2 King 2:12 - Nobonob Baibel

¹² Elisa nug ulah kilibob amu Elaiya awa ukke antta, inam baag okkaippa eum. “Mama dahil, mama dahil. Na Israel dilag ehanittak danab ɠagattag. Na Israel dilag daup ag bannu karis attan daan, ban hetteb, daup ag hos attan daan, ban hetteb ele, na amubia daattem,” awa eum. Elaiya nug ukke, Elisa nug baula Elaiya ii anttom amunu, Elisa nug ooppa uugnab doyom. Nug anam doyom amunu, nug nuhig lamen elab dimittimnu amu aɗa, gamagppa pattiɗom. Pattiɗe, aɗit daapiɗ.

2 King 2:12 ပူးပေါင်းရင်းမြစ်များ

Genesis 37:34

Anam ana amu, nug nuhig lamen pattiɗa, lamen heɗiag ele awa ma, bekka haen elab mahittom.

Genesis 5:24

haen amuppa nug Kayak ele oiyya, Kayak Nug Enok awom amunu, nug wanppa baula ii dayom.

2 King 13:14

Haen Jehoas nug Israel dilag king ba dayeye, haen amuppa Elisa nug oɗe okkai awa dayeye, Israel dilag king Jehoas nug anidkkunu ukka, mahitta gayaya inam aum. “Mama dahil, mama dahil. Na Israel dilag ehanittak danab ɠagattag. Na Israel dilag daup ag bannu karis attan daan, ban hetteb, daup ag hos attan daan, ban hetteb ele, na amubia daattem,” awa aum.

2 King 2:13

Haen Elaiya nug awe attan te, dimittimnu lamen nuhig amu uɗitta eɗua wanppa neum, Aria, gemu Elisa nug Elaianu lamen amu awa, nug eɗua Jodan leppa ukka, le daugppa hibaitta dayom.

2 King 5:13

Ukkom, amge Namannu maɗi nid ag gumidna doeg, nai mattin, ag nug amegppa appig. “O ihinig danab okkai, propet amu nug na keeke laa uɗat okkai ele hekkutnu amenppa alo amu, ig doottem, na helom. Amge nug na keeke anam haknu laa ii mattiom. Iitta! Nug na amenppa tutukku le laappe, nahip oɗe amu iitta mekkunu aum. Amunu na nuhig nai, ‘Na le laan, ena bekkut amu, na amu dim lamidkkut amu enaib,’ ” aon appig.

2 King 6:21

Ag anam gona, Samaria tena daaegeg, haen Israel dilag king nug Aram ban danab amu anatta, nug Elisa inam oɗ mettom. “O dahil danab okkai, da aqadkkulte? Da aqadppi mauhkkulagte?” awa oɗ mettom.

Job 22:30

⌊Na Kayak waappa tutukku anam daakkut dayeb amu, na Kayak oɗ medappe,⌋ laa ag beɗulagppa aab ele amu, Nug ⌊nahip unuqittak doya,⌋ ag ehanatteb, ena daaglag. Ao, na Kayak waappa tutukku anam daakkut dayeb amu, na eppenppa dubuttid laa ii daama amunu, Nug anam hekku.” Elipas nug Job amegppa anam aum.

Prowerb 11:11

Haen Kayak Nug nuhikkud danab ah, ag genab tutukku hak danab ah amu, haen Nug ag itadtte, ahilag aab okkai ena daatte; amge nau hak danab ag ahilag naippa heeg, aab nauhtte.

Prowerb 30:4

Aun nug hab aabppa tewowa, eɗua neum ele? Aun nug ulah awa, eppegppa aɗom? Aun nug yu, lamen nuhigppa hautom? Aun nug wan imu oh heum? Laa amu heum am onig aun? Nug bekka ele am onig aun? Na doottem amunu, ⌊da ele dookkulnu,⌋ na appe doyei!

Eklisiastis 7:19

Danab laippu nug doyak dabmak ena ele daatte dayeb amu, nuhig ɠagattag am aab okkainu gumak danab eblaih laih ele dilag ɠagattag eɗidtte.

