Am Dawit nug Moap dilag daup ele ban ha eɗattom. Nug eɗatta he, Moap ban danab ag wanppa niiegeg, Dawitnu danab aɗit aa muɗi eeɗeh ukke, haen aɗit bataeh, Moap danab ag muɗi eeɗak aɗit amu waappa daappig amu, ag huu laappa daaegeg, danab aɗit aa muɗi amu baula eeɗeh ukke, laippu bataeh am, Moap danab eeɗak amu waappa daappig ag huu laappa daappig. Danab aɗit aa anam heeh ukke, Moap ban danab ag huu amu anen anen daaegeg, Dawit he, nuhikkud ban danab ag huu laa, huu amuppa danab kuɗum daappig amu, ag danab amu aqaeg mauhppig amge Dawit nug he, Moap daup ag huu kuɗum iittappa daappig amu, ag aakku bau daappig. Dawit nug anam he, ⌊Moap ag ban hekkulagnu daup kuɗum iitta daappig⌋ amunu, ag Dawit waappa daan, ag en takis bia, hanhan Dawit medattappig.
2 King 17:3 - Nobonob Baibel3 Amu Asiria dilag king Salmaneser nug ban ha, Hosia eɗitta he, Hosia nug Salmaneser waappa dayaya, maɗ oh en takis bia mettom. အခန်းကိုကြည့်ပါ။ |
2 King 17:3
23 ပူးပေါင်းရင်းမြစ်များ
Haen Menahem nug king dayeye, Asiria dilag king Tiklat Pileser, nug nuhig ban danab diie, banelag uɗin, Israel ele ban hekkulagnu uɗippig. ⌊Tiklat Pileser onig laa am Pul.⌋ Anam heehe, Menahem nug Tiklat Pileser nug Israel dilagppa ban hak uua, geha nug Menahem ehanitteb, king ɠagattag Israel wanppa daakkunu ha, nug 3,000 kilogram silwa awa, Tiklat Pileser mettom.
Haen Peka nug king dayeye, Tiklat Pileser, Asiria dilag king, nug banelag uɗia, Israel eɗatta, nug ahilag aab Iyon, Abel Betmaka, Janoa, Kedes, Hasor ele oh diia, nug Gileat wan, Galili wan, amu Naptali wan oh ele awa, nug danab ah aab, o wan amuppa daappig am diia, Asiria ukka he, ag aguppa daappig.
Amge maɗ laa am Hosia nug danab laala maatte, ag Isip dilag king So gumidna, King So oɗ medappeg ehanidkkunu goppig. Amu Hosia nug en takis bia Salmanesernu ii me ukkom, maɗ ohppa me gottom bia, nug ii me ukkom. Nug anam he, Asiria dilag king Salmaneser nug Hosia nug nug waappa daamanu laa ehanidkkunu dabmette doya, aakku Salmaneser nug Hosia aɗa, maniguittom.
Ag Hesekaianu nai aib dooppig; aib dabmeppig. Iitta!’ Anam amu ag Asiria dilag kingnu nai dabmekkulag am ena. Nug atte. ‘Ag dahil nai doon, ag da waalppa daaglagnu anana, ag dahilppa uɗippeg, ag oh ippa daanna, ag ee ahilag wanppa bette ele, amuam grep meu, ad fig meu ele amu, ag amu, le oug ahilag ele lanana daaglag.
O Kayak, na ihinig Kayak, na ɠagattag okkai ele, danab na anitta, nug ebehi oh bodoetta le mette elenu Kayak, na danab ah aun aɗi ele, na hee, na danab ah amu ele ag nug oo mauhaknab doyaknu nug tituana nai qakkak hetteb amu, na nug tituana nai qakkak amu ii okkulttem. Na anam henan daattem amunu, O Kayak, uug digdig ig gemu daattem, ihinigppa beppig amu, ig na uug amunu, ‘Am keeke hamu, keeke okkai iitta,’ ii doomnanu oɗ medattem. Uug amuam, ig, ihinkad king, ihinkad ikki danab, ihinkad mana mettak danab, ihinkad propet danab, ig mamenkad aɗi, ig laa oh ele, ig oh ihinigppa beppig. Asiria dilag king ag digmena, uug amu ig mekkaeg uɗie uɗie, gemu ele ig uug amu anidttem.
Anam amu, ban naɗi ahilagppa uɗieb, geha kekeɗ ag ahilkad aab aɗ ɠagattagnab ele oh heppeg nauhkkulag. Haen amuam ⌊King⌋ Salman, nuhikkud daup ele ag Betarbel heeg nauhom, kekeɗ ag amubia ahilagppa hekkulag. Betarbel appa ban danab o danabib ii mauhppig. Iitta. Kekeɗ ag ah, nid ahilkad ele laippu aɗualadna buɗiatteg, wanppa noeg, ag beɗulag oh aoɗatte, hupu hupu neppig.
Ag geha amu hekkulag dayeb amu, amuppa ag nug tituana nai qakkak da hei, ig hemut ele, ag amu tippalkkulag amunu, da kekeɗ daup maadppi uɗippeg, ag ele ban hekkulag. Amu ag aab okkai ahilkadppa oolna gokkulag dayeb, da heppi, oɗe nau danab kuɗum aqe mauhtteb ele laa, ag aqa mumuɗatteb, ahilag kekeɗ ag diikku.