunin imu hemuɗ, amu na hipunin amu uhuqna metakkutnu oɗ medattem.

Duteronomi 28:11

Yawe Nug ag wan madakkunu ag mamelkad aɗi amelagppa anam hekkunu nuhig nai ɠagattag qetta aum, amuppa keeke ena ena ma madakku. Amuam nid naunau kuɗum, doɗ manan kuɗum, amu keh iɗu iɗu kuɗum ele madakku.

1 Timoti 5:17

Ag Kristen danab, ag Kristen tamaniak ikki danab ag tamaniaknu uɗat ena hetteb ele amu, ag danab amunu ena elelenab doyeg! Amu Kristen tamaniak ikki danab, amu oolagppanu laala ag Kayak nai mehuqtteb, danab ah ele nai ippunadtteb ele amu, ag amu dilagnu amu ag anuqaknab doyeg!

Josua 6:17

⌊Am tatam nug ag amelagppa inam aum.⌋ “Aab okkai ooppa amu, danab ah, keeke ele oh am Yawenuib nuhig pelemppa daatteb. Ib baag ah Rahap, nug ihinkad lokkumakppa atu italak danab diia atognoatom amunu, nug, nug laugppan laala ele ag aakkuib anam ii daamana.

Josua 6:26

Haen amuppa Josua nug nau aomnanu dabmettak nai aum: “Aun laa nug Jeriko aab okkai eɗua buukkun hekku amu, nug Yawe noobppa eheɗ laa awaknu anak waappa daakku. Aun laa nug anam hekku dayeb amu, nug digma buuebeb, nug nid danab tatamnu am mauhkku, amu nug bekka dimnunab am aab okkai eɗua buua malakkun haaha mauhkku,” awa aum.