Aisaia 37:15

Hesekaia nug kola me dayeye, nug Yawe inam unuqittom.

Aisaia 37:21

Hesekaia nug anam unuqitta male, Amos bekka Aisaia nug nai imu Hesekaia dookkunu me ukkom. “Yawe, Israel dilag Kayak, Nug inam atte. ‘Na Senakerip, Asiria dilag king, na nuhig nainu da unuqiɗme amunu,

Aisaia 37:4

Asiria dilag king nug he, nuhig ban daup ikki banppa o ban guguittakppa daatte, nug Kayak hanhan bau daatte awa awa qedakkunu uɗia, ⌊anam heum⌋ amunu Yawe, Nug nahip Kayak, Nug awa awa qettak nai amu Nug doyom ele, Nug nai amu dabmedakkutai. Nug dabmedatta, Nug Asiria dilag king bu medakkutai. Anam amunu, na ig Juda oɗo yaak daattem ele, na Yawe Nug ehanigkkunu unuqidkkutnu oɗ medattem,’ awa atte, aon appig.”

Mak 16:19

Naɗi Jesus Nug anam a amu Kayak Nug he, Jesus Nug hab aabppa ta, Kayak eppeg naɗiap-ppa heɗep na dayom.

Luk 2:15

Engel ag anam awona, ag eɗun hab aabppa teeg, sipsip gumak danab ag ahan, akka akka nai inam madippig. “Ig Betlehem gota, kobol Naɗi Nug amenigppa aum amu anidtu!” aon appig.

Luk 24:51

Nug itattette, Kayak awe, Nug uuatta, hab aabppa ukkom.

Jon 3:13

Laippu laa nug hab aabppa ii teum. Iitta. Danab Bekkalag da aakkuib appa dayeye, hab aabppanu uɗimi.

Aposel 1:9

Am Nug nai amu amelagppa ana male, ag neegna daaegeg, Kayak he, Nug attan teum. Teete, lombig laa haute, ag baula Nug ii anidppig.

Aposel 27:24

nug aum. ‘Pol na aib baɗame! Na am gona, Sisarnu hettoɗiakppa nug noobppa hippaidkkut. Am doye! Danab oh na ele uubppa daatteb amu, Kayak Nug unuqittak nahip doyom amunu, geha ag ele ii mauhmana,’ awa aum. Nug anam awa, da amelppa aum

2 Korint 5:2

Gemu Nug hab aabppanu lag, ig lamen mettem amubia ihinigppa mekkunu oonig huana daatte.

2 Korint 5:4

Ao, ig peh lakka daatta, ig uug dootta aiqagattem, amge ig wan imuppanu beɗunig imu uut, hamu daagnignu oonig ii daatte. Iitta! Ig hab aabppanu beɗunig, wan imuppanu beɗunig qaɗeppa mepput dayebeb, wan imuppanu beɗunig, ag mauhkkulagnu daatteb ele amu, ag hab aabppanu beɗunig, ag hanhannu daatteb amu, ag oolagppa daanna eɗuna, bauklel hanhannu keeke daaglagnu oonig daatte.

Epesus 4:8

Diig amunu amu, Kayak naippa nai inam daatte. “Nug Sion qaukoppa teum. Nug taata, nug ban danab eɗatta, aɗualatta diia ukkom ele, nug ag noolag awa teum. Ao, Nug ta, Nug danab ah keeke kuɗum ahilag daakkunu matte, ag aoppig.”

Revelesen 11:12

Baɗaeg amu, laa aɗi heehe anttomnu mattiak danab aɗit amu aa hab aabnu baag laa nug baag okkaippa inam ewa a doopiɗ. “Aa attan ippa beiɗ!” Ana male amu aa lombigppa hab aabppa tepiɗ. Teeheh, ahilag kekeɗ amu ag aa teeheh anatppig.

Ikki Danab 17:10

Nug anam a, Maika amegppa aum. “Na ippa da mamel, mana mettak danab dahil ele daappe, da geha na maɗ laib laib ohppa 110 gram silwa medakkul; amu lamen keeke, amu ee lanaknu ele medakkul,” awa aum.