2 King 19:3 - Nobonob Baibel

³ Ag gona, ag Aisaia amegppa appig. “Hesekaia nug inam atte. ‘Gemu am deɗ nau, uug nau tonikkaknu deɗ. Deɗ imuppa ig Yawenu daug batak aottem. Ig gemu uɗa nak nau guittak ele doottem. Amu ig ah laa, nuhig haen iitta me, nug nid aokkununab daatte, amge nuhig ɠagattag iitta me, nug nid aokkun elele iitta, ig anam bia daattem.

2 King 19:3 ပူးပေါင်းရင်းမြစ်များ

2 King 18:29

Nug inam atte. ‘Hesekaia nug hambuppualadmanu ag dabmeig! Aɗinu? Nug ehanatteb, ena daaglagnu elele iitta.

2 King 19:2

Amu nug Eliakim, nug kingnu lag enanagnab gumom, Sepna nug am nai yaak danab, amu mana mettak danab anuqak ele, ag oh lamen heɗiag ele maadna, ag ahan, Amos bekka Aisaia toppa gokkulagnu a, ag goppig. Aisaia nug am propet.

2 King 19:4

Asiria dilag king nug he, nuhig ban daup ikki banppa o ban guguittakppa daatte, nug Kayak hanhan bau daatte awa awa qedakkunu uɗia, ⌊anam heum⌋ amunu, Yawe, nahip Kayak, Nug awa awa qettak nai amu Nug doyom ele, Nug nai amu dabmedakkutai. Nug dabmedatta, Nug Asiria dilag king bu medakkutai. Anam amunu, na ig Juda oɗo yaak daattem ele, na Yawe Nug ehanigkkunu unuqidkkutnu oɗ medattem,’ awa atte,” aon appig.

Sam 39:11

Ig danab ah, ig hipunin heutut, na ig toligna, bu megattem. Dittuɗ laa lamen etaɗe nauhtte bia, na danab dilag en hee nauhtte. Ulah, danab noobppa eeɗtte ele, am keeke ɠagattag iitta. Ig ele anamib daattem. Sila.

Sam 95:8

Nai amuam inam. “Ag mamelkad aɗi ag Meriba appa heppig bia gemu ag heppeg, oɗe ii dim lamidmananu dabmak ahilag ɠagattag aib eppom. Ao, ag mamelkad aɗi deɗ laa Masa appa, Masa am atu taɗakppa daatte amu, ag appa heppig bia gemu ag heppeg, oɗe ii dim lamidmananu dabmak ahilag ɠagattag aib eppom.

Aisaia 66:9

⌊Keeke amunu amu,⌋ Yawe Nug atte. “Da ah nid aokkunu dabmein ehanidppi, nid aokkunu haen elele dob, uuppi nid ii aoma hekkulte? Iitta!” Ahilag Kayak, Nug atte. “Ao, da ah nid aokkunu dabmein ehanidppi, nid aokkunu haen dob, ah nug nid aokkunu elele iitta daakkunu hekkulte? Iitta! ⌊Amubia da danab ah dahilad ag eɗun huu laippu ahilag wanppa daaglagnu ehanadppi, anam daaglag,⌋” awa atte.

Hosea 13:13

Israel danab ah ag am bau daaglagnu ib ele, amge ag ib amuppa ukkaknu ag doyak dabmak ena ele iitta; appa ii oitteb. Aɗinu? Ag am nid yuɗ laa menuaknu daatte, amge nid loabppan dokkunu uua daatte, ag amubia daatteb.

Hosea 5:15

Da dahilad danab ah guittak mattoya, da eɗue ukken, da daattemppa daappi ukkeb, dahilad danab ah ag, ‘Ig eheɗ hemut, ig hipunin ele,’ dooglag. Haen amuppa ag da aniɗna dim lamiɗkkulagnu mattiɗkkulag. Ge, ag uug nau doon, ag oolag unuqagppanu da aniɗna dim lamiɗkkulagnu mattiɗkkulag,” awa aum